PANDARIADDI 20:7 - WUKE SUSI WATTI'U AL᷊AL᷊USASSA

⁷ Arawe orassa indi, paawelenga'e i tou ringannu awingnge. Awingnge sangkatou nabi, wuṛṛu i tou sarun umal᷊iomannu, tadea'u i'o tawe mate. Arawe amungkangngu i'o tawe mapaawelengngi tou, naunge, i'o wuṛṛu anambon tumana'u soanu sarun mate!”

PANDARIADDI 20:7 Iomraidhean Croise

PANDARIADDI 12:15

Manga pira taumatan araratuanna naasilo si tou apiddu namasingkatta ratu manungku maṛṛamaga atonna wawine udde; ana waugu udde i tou niapidda watukku wal᷊en araratuanna.

PANDARIADDI 12:17

Arawe ana waugu ratu nanganu si Sarai, Mawu nandantan al᷊aṛṛusa'itta apan maata'utta su ratu wuṛṛu manga taumata sulal᷊ummu wal᷊en araratuanne.

PANDARIADDI 2:17

tumba'u wuassu wuan kalu apan mangonggollu asingkatta su ola'u apapia wuṛṛu al᷊al᷊eo. Imbaṛṛangnga i'o umanna wuane, amungkangngu i'o umana; i'o sarun mate su allo udde lai.”

PANDARIADDI 20:3

Su sambau ṛabbi Ruata naipasilon batangan-Ne su ratu udde sulal᷊ummu wal᷊iawa, wuṛṛu nabbisara, “I'o sarun mate, ana waugu i'o buatte nanganu wawine udde; ana waugu i tou piate awingnge.”

PANDARIADDI 20:8

Tiṛṛabbine, maruaallo, i Abimelekh namago anambon mamanaran araratuanne wuṛṛu namasingkatta si mangitou al᷊awo'a apan buatte nariaddi udde. I mangitou mangke nata'utta.

PANDARIADDI 23:6

“I yami mangaddata si Tuangnga sangkatou mamamiaṛṛa'a apan matohassa su wallati yami, nariaddi labinga'e awingngi Tuangnga sulal᷊ummu labingnga apianne apan tatahuannanni yami. I yami sarangkanambone mal᷊uassa manaddia labingngu awingngi Tuangnga.”

2 SAMUEL 24:17

I Daud naasilo mala'ekatta apan tantal᷊anna mammate tumanangnge udde, ana see i tou nabbisara Mawu, “Ete i ya'u apan marosa ana waugu i ya'u apan na'ola'a pasasal᷊a udde. Arawe apate pasasal᷊an walahanna nasusa udde? Ṛuumana'e i ya'u wuṛṛu amonangku!”

1 MARARATU 13:6

Ana see Ratu Yerobeam nabbisara nabi udde, “Tul᷊unga'a al᷊iomana'a su Mawu Ruatanu huna'u. Paddarongkeaakkan-Ne tadea'u ta'ia'u mapia!” Ne nabi udde niumal᷊iomante su Mawu, ana see napiate ta'iakku ratu.

2 MARARATU 5:11

Naaringikka udde i Naaman nasa'u wuṛṛu nabbisara, “Su ṛingi'uwe i tou sumabbanga sassane maisasomba'u, wuṛṛu umal᷊iomanna su Mawu, Ruatane, lapiddu mangagassa wageangngu wadangku apan maradda'a indi ana see i ya'u mapiate.

1 TAWARIKH 16:22

“Imbaṛṛangnga manal᷊awa'a manga taumata nipile-U, arie ma'ola'a al᷊al᷊eo su manga nabi-U.”

2 TAWARIKH 30:18

Wal᷊ine wuassu udde lai, suwallattu manga taumatan Efraim, manasye, Isakhar, wuṛṛu Zebulon, manambo apan nirumanta ringannu tawe napasusin batanganne asuene. Nariaddi, i mangitou mallaghun Paskah udde ringannu tawe suṛṛinone. Ana waugu udde i Ratu Hizkia niumal᷊iomanni mangitou, wisarane,

AYUB 34:19

I Tou tawe manamba'a manga ratu, ara'e malliu ṛoron taumata ala wuassu taumata asiangnga. Ana waugu i mangitou sarangkanambone udde niariaddi-Ne.

AYUB 42:8

Ne, orassa indi panganute pitu sapi esakka wuṛṛu pitu domba esakka, wua'udde roote ringanni Ayub. Ana see onggol᷊a'e sarangkanambone udde maola'a sasamba itattambunna hunan ririnu. Ayub sarun umal᷊iomanni yamiu wuṛṛu aal᷊iomanne sarun daringiṛṛang-Ku. I yamiu tawe Ta'u pansilianna, salaiwe i yamiu ṛinone manengkamma ṛuumanna. I yamiu tawe namasingkattu watti'a ṛinone su ola'u watangng-Ku, arawe i Ayub namasingkattu olangnge udde.”

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

SASABANGNGA 18:17

Unni Yitro, “Dal᷊eo aroddi.

