PANDARIADDI 2:17 - WUKE SUSI WATTI'U AL᷊AL᷊USASSA

¹⁷ tumba'u wuassu wuan kalu apan mangonggollu asingkatta su ola'u apapia wuṛṛu al᷊al᷊eo. Imbaṛṛangnga i'o umanna wuane, amungkangngu i'o umana; i'o sarun mate su allo udde lai.”

PANDARIADDI 2:17 Iomraidhean Croise

PANDARIADDI 2:9

Ruata napatuwon al᷊awa'u hatin aaluanna apan maṛṛansanga wuṛṛu maggessi manga wua apan mapia. Su pattangngannu wailla udde tinumuwote alu apan mangngonggollu wiakka, wuṛṛu alu apan mangngonggollu asingkatta su ola'u apapia wuṛṛu al᷊al᷊eo.

PANDARIADDI 20:7

Arawe orassa indi, paawelenga'e i tou ringannu awingnge. Awingnge sangkatou nabi, wuṛṛu i tou sarun umal᷊iomannu, tadea'u i'o tawe mate. Arawe amungkangngu i'o tawe mapaawelengngi tou, naunge, i'o wuṛṛu anambon tumana'u soanu sarun mate!”

PANDARIADDI 3:11

“Isai namasingkatta si'o manungku i'o tantol᷊e?” Ruata naiwal᷊o. “Apa i'o niumanna wua apan Ta'u isassingadda udde?”

PANDARIADDI 3:17

Ana see Ruata nabbisara su esakka udde, “I'o uararingikka manga wisaran awingngu ana see niumanna wua apan Ta'u nisingadda annanannu. Ana waugu pallal᷊agunu udde, niawontohante leta'a. I'o sarun mammanara masahadda su al᷊o'engngu pabbiaṛṛannu tadea'u leta'a indi wotongnge mangonggollu anna apan uatimu si'o.

PANDARIADDI 3:19

I'o sarun mammanara ringannu masaha-sahadda wuṛṛu ringannu liaha i'o mammanara leta'a indi tadea'u pia gessine, maddatingngu i'o mabbelengnga su leta'a, ana waugu ete wuassu leta'a i'o niola'a. I'o niola'a wuassu leta'a, wuṛṛu sarun mabelengnga apia su leta'a.”

1 MARARATU 2:37

Amungkangngu i'o waṛṛani sumabbangnga wuṛṛu inai sumabbi ana'u Sal᷊ukku Kidron, i'o sarun pateanna; wuṛṛu ete i'o sassane apan mamasanna pasasal᷊a udde.”

1 MARARATU 2:42

i tou napawaggo su Simei ana see nabbisara, “I ya'u buatte na'ola'a si'o maddiandi ringannu arannu Mawu manungku amungkangngu i'o sumabbangnga wuassu Yerusalem. I'o sarun nate. Ne, i'o buatte naddiandi wuṛṛu niumire tumuṛṛutta parenta'u udde, are?

YEREMIA 26:8

Tawe nal᷊annu napawe i ya'u buatte namasingkattu anambon tanata Mawu ere buatte niparenta Mawu, i mangitou nanametta si ya'u lapiddu mangngintul᷊i, “I'o ṛinone nate!

YEHEZKIEL 18:13

I tou napawallassa ringannu bungane. Apa taumata aroddi wotonge mabbiakka? Tawe! I tou buatte na'ola'a anambon inolaanna apan ma'arantinna udde, wuṛṛu i tou sarun mate! Papatene eteudde pangillul᷊eannu inolaanne sassane.

YEHEZKIEL 18:32

I Ya'u tawe mal᷊uassa amungkangngu pia sangkatou mate. Tantanga'e manga rosanu tadea'u i yamiu sidutu wiakka. I Ya'u Mawu Apan Atanggaṛṛanne buatte nabbisara.”

YEHEZKIEL 18:4

Niawa suapan taumata uddewe tatahuanang-Ku, mawae ete niawan taumata timmadde aroddi lai niawan anange. Taumata apan marosa, ete i tou apan sarun nate.

YEHEZKIEL 33:14

Wotongnge mariaddi i Ya'u buatte napanaungngu taumata lal᷊eo manungku i tou sarun mate. Arawe napawe i tou maddote ma'ola'a rosa wuṛṛu mannattakke ma'ola'a apapia wuṛṛu naṛṛino, tul᷊addane ere i tou napawelengngu saranapa wua nihadden taumata, ara'e saranapa apan buatte nita'one see tinumuṛṛutte su manga tita apan mangngapiddu pabbiaṛṛanna, ne i tou tawe nate.

YEHEZKIEL 33:8

Amungkangngu i Ya'u mamasingkatta manungku sangkatou taumata lal᷊eo sarun mate, arawe i'o tawe napanaungngi tou tadea'u i tou mamal᷊u pallal᷊agune ma'oman sara i tou masal᷊amatta, ne i tou sarun mate ta'e sangkatou apan marosa. Arawe pandansilanannu papatene sarun Ta'u doronganna si'o.

REENGANNA 26:65

Mawu buatte nabbal᷊o manungku i mangitou sarangkanambone sarun mate su wadda'a. Wuṛṛu atonna i mangitou sarangkanambone nate, tumba'u i Kaleb ana'i Yefune wuṛṛu i Yosua ana'i Nun.

ROMA 1:32

I mangitou masingkata manungku tumuṛṛuttu titan Duata, taumata apan ma'ola'a sarangkanambone udde ṛinone iṛṛuumanna pateanna. Salaiwe aroddi, i mangitou ta'e lai ma'ola'a inolaanna udde; wuṛṛu ewe'e inumire lai amungkangngu taumata waine ma'ola'a udde.

