PANDARIADDI 22:18 - WUKE SUSI WATTI'U AL᷊AL᷊USASSA

¹⁸ Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou su ereapa i Ya'u nangal᷊amatta papapulunnu – ana waugu i'o buatte tinumuṛṛutta parenta-U.”

PANDARIADDI 22:18 Iomraidhean Croise

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

PANDARIADDI 18:18

Wal᷊inewe papapulunne apan sarun maola'a balahama apan wahewalla wuṛṛu uataṛṛino? Walinetoe ete ana waugu i tou anambon balahama su runia sarun Ta'u al᷊amatanna?

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

PANDARIADDI 22:10

Wua'udde, i tou nanganu lari'a ipamate anangnge.

PANDARIADDI 22:3

Tiṛṛabine marua allo maṛṛanggapa, i Abraham nama'ate alun sasamba itattambunna wuṛṛu nalli'ussa alu udde su liuddu keledai. I tou inaite ringanni Ishak wuṛṛu ruan katou allangnge watukku tampa apan niapasingkattu Ruata si tou.

PANDARIADDI 28:14

Papulunnu anambone ere awu su runia. I mangitou sarun manggewalla leta'i mangitou watukku al᷊awo'u tampa, wuṛṛu wua si'o wuṛṛu papapulunnu, i Ya'u sarun mangal᷊amatta anambon balahanna su runia.

DARALO 72:17

Antimanna arannu ratu sidutu nanaunganna saran mal᷊annu-l᷊annu, wuṛṛu tumelengke saran matannallo ta'e pia. Antimanna manga walahanna madoronga al᷊amatanna ere i tou, wuṛṛu anambon taumata mannagone lal᷊umanna'a.

SASABANGNGA 7:6

I Musa wuṛṛu i Harun tinumuṛṛutta srangkanambone apan nirolokku Mawu.

YEREMIA 4:2

Amungkangngu i yamiu massalu ringannu arang-Ku wuṛṛu i yamiu mabbiakka su atatul᷊idda su apapia wuṛṛu atonna, ne anambon balahanna sarun sumal᷊ande si Ya'u tadea'u i Ya'u mangal᷊amatta si mangitou, wuṛṛu i mangitou sarun maddalo si Ya'u.”

YEREMIA 7:23

I Ya'u tumba'u namarenta si mangitou tadea'u tuttuṛṛutta si Ya'u tadea'u i Ya'u maola'a Ruata mangitou, wuṛṛu i mangitou maola'a uma-U. I Ya'u nandolokki mangitou mabbisakka tumuṛṛuttu manga parenta-U tadea'u i mangitou su lal᷊ummanna'a.

MATIUS 1:1

Ete indi arannu iupungngu al᷊amona Mawu Yesus Kristus, papapulunni Daud, papapulunni Abraham. Wuassi Abraham na'oman sara i Daud, arannu manga iupungngu al᷊amona Mawu Yesus Kristus ereindi:

WATTI'U MANGA RASUL 3:25

Manga pa'airen Ruata apan niapaasingkattu manga nabi, eteudde huna manga tuṛṛangnga. Sulal᷊ummu pa'aire apan niola'u Ruata su iupungngu al᷊amonanu, Ruata nabbisara si Abraham arendi, ‘Wuassu papapulunnu, i Ya'u sarun mangal᷊amatta al᷊awo'u taumata su runia.’ Pa'aire udde hunane si yamiu lai.

ROMA 1:3

Watti'u Al᷊al᷊uassa udde mabbatti'u Ana'u Ruata, eteudde Mawun kite Yesus Kristus. Su ola'u saṛṛene ere taumata, i Tou walahanni Daud,

GALATIA 3:16

Manga paaire Ruata niola'u Ruata si Abraham wuṛṛu lai hunane su taumata papapulunni Abraham. Sulal᷊ummu Wuke Susi tawe uawoṛṛetta “wuṛṛu su manga taumata pappapulunni Abraham”, atappasanne eteudde anambon taumata. Apan uawoṛṛetta isudde eteudde “wuṛṛu hunane su taumata papapulunnu”, atappasanne tumba'u sangkatou, eteudde Kristus.

GALATIA 3:18

Ana waugu amungkangu aonggolu Ruata uatundeeta su titan agama, ne tate lai aonggola apan pina'ire. Ewe'e ana waugu Ruata suete na'ire si Abraham, ne Ruata nangonggolu udde si tou.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.