PANDARIADDI 22:11 - WUKE SUSI WATTI'U AL᷊AL᷊USASSA

¹¹ Arawe mala'ekattu Mawu niumui si tou wuassu langitta, “Abraham, Abraham!” Sasimbakki Abraham, “I ya'u, Mawu!”

PANDARIADDI 22:11 Iomraidhean Croise

PANDARIADDI 16:7

Mala'ekattu Mawu naisasomban Hagar maranin al᷊imatan kua'e maranin wadda'u Sur.

PANDARIADDI 21:17

Ruata naddaringikka tingikki Ismael,wuṛṛu wuassu langitta mala'ekattu Mawu nabbisara si Hagar, wisarane, “Apate ma'asusa si'o, Hagar? Ariete paata'utta. Ruata buatte naddaringikka tingikku anangngu.

PANDARIADDI 21:18

Roote ringannu anangngu sal᷊urute wuṛṛu limbatete i tou. I Ya'u sarun mandiadi papapulunne sambau walahanna apan balahanna.”

PANDARIADDI 22:1

Manga pira tempo wua'udde Ruata na'annamma tatuṛṛutti Abraham. Ruata namaggo, “I Abraham!” Ana see i Abraham sinumimbakka, “I ya'u, Mawu.”

PANDARIADDI 22:10

Wua'udde, i tou nanganu lari'a ipamate anangnge.

PANDARIADDI 22:12

“Imbaṛṛangnga mamate ana'a udde ara'e olaannu ereapa i tou,” unnu Mawu sulal᷊ummu mala'ekata udde. “Orassa indi i Ya'u masingkatta manungku i'o maadatta wuṛṛu matuṛṛutta si Ya'u, ana waugu i'o tawe nanol᷊a'a manantillu anangngu tinggassa udde si Ya'u.”

PANDARIADDI 22:16

“Mawu nabbisara: i Ya'u massalu ringannu arang-Ku sassane, ana waugu i'o buatte na'ola'a inolaanna indi wuṛṛu tawe nanol᷊a'a manantillu anangngu tinggassa udde si Ya'u,

PANDARIADDI 24:7

Mawu, Ruata apan uataṛṛino langitta, buatte nangapi'u wuassu wal᷊en iamangku wuṛṛu wuassu wanua manga tuṛṛangku, wuṛṛu i Tou buatte nassalu si ya'u manungku i Tou sarun mangonggolu wanua indi su papapulungku. I Tou lai sarun mandolokku mala'ekan-Ne mantul᷊ungngu, tadea'u i'o wotongnge maasomba sangkatou awingngu ana'u wua poiaroddi.

PANDARIADDI 31:11

Wuṛṛu Ruata ringannu lihiddu mala'ekatta nabbisara si ya'u sulal᷊ummu wal᷊iawa udde, wisarane, ‘I Yakub!’ I ya'u sinumimbakka, ‘Ore’.

PANDARIADDI 37:13

i Yakub nabbisarate si Yusuf, “Roote watukku Sikhem, su tampa manga iaangngu mallu'adda ammul᷊annu ambinga domban kite.” I Yusuf sinumimbakka, “Ore Papa.”

PANDARIADDI 46:2

Sulal᷊ummu sambau aellega su tempo ṛabbi, Ruata nabbisara si tou, “I Yakub, i Yakub!” “I ya'u, Mawu,” sasimbakke.

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

SASABANGNGA 3:2

Isudde mala'ekattu Mawu naipasilon batanganne si tou sulal᷊ummu ṛenggammu putungnga apan sinumabbangnga wuassu pattangngannu ahuranganna. I Musa naasilo ahuranganna udde luṛṛenggamma, arawe tawe matutungnga.

SASABANGNGA 3:4

Mawu naasilo si Musa nangundanin tampa udde, ne i Tou niumui wuassu pattangngannu ahuranganna udde, “I Musa! I Musa!” “I ya'u isindi,” sasimbakki Musa.

YESAYA 6:8

Ana see i ya'u naaringikka tingikku Mawu nabbisara, “Isai apan Ta'u irolokka? Isai apan sarun maola'a mangangapiddu watti'i ite?” I ya'u sinumimbakka, “Indi i ya'u. Doloṛṛa'e i ya'u!”

WATTI'U MANGA RASUL 26:14

I yami sarangkanambone naṛṛa'a su leta'a. See i ya'u naaringikka tingikka nabbisara si ya'u sulal᷊ummu wisaran Ibrani, ‘Saulus, Saulus! Anio i'o mangke mandal᷊eo si Ya'u! I'o sarun maapendamma sassane raddangngu, amungkangngu i'o sidutu lullawanga piaṛṛa'i Tou apan naola'a Mawunu.’

WATTI'U MANGA RASUL 9:4

I tou nema'a su leta'a see naaringikka sambau tingikka mabbisara si tou, “Saulus, Saulus! Anio i'o mandal᷊eo si Ya'u?”

MAL᷊AṚṚUUNGNGA 2:1

Mala'ekattu Mawu inaite wuassu Gilgal watukku Bokhim wuṛṛu nabbisara su manga taumatan Israel, “Yai buatte napasabbangi yamiu wuassu Mesir, wuṛṛu nangapiddi yamiu watukku wanua apan buatte nipa'ire-U su iupungngu al᷊amonanu. Buatte lai Ta'u niapasingkatta si yamiu, ‘Pa'a'aukku pa'aire-U si yamiu tawe Ta'u wassutanna.

1 SAMUEL 3:10

Wua'udde Mawu nirumantate, wuṛṛu dirumarisikka sutampa udde lapiddu namago apia, “Samuel, Samuel!” Ne i Samuel sinumimbakka, “Pabbisarate, Mawu, allang-Ngu uararingikka.”

1 SAMUEL 3:4

Mawu namago si Samuel, ana see i Samuel sinumimbakka, “I ya'u, Papa!”