ROMA 6:16

I yamiu masingkatte manungku amungkangngu yamiu manantillu watangannu su sangkatou ipa'ola'a apulune, ne ete yamiu udde allangngu taumata apan tattuṛṛutanni yamiu – tanne allangngu rosa apan nangapiddi yamiu su papate, ara'e allangnga apan tuttuṛṛutta Ruata, wuṛṛu ringannu aroddi sarun maaukka apia ringannu Ruata.

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

1 KORINTUS 15:22

Su ereapa anambon taumata nate ana waugu nareengnga su sambau ringanni Adam, aroddi lai sarangkanambone sarun iapaawiakka, ana waugu nareengnga su sambau ringanni Kristus.

1 KORINTUS 15:56

Taṛṛinon papate eteudde rosa, wuṛṛu rosa mappaamattu apulune sulal᷊ummu titan agama.

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

TAHIUL᷊E 27:26

‘Niawontohante taumata apan tawe tumuṛṛutta tita wuṛṛu al᷊aṛṛa'u Mawu Ruata ringannu pallal᷊aggu.’ ‘Amin!’ ”

TAHIUL᷊E 30:15

Allo indi yamiu wotongnge mamile suwallatu mapia wuṛṛu lal᷊eo, suwallatu wiakka wuṛṛu mate.

TAHIUL᷊E 30:19

Orassa indi yamiu wotongnge mamile suwallatu wiakka wuṛṛu mate, suwallatu al᷊amattu Mawu wuṛṛu wontoga. Langitta wuṛṛu runia ta'u wagoanna maola'a tatialane su ipaapuluna Pamilete i yamiu wiakka.

KOLOSE 2:13

Dorone, i yamiu natete su pangangimanna ana waugu i yamiu marosa, wuṛṛu ana waugu i yamiu tawe nisunatta ere sangkatou taumata. Arawe orassa indi Ruata napaawiakki yamiu su sambau ringanni Kristus. Ruata suete nangampunga alawo'u rosan kite,

1 TIMOTIUS 5:6

Arawe wawine wal᷊u apan maapulu mabbiakka mal᷊uassa, i tou natete salaiwe i tou ta'e wiakka.

YAKOBUS 1:15

Wua'udde, amungkangngu apulune apan lal᷊eo udde tuṛṛutanna, ne lumappute rosa; wuṛṛu amungkangu rosa nahurangke, ne inul᷊eanne papate.

1 YOHANES 5:16

Amungkangu i yamiu naasilo sangkatou sansul᷊ungnga taumatan Saṛṛani ma'ola'a rosa apan tawe maaola'a taumata udde awul᷊iannu wiakka tutune wuṛṛu saran mal᷊annu-l᷊annu, ṛinone i yamiu umal᷊iomanna su Ruata; ne Ruata sarun mangonggolu wiakka udde si tou. Indi matataṛṛino si mangitou apan rosane tawe maawul᷊in wiakki mangitou udde. Arawe pia lai rosa apan maawul᷊in wiakka udde su taumata. Su olangnge udde i ya'u tawe mabbisara manungku i yamiu ṛinone umal᷊iomanna su Ruata.

SONDAPPA 2:11

Isai-sai apan botongnge maaringikka, ṛinone manutukka apa apan iapaasingkatu Ghaṛṛaho Ruata su manga jamaatta. I mangitou apan naauntunga, saran paassa tawe matataṛṛanga papate aruane.”

SONDAPPA 20:14

Wua'udde Papate wuṛṛu Runiam Papate tinuntunga sulal᷊ummu tahal᷊oangngu putungnga. (Tahal᷊oangngu putungnga indi eteudde papate aruane.)

SONDAPPA 20:6

Lal᷊umanna'a su manga taumata apan niapaawangunna apia su panattaṛṛanne udde. I mangitou wotongnge maola'a pussa'an Ruata. Papate aruane tawe maataṛṛino si mangitou. I mangitou sarun maola'a manga imammu Ruata wuṛṛu manga imammi Kristus; wuṛṛu i mangitou sarun mamarenta suadio'a ringanni Tou saṛṛiwu su tonnane al᷊annune.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

MAL᷊AṚṚUUNGNGA 3:2

Mawu na'ola'a udde tumba'u ringannu pandumma ipanantiro al᷊awo'u taumatan Israel mapapangalo, nipangillembote lai si mangitou apan tawe naatemma napapangalo.

1 SAMUEL 14:39

I ya'u maddiandi ringannu arannu Mawu apan biakka, apan buatte nangonggollu auntunganna su Israel, manungku taumata apan nassal᷊a sarun iṛṛuumanna pateanna, salaiwe i tou i Yonatan ana'u esakka.” Arawe tawe saran sangkatou apan waṛṛani sumimbakka.

1 SAMUEL 14:44

Unni Saul si tou, “Antimanna ya'u iṛṛuumannu Ruata amungkangu i ya'u tawe pateanna, Yonatan!”

1 SAMUEL 20:31

I'o tawe maatutukka manungku su al᷊annunete i Daud mabbiakka, i'o tawe maola'a ratu su wanua indi? Orassa indi doloṛṛa'e taumata maddea'a si tou ana see apira'e inawarendi, ana waugu i tou ṛinone mate!”

1 SAMUEL 22:16

Arawe ratu nabbisara, “Ahimelekh! I'o wuṛṛu manga tuṛṛangngu sarangkanambone sarun mate.”