PANDARIADDI 20:5 - WUKE SUSI WATTI'U AL᷊AL᷊USASSA

⁵ I Abraham sassane nabbal᷊o manungku wawine udde tuarine, wuṛṛu wawine udde nabbisara aroddi lai. I ya'u buatte na'ola'a udde ringannu naungnga waresi, nariaddi ya'u tawe nassal᷊a.”

PANDARIADDI 20:5 Iomraidhean Croise

PANDARIADDI 12:13

Nariaddi mappianne i'o pabbisarate manungku i'o tuari'u tadea'u i ya'u iwala mangitou wiakka wuṛṛu olaanna mapia ana waugu i'o.”

PANDARIADDI 20:13

Ne napawe Ruata nandolo'u manantangngu wal᷊en yamangku wuṛṛu mammal᷊intaddu manga wanua awagananna, i ya'u nabbisara awingku, ‘Paasiloa'e apapia naungngu si ya'u ringannu mamasingkatta al᷊awo'u taumata manungku i ya'u indi iaangngu.’ ”

PANDARIADDI 20:16

Ana see unni tou si Sara, “Iaangngu buatte ta'u nionggl᷊annu saṛṛiwu roitta sal᷊a'a maola'a tatialane su anambon taumata manungku atonna-tonna i'o tawe sal᷊ane.”

1 MARARATU 9:4

Amungkangngu i'o mangngimanna si Ya'u ringannu naungnga mal᷊uassa wuṛṛu matul᷊idda ere iamangngu Daud, wuṛṛu i'o matuṛṛutta su manga tita wuṛṛu matul᷊idda ere iamangngu Daud, wuṛṛu i'o matuṛṛutta su manga tita wuṛṛu manga parenta-U,

2 MARARATU 20:3

“Mawu, naungewe manungku i ya'u indi buatte tinumuṛṛutta Si'o ringannu maadunna wuṛṛu ringannu ahewallu lal᷊ummu naungku. I Ya'u sidutu maddea'a tadea'u maatuṛṛutta apulu-Nu.” Ana see i Hizkia nilumuai ringannu massusa.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

AYUB 33:9

I'o mabbisara, ‘I ya'u waresi, tawe na'ola'a pasasal᷊a. I ya'u tawe sangkulle wuṛṛu tawe na'ola'a pasasal᷊a.

DARALO 24:4

Taumata apan ṛingiranne wuṛṛu inolaanne tawe sangkule, apan tawe massalu awusu wuṛṛu tawe massubba paal᷊uanna.

DARALO 25:21

Antimanna apapia wuṛṛu atatul᷊idda maṛṛundinganna si ya'u, ana waugu i ya'u uaantimma Si'o.

DARALO 26:6

Lima'u niukkasa tatialan tawe nassal᷊a, wuṛṛu u'amatta mammal᷊iwutta mezba-Nu, oh Mawu,

DARALO 7:8

Ammul᷊a'e manga walahanna apan marani-Nu, wuṛṛu pamarentate si mangitou wuassu addera-Nu su surga.

DARALO 7:9

I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

DARALO 73:13

Tawe gunane i ya'u mallu'adda naungku waresi; tawe gunane i ya'u mangindau wuassu rosa.

DARALO 78:72

Daud nappadul᷊i si mangitou ringannu naungnga mal᷊uassa, wuṛṛu nangehetta si mangitou ringannu apande.

AMSAL 11:3

Taumata mapia aehetannu atatul᷊idde, taumata apan apulune mangngawusu sarun ṛimunsaannu awusune.

AMSAL 20:7

Al᷊aṛṛana'a naauntungnga amungkangngu pia iamangnga apan mapia wuṛṛu mabbiakka matul᷊idda.

DANIEL 6:22

Ana see niaringiṛṛante tingikki Daniel apan sinumimbakka, “Wiakke Tuangku saran mal᷊annu-l᷊annu!

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

1 TESALONIKA 2:10

I yami mabbiakka ringannu na'ukkassa, su ṛinone wuṛṛu tawe angngone su saruanni yamiu apan mangngimante si Kristus. Ete i yamiu udde naola'a tialan kami; aroddi lai Ruata.

1 TIMOTIUS 1:13

salaiwe dorone i ya'u mangngal᷊uandaga wuṛṛu mandal᷊eo see mangngadio'a si Tou. Arawe Ruata marangngu si ya'u, ana waugu su tempo udde i ya'u taambe nangimanna, nariaddi ya'u wagga apa apan a'olaangku.

YOSUA 22:22

“Apan Lembon Taṛṛino eteudde Mawu! Apan Lembon Taṛṛino eteudde Mawu! I tou masingkatta anio yami na'ola'a inolaanna indi, wuṛṛu yami maapulu tadea'u i yamiu lai maasingkatta! Unnu wisara na'ola'a inolanna indi ringannu pandumma lumawangnga Mawu ara'e ana waugu yami tate lai mangimanna si Tou, wala'e yami mate orassa indi!