PANDARIADDI 22:1 - WUKE SUSI WATTI'U AL᷊AL᷊USASSA

¹ Manga pira tempo wua'udde Ruata na'annamma tatuṛṛutti Abraham. Ruata namaggo, “I Abraham!” Ana see i Abraham sinumimbakka, “I ya'u, Mawu.”

PANDARIADDI 22:1 Iomraidhean Croise

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

PANDARIADDI 21:11

I Abraham mangke tawe mal᷊uassa su darorongnga udde, ana waugu I Ismael udde lai anangnge.

PANDARIADDI 22:11

Arawe mala'ekattu Mawu niumui si tou wuassu langitta, “Abraham, Abraham!” Sasimbakki Abraham, “I ya'u, Mawu!”

PANDARIADDI 22:7

i Ishak nabbisara, “Papa!” I Abraham sinumimbakka, “Pia apa ana'u?” I Ishak naiwal᷊o, “I ite uaapidden putungnga wuṛṛu alu, arawe suapa ana'u domba olaanna sasamba itattambunna udde?”

PANDARIADDI 37:13

i Yakub nabbisarate si Yusuf, “Roote watukku Sikhem, su tampa manga iaangngu mallu'adda ammul᷊annu ambinga domban kite.” I Yusuf sinumimbakka, “Ore Papa.”

PANDARIADDI 46:2

Sulal᷊ummu sambau aellega su tempo ṛabbi, Ruata nabbisara si tou, “I Yakub, i Yakub!” “I ya'u, Mawu,” sasimbakke.

2 SAMUEL 24:1

Mawu nasau apia su Israel, ana see i Daud nisal᷊ong-Nge ringannu pandumanna mandatan asasusa su walahanna udde. Mawu nabbisara si tou, “Pa'ola'e pandareengnga su Israel wuṛṛu Yehuda.”

2 TAWARIKH 32:31

Wuṛṛu sutempo manga daroloṛṛanna wuassu Babel nirumanta naiwal᷊o si tou su ola'u apapiane apan maatiangnga, Mawu namalan Hizkia mangatokka sassane, tadea'u wotongnge manaṛṛassidda naungnge.

DARALO 11:5

Mawu mannal᷊u'atta taumata mapia wuṛṛu taumata lal᷊eo, I Tou maddantinnu taumata apan apulune al᷊aṛṛagissa.

SASABANGNGA 16:4

Unnu Mawu si Musa, “Orassa indi Ya'u manossokku anna apan manambo naal᷊ihidda uranna si yamiu sarangkanambone. Miallo-miallo i yamiu ṛinone mangammulu anna udde tumba'u ipaatta allo massallo. Ringannu olangnge udde i Ya'u ma'annammu walahang-Ku tadea'u i Ya'u masingkatta tanne i mangitou matuṛṛutta manga parenta-U ara'e tawe.

SASABANGNGA 3:4

Mawu naasilo si Musa nangundanin tampa udde, ne i Tou niumui wuassu pattangngannu ahuranganna udde, “I Musa! I Musa!” “I ya'u isindi,” sasimbakki Musa.

AMSAL 17:3

Wul᷊awanna wuṛṛu sal᷊a'a iannamma su auntupanna, arawe naungngu taumata iannammu Mawu.

YESAYA 6:8

Ana see i ya'u naaringikka tingikku Mawu nabbisara, “Isai apan Ta'u irolokka? Isai apan sarun maola'a mangangapiddu watti'i ite?” I ya'u sinumimbakka, “Indi i ya'u. Doloṛṛa'e i ya'u!”

1 KORINTUS 10:13

Al᷊awo'u wawono'a apan niasombanganni yamiu, eteudde wawono'a apan masokkate niapendamannu taumata. Arawe Ruata sidutu uaaggasa paaire-Ne. I tou maddiri mamalanu wono'anna nangillembo wuassu pangangimanni yamiu. Su tempo i yamiu nia'omannu wawono'a, i Tou sarun mamantingiddu lal᷊anna si yamiu tadea'u maola'a matohassa wuṛṛu i yamiu wotongnge maataṛṛangnga.

TAHIUL᷊E 13:3

imbaṛṛangnga ma'ellega si tou. Mawu Ruatanu nappaattu taumata udde ipamono'a si yamiu, ipa'ellega tanne i yamiu atonna-tonna mandangngu Mawu ringannu ahewallu naungngu ara'e tawe.

TAHIUL᷊E 8:16

Su wadda'a i Tou nangonggolu manna maola'a pabbawiakku, anna apan awaganannu iupungngu al᷊amonanu. Mawu na'ola'a udde tadea'u iapaannama si yamiu wuṛṛu ipamawo naungngu, tadea'u panginsueanne i Tou wotongnge ma'ola'a apapia si yamiu.

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

IBRANI 11:17

Ana waugu mangngimanna lai, i Abraham nanantilli Ishak maola'a sambau sasamba su tempo i tou niannamannu Ruata. Ete tumba'u si Abraham Ruata nangonggolu pa'aire-Ne, arawe i Abraham ma'apulu nanantillu anangnge apan man sambau udde.

YAKOBUS 2:21

Pa'ellege si Abraham iupungngu al᷊amonan kite. I tou sinengkammu Ruata ringannu mapia ana waugu pallal᷊agune, eteudde su tempo i tou nanantilli Ishak anangnge, su Ruata su wowon mezbah.

1 PETRUS 1:7

Tuddane eteudde mattiala manungku tanne atonna-tonna i yamiu mangngimanna Mawu ara'e tawe. Wul᷊awanna lai apan wotonge mahohakka, iannamma su putungnga. Ne pangangimanni yamiu maareganne wuassu wul᷊awanna, nariaddi ṛinone lai iannama tadea'u maola'a matohassa. Wuṛṛu ringannu aroddi yamiu sarun raloanna wuṛṛu addatanna lapiddu iruitta su allo Mawu Yesus Kristus rumanta apia.

MAL᷊AṚṚUUNGNGA 2:22

I Ya'u sarun mappaattu manga walahanna udde ipanal᷊u'atta walahannu Israel, tadea'u i Ya'u maasingkatta tanne walahannu Israel mappulu tumuṛutta manga parenta-U ere lai iupungngu al᷊amonan mangitou, ara'e tawe.”

1 SAMUEL 3:4

Mawu namago si Samuel, ana see i Samuel sinumimbakka, “I ya'u, Papa!”