PANDARIADDI 21:20 - WUKE SUSI WATTI'U AL᷊AL᷊USASSA

²⁰ Ruata uarundinganna si Ismael. Ana'a udde mallannu magewalla, i tou uawanua su wadda'u Paran, wuṛṛu naola'a matataṛṛiasu apandeanne.

PANDARIADDI 21:20 Iomraidhean Croise

PANDARIADDI 10:9

Ringannu tul᷊ungannu Mawu i tou nabbal᷊i matataṛṛiasu apan apandeanne. Ana waugu udde taumata wiasa nabbiasara, “Antimanna Mawu mandiadi si'o sangkatou matataṛṛiasu apan apandeanne ere i Nimrod.”

PANDARIADDI 16:12

Arawe anangngu udde sarun mabbiakka naal᷊ihidda keledai matengnga; i tou sarun mandoappa al᷊awo'u taumata, wuṛṛu suapan taumata sarun mandoappa si tou. I tou sarun mabbiakka uaṛṛae wuassu anambon tuṛṛangnge.”

PANDARIADDI 17:20

Arawe i Ya'u mangutungngu darorongngu su ola'i Ismael. Ana wugu ude i tou Ta'u al᷊amatanna wuṛṛu Ta'u onggol᷊annu papapulunna apan manambo. I tou sarun maola'a al᷊amona mapul᷊o dua piaṛṛa'u ṛuanganna, wuṛṛu papapulunne sarun Ta'u olaana sambau balahanna apan bahewalla.

PANDARIADDI 25:27

Ana'a darua udde aatambanna ahewalle. I Esau nabbal᷊i limalul᷊u apan pande wuṛṛu apulune uatana'a su wadda'a, arawe i Yakub matammudda wuṛṛu apulune uatana'a su wal᷊en.

PANDARIADDI 27:3

Nariaddi panganute papiti'a wuṛṛu manga anaannu, roote pattaṛṛiasu sambau winatangnga su wadda'a.

PANDARIADDI 28:15

Paanaunge, i Ya'u sarun mantul᷊ungnga wuṛṛu mallu'adda si'o, su al᷊awo'u tampa amatannu, wuṛṛu i'o sarun Ta'u iapidda mabelengnga watukku wanua indi. I Ya'u tawe manantangngu maddatingngu sarangkanambone Ta'u niola'a su alawo'u apa apan pina'ire-U si'o.”

PANDARIADDI 39:21

Arawe Mawu nantul᷊ungngi Yusuf wuṛṛu sidutu marangngu si tou, na'oman sara tembonannu tutupanna marangngu si tou.

LUKAS 1:80

Ana'i Zakharia udde maggewalla see a'atambanna auatannu ghaṛṛahone. I tou uatana'a su wadda'a, na'oman sara tempone nia'omanna i tou namasingkattu watanganne su walahannu Israel.

LUKAS 2:40

Ana'a udde aatambante ahewalle wuṛṛu atohanne. I Tou pande atonna wuṛṛu lembon arangnguannu Ruata.

MAL᷊AṚṚUUNGNGA 6:12

Mala'ekattu Mawu nattingkapasilo si tou wuṛṛu nabbisara, “Ei umbasanna apan matohassa! Mawu uarundinganna si'o!”