SASABANGNGA 4:16

I tou ṛinone mabbisara ringannu arannu su saruannu tumanangnge. I tou sarun maola'a mabbawisaranu wuṛṛu i'o ellehanni tou ere Ruata apan mammasingkattu apa apan ṛinone iwisaran tou.

SASABANGNGA 7:1

Mawu nabbisara si Musa, “I Ya'u sarun ma'ola'a si'o naal᷊ihidda Ruata su saruannu ratu, wuṛṛu tuṛṛangngu i Harun sarun massinaukka si tou maola'a nabinu.

YEREMIA 14:11

Mawu nabbisara si ya'u, “Arie paddorongnga si Ya'u mantul᷊ungngu manga taumata udde.

YEREMIA 15:1

Mawu nabbisara si ya'u, “I Ya'u tate umakkannu walahanna indi, salaiwe i Musa wuṛṛu i Samuel uarisikka isindi sumal᷊ande si Ya'u maiakkanna huna mangitou. Doloṛṛa'e walahanna indi massal᷊iu, i Ya'u maddirite ma'ellega si mangitou!

YEREMIA 27:18

Amungkangngu i mangitou atonna nabi, wuṛṛu buatte nanengkamma tanata wuassia-U, natantunna orassa indi i mangitou maddorongnga si Ya'u, Mawu Apan Lembontaṛṛino, tadea'u manga saranapa apan ta'e pia su Wal᷊e-U wuṛṛu su wal᷊en araratuanna su Yerusalem tawe ṛootanna watukku Babel.

YEHEZKIEL 3:18

Napawe i Ya'u mamasingkatta manungku sangkatou mandal᷊al᷊eo sarun mate, arawe i'o tawe mapanaungnga si tou tadea'u i'o mamal᷊u pallal᷊agune ma'oman sara i tou masal᷊amatta, ne i tou sarun mate ta'e lai sangkatou apan marosa, wuṛṛu su ola'u papatene, sarun pangansil᷊anne wuassi'o.

YEHEZKIEL 33:8

Amungkangngu i Ya'u mamasingkatta manungku sangkatou taumata lal᷊eo sarun mate, arawe i'o tawe napanaungngi tou tadea'u i tou mamal᷊u pallal᷊agune ma'oman sara i tou masal᷊amatta, ne i tou sarun mate ta'e sangkatou apan marosa. Arawe pandansilanannu papatene sarun Ta'u doronganna si'o.

IMAMATTA 6:4

Taumata apan nassal᷊a udde ṛinone mamaekka apia sarangkanambone apan niasombanganne ringannu tawe su ṛinone. Su tempu i tou niasangkal᷊anna nassal᷊a, i tou ṛinone mamaekka sarangakanambone su tatahuanne, tambannu lai darua pul᷊o persenna.

IMAMATTA 6:7

Imam mangonggolu sasamba ipangampunga rosan taumata udde, ne i tou sarun ampungannu Mawu.

WATTI'U MANGA RASUL 8:24

See i Simon nabbisara si Petrus wuṛṛu si Yohanes, “Tul᷊unga'a padorongnga su Mawu tadea'u tawe saran sambau wuassu wisara manga tuṛṛangnga udde mariaddi su riri'u.”

1 KORINTUS 14:4

Taumata apan mabbisara sulal᷊ummu sasinaukka apan maaṛṛindu'a tumba'u mannohassa ririne sassane, arawe taumata apan mammasingkatu watti'a wuassu Ruata, mantul᷊ungngu jamaatta maola'a mapia.

IBRANI 1:1

Su tempo rorone Ruata masokka uahahatton iupungngi ite sulal᷊ummu manga nabine ringannu mappaattu anambon dal᷊anna.

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

1 YOHANES 5:16

Amungkangu i yamiu naasilo sangkatou sansul᷊ungnga taumatan Saṛṛani ma'ola'a rosa apan tawe maaola'a taumata udde awul᷊iannu wiakka tutune wuṛṛu saran mal᷊annu-l᷊annu, ṛinone i yamiu umal᷊iomanna su Ruata; ne Ruata sarun mangonggolu wiakka udde si tou. Indi matataṛṛino si mangitou apan rosane tawe maawul᷊in wiakki mangitou udde. Arawe pia lai rosa apan maawul᷊in wiakka udde su taumata. Su olangnge udde i ya'u tawe mabbisara manungku i yamiu ṛinone umal᷊iomanna su Ruata.

1 SAMUEL 12:19

Ana see i mangitou nabbisarate si Samuel, “Tul᷊unga'a, Papa, al᷊iomana'a yami su Mawu Ruatanu, tadea'u yami tawe mate. Orassa indi yami naatutukke manungku wuassu rosan kami dorone, yami lai buatte na'ola'a rosa apia ana waugu naddorongnga sangkatou ratu.”

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.

1 SAMUEL 7:5

Wua'udde i Samuel nabbisarate, “Ammul᷊a'e anambon walahannu Israel su Mizpa, ne i yamiu ta'u ial᷊iomanna su Mawu.”

1 SAMUEL 7:8

I mangitou nabbisara si Samuel, “Arie pangillol᷊o umal᷊iomanna su Mawu Ruatan kite, tadea'u i ite iapasal᷊amatta wuassu taumatan Filistin.”