PANDARIADDI 22:17 - WUKE SUSI WATTI'U AL᷊AL᷊USASSA

¹⁷ i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

PANDARIADDI 22:17 Iomraidhean Croise

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 13:16

I Ya'u sarun mangonggolla si'o papapulunna apan tumanite manambo, ma'oman sara tawedu pia sangkatou apan botongnge maareengngi mangitou. Su ereapa taumata tawe maareengngu awu su leta'a, aroddi lai papapulunnu tawe iareengnga.

PANDARIADDI 15:5

Mawu nangapiddi Abram su liudde ana see nabbisara si tou, “Paningngarate langitta, wuṛṛu annama'o pandeengngu manga anumpitanna; i'o sarun manahuanna papapulunna anambone ere manga anumpitanna udde.”

PANDARIADDI 17:6

I Ya'u sarun mangonggolla si'o, manambo ana'a papapulunna, wuṛṛu su wallatti mangitou sarun piaddu maola'a manga ratu. Papapulunne sarun mabbal᷊i aroddi anambone, ma'oman sara i mangitou maola'a manga balahanna.

PANDARIADDI 25:11

Napawe i Abraham natete, Ruata nangal᷊amatta si Ishak, ana'i Abraham. Su tempo udde i Ishak uatana'a maranin paṛṛihi apan isassago “I Tou Apan Mallu'adda si ya'u”.

PANDARIADDI 26:24

Su ṛabbi udde Mawu naipasilon batangan-Ne si tou wuṛṛu nabbisara, “Ete i Ya'u Mawu Ruatan iamangngu Abraham. Arie pa'ata'utta; i Ya'u sarun mallu'adda si'o. I Ya'u sarun mangal᷊amatta si'o wuṛṛu mangonggollu papapulunna apan manambo si'o ana waugu pa'aire-U si Abraham allang-Ku.”

PANDARIADDI 26:4

I Ya'u sarun mangonggola si'o ana'a papapulunna anambone ere anumpitanna su langitta, wuṛṛu ahewallu leta'a indi sarun Ta'u ionggola si mangitou. Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou ereapa i Ya'u buatte nangal᷊amatta papapulunnu.

PANDARIADDI 28:3

Antimanna Ruata Lembon Taṛṛino mangal᷊amatta pa'a'awingngu wuṛṛu mangonggolla si'o ana'a papapulunna apan manambo, ma'oman sara i'o maola'a al᷊amonan balahanna manambo!

PANDARIADDI 28:4

Antimanna Mawu mangal᷊amatta si'o wuṛṛu papapulunnu, ere lai Tou buatte nangal᷊amatta si Abraham, wuṛṛu antimanna i'o manahuanna leta'a apan wawanuannu indi, apan buatte nionggolu Ruata si Abraham!”

PANDARIADDI 32:12

Paanaungewe manungku Mawu buatte naddiandi sarun mangatokku al᷊awo'u apapia si ya'u wuṛṛu mangonggola si ya'u papapulunna apan manambo. Tawe saran sangkatou apan botongnge mandeengnga ana waugu anambone naal᷊ihidda anne su apanne.”

PANDARIADDI 32:13

Napawe nanaṛṛabbi isudde, i Yakub nanganu sambageanganna wuassu manga winatangngi tou ionggola si Esau. Aonggola udde eteudde: dua ṛasutta ambinga wawine, ruan pul᷊o ambinga esakka, dua ṛasutta domba wawine, ruan pul᷊o domba esakka, tallu pul᷊o unta apan tantal᷊anna mappasusu, suadio'a ringannu anangnge, appatu pul᷊o sapi wawine, mapul᷊o sapi esakka, ruan pul᷊o keledai wawine wuṛṛu mapul᷊o keledai esakka.

2 SAMUEL 17:11

Ana waugu udde tatantiro'u arendi: Ammul᷊a'e anambon taumatan Israel su ahewallu wanua, na'oman sara anambone naal᷊ihidda anne su apannu tahal᷊oangnga. Ana see i Tuangnga sassane apan mamiaṛṛa'i mangitou inai mapapangalo.

1 MARARATU 4:20

Tumana'u Yehuda wuṛṛu Israel anambone ere anne su wiwikku tahal᷊oangnga. I mangitou uatahuanna anna manambo wuṛṛu ua'e see mabbiakka su lal᷊umanna'a.

1 MARARATU 9:26

Su ammul᷊annu apalla, Ratu Salomo nallanginnu manga apalla su Ezion-Geber, maranin Elot su apannu Eṛṛesannu Akaba, wageangngu leta'u Edom.

1 TAWARIKH 27:23

I Ratu Daud tawe na'ola'a pandareengnga suwallattu manga taumata apan uukke 20 su tonnane inawa, ana waugu Mawu buatte naddiandi sarun ma'ola'a taumatan Israel anambone ere anumpitanna su langitta.

2 TAWARIKH 1:9

Orassa indi, oh Mawu Ruata, antimanna I'o manipussu paaire-Nu su iamangku. I ya'u buatte nitenegu Mawu naola'a ratu su walahanna wahewalla indi apan tawe iareengnga anambone.

