PANDARIADDI 23:16 - WUKE SUSI WATTI'U AL᷊AL᷊USASSA

¹⁶ I Abraham naapuluten arega udde. I tou nandeengngu roitta sal᷊a'a anambone ere nisagon Efron, eteudde appatu ṛasutta roitta sal᷊a'a, tumuṛṛuttu aul᷊aanna ara'e uṛṛanna apan ipappaattu manga mabbawal᷊u'a. Ana see i tou namaekke si Efron, ringannu aellehannu anambon taumatan Het udde.

PANDARIADDI 23:16 Iomraidhean Croise

PANDARIADDI 23:15

“Leta'a santampa aregane tumba'u maṛṛasutta roitta sal᷊a'a – apa mangal᷊ene udde siaddua? Labbinga'e awingngi Tuangnga isudde.”

PANDARIADDI 43:21

Su amatanna mapul᷊e, su tempo i yami manaṛṛabbi, i yami namu'a karongngi yami. Inauranna anambon doitta wawaekka gandummi yami uaraddo su wowon gandumma. Yami wagga isai nantaṛṛon doitta udde. Orassa indi niapiddi yami iapaawelenga si Tuangnga. Wua'udde lai ta'e uaapiddu roitta ipamalli anna apia.”

PANDARIADDI 49:29

Wua'udde i Yakub nananata manga anangnge, “Tate mal᷊annu lai ya'u sarun mapul᷊e ere al᷊amona'u. I ya'u labbinga'a su sandiṛṛanni mangitou sulal᷊ummu liangnga su Makhpela, su samba'an da'i Mamre su leta'u Kanaan. I Abraham buatte namalli liangnga wuṛṛu wawail᷊anna maranine wuassi Efron taumatan Het maola'a pallabinganna.

PANDARIADDI 50:13

I mangitou nangapiddu winal᷊unanne watukku Kanaan wuṛṛu nilabingnga su liangngu Makhpela, su samba'an da'i Mamre, su wawail᷊anna apan buatte niwallianni Abraham wuassi Efron taumatan Het udde, apan maola'a pallal᷊abinganna.

2 SAMUEL 14:26

Utangnge tumaniten maappalla, wuṛṛu i tou ṛinone mamol᷊o utangnge santonna paassa ana waugu pendamanne tumaniten mawakkatta. Uta'a apan nipol᷊one udde awakkanne nilumebbe wuassu rua kilo tumuṛṛuttu aul᷊aannu ratu.

2 SAMUEL 24:24

Arawe ratu sinumimbakka, “Arie! Tampa indi ta'u wallianna. I ya'u maddiri mangonggolla su Mawu Ruata'u sambau saranapa apan niasombanganna ringannu tawe sahadde.” Ana see i Daud namallite tampa pakkindanna gandumma wuṛṛu manga sapi udde ringannu aregane liman pul᷊o roitta sal᷊a'a.

AYUB 28:15

Asingkatta tawe asal᷊iuanna salaiwe ringannu wul᷊awanna tutune, wuṛṛu ringannu sal᷊a'a lai tawe maawalli.

SASABANGNGA 30:13

Suapan taumata apan ireengnga sulal᷊ummu pandareengnga udde ṛinone mamaekku anambon doitta apan buatte tinantunna tumuṛṛuttu arega apan iappaatta su Rasang-Ku maola'a aonggola apan niṛṛae si Ya'u.

YEREMIA 32:9

Ne i ya'u namallite leta'a udde wuassi Hanameel ringannu arega mapul᷊o pitu roitta sal᷊a'a. I ya'u namaggo manga mattatiala wuṛṛu su saruanni mangitou i ya'u naneengnga surattu pamamalli leta'a udde, see i ya'u nandeette segelle wuṛṛu roinne nikilo.

YEHEZKIEL 45:12

Timbangannu ṛinone arendi: 1 syikal=20 gera 1 mina=60 syikal

ZAKARIA 11:12

I ya'u nabbisara si mangitou, “Amungkangngu manga Tuangnga mappulu, onggol᷊a'e sewa'u; amungkangngu tawe, lasa'e lai.” Wua'udde i mangitou nangonggolla si ya'u tallun pul᷊o roitta sal᷊a'a maola'a sewa'u. Mawu nabbisara si ya'u, “Taṛṛoa'e roitta udde sulal᷊ummu kasen Wal᷊e-U.” nariaddi ta'u nitaṛṛo tallun pul᷊o roitta sal᷊a'a udde sulal᷊ummu kasen Wal᷊en Mawu. Tumba'u aroddi pangangareggan mangitou si ya'u!

MATIUS 7:12

Ola'awe taumata waine ere i yamiu lai maapulu olaanni mangitou. Eteudde lal᷊oṛṛon al᷊aṛṛa'i Musa wuṛṛu manga nabi.”

WATTI'U MANGA RASUL 7:16

Winal᷊unanni mangitou niapidda apia su Sikhem wuṛṛu nilabingnga su lal᷊abinganna apan suete niwallianni Abraham ringannu roitta wuassu taumatan walahannu Hemor su Sikhem.

ROMA 13:8

Imbaṛṛangnga pia awallasa sisai-sai, tabene'e uawawallasa darangngu sangkatou ringannu waine. Ana waugu taumata apan marangngu su sansul᷊ungnge taumata, buatte nanuungngu anambon titan Musa.

FILIPI 4:8

Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

1 TESALONIKA 4:6

Sulal᷊ummu olangnge ereudde, arie saran sangkatou ma'ola'a pasasal᷊a su tuṛṛangnge, ara'e mallinga. Dorone yami suete napaanaungnga ringannu atonna si yamiu, manungku Mawu sarun maṛṛuumannu manga taumata apan ma'ola'a manga pasasal᷊a ereudde.