NEHEMIA 9:23

I'o na'ola'a papapulunni mangitou anambone ere manga anumpitanna su winalanganna. I'o nangonggollu leta'a si mangitou maola'a tampa atatanaanne, leta'a apan buatte nipa'ire-Nu su iupungngu al᷊amonane.

SASABANGNGA 32:13

Naungete manga allangngu i Abraham, i Ishak wuṛṛu i Yakub. Naungete manungku I'o lai na'ire ringannu sasalu tadea'u mangonggolu papapulunna anambone ere anumpitanna su langitta, wuṛṛu lai manungku ahewallu leta'a apan pina'ire-Nu udde sarun maola'a pussa'a papapulunni mangitou saran mal᷊annu-l᷊annu.”

YESAYA 48:19

Pallaṛṛitenu sarun maola'a ere anambon anne; i Ya'u mallu'adda si mangitou ma'oman sara tawe pateanna.”

YEREMIA 32:22

Wanua apan mapia wuṛṛu masuwukka indi Ta'u ionggolla si yamiu ere buatte pina'ire-Ku su al᷊amona mangitou.

YEREMIA 33:22

I Ya'u sarun manimu papapulunni allang-Ku Daud wuṛṛu manga imam su ṛuanganni Lewi, ma'oman sara anambone maola'a ere anambon anne su winggin sahatta wuṛṛu anumpitanna su langitta apan tawe iareengnga.”

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

HOSEA 2:1

Ana waugu udde waggoite sansul᷊ungngu ringannu aranna “Umattu Ruata” wuṛṛu “Niakkannu Mawu.”

MIKHA 1:9

Ana waugu manga lessan Samaria tawe aundamanna, wuṛṛu Yehuda sarun aṛṛiannu asasilaka apan uasul᷊ungnga. Asasilaka na'omate su Yerusalem, ngara sasuttanna leta'a inariadiannu walahangku.

ROMA 4:13

Ruata na'ire si Abraham wuṛṛu walahanne manungku runia indi sarun maola'a pussa'an Abraham. Ruata na'ire aroddi wal᷊ine ana waugu Abraham matuṛṛutta titan agama Yahudi, arawe ana waugu i tou mangngimanna Ruata na'oman sara i tou tinarimmattu Ruata maola'a sangkatou taumata apan maal᷊uassa naung-Nge.

ROMA 9:27

Nabi Yesaya nabbisara ringannu maṛṛagissa su ola'u walahannu Israel, “Salaiwe reengannu walahannu Israel anambone ere anne su tahal᷊oangnga, tumba'u matul᷊ungnga apan masal᷊amatta;

1 KORINTUS 15:57

Arawe aadiangkamanna su Ruata; i Tou nangonggolu auntunganna sulal᷊ummi Yesus Kristus Mawun kite.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

TAHIUL᷊E 1:10

Mawu Ruatanu buatte na'ola'a reengannu a'atambana anambone ere anumpitanna su langitta.

TAHIUL᷊E 1:11

Antimanna Mawu, Ruatan iupungngu al᷊amonanu sidutu mannamba anambonu ma'oman sara paasaṛṛiwu lappuanna anambone, wuṛṛu ma'ola'a si yamiu walahanna apan ala ere lai buatte nipa'ire-Ne!

TAHIUL᷊E 10:22

Su tempo iupungngu al᷊amonanu inaite watukku Mesir, reenganni mangitou tumba'u pitun pul᷊o su atoune. Arawe Mawu Ruatanu buatte na'ola'a reengannu anambone ere anumpitanna su langitta.”

TAHIUL᷊E 13:17

Manga saranapa apan niawontohanna udde tawe wotongnge sahipunna maola'a darotongngu sassane, arawe ṛinone insueanna abbi. Ne asasa'un Mawu umompo'a wuṛṛu i Tou sarun mapal᷊iatta'u tatal᷊antume si yamiu. I Tou sarun mal᷊uassa naung-Nge si yamiu wuṛṛu ma'ola'a si yamiu walahanna apan bahewalla ere buatte niriandi-Ne su al᷊amonanu,

TAHIUL᷊E 13:18

sawal᷊iate i yamiu tuttuṛṛutta al᷊awo'u parenta-Ne apan ta'u niwal᷊o si yamiu allo indi, wuṛṛu tumuṛṛutta al᷊awo'a apan ipaapulu-Ne.”

TAHIUL᷊E 21:19

Ne hagurangnge ṛinone mangapiddi tou ringannu manga matatimmadu soa su tampa atatanaanni mangitou uatana'a wuṛṛu madorongnga tadea'u ana'a udde parikisanna.

IBRANI 11:12

Salaiwe i Abraham su tempo udde ere taumata apan wadange natete, arawe i tou naasomba walahanna, apan anambone tawe iareengnga – ere anambon anumpitanna su langitta wuṛṛu anne su winggin apanne.

IBRANI 6:14

I Tou nabbisara, “I Ya'u ma'ire sarun mangal᷊amatta si'o wuṛṛu ma'ola'a walahannu mabbal᷊i manambo,”

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”