PANDARIADDI 19:28 - WUKE SUSI WATTI'U AL᷊AL᷊USASSA

²⁸ I tou na'ellega watukku Sodom wuṛṛu Gomora wuṛṛu su ahewallu wawal᷊anne, wuṛṛu naasilo timbulla sussal᷊oi wuassu leta'a udde, naal᷊ihidda ere timbulla wuassu sunggillu wawalla.

PANDARIADDI 19:28 Iomraidhean Croise

DARALO 107:34

Leta'a masuwukka niolang-Nge wadda'u asimma, ana waugu al᷊al᷊eon manga taumata apan uawanua isudde.

SASABANGNGA 19:18

Ahewallu Wowon Sinai aoopannu timbulla, ana waugu Mawu sinumossokka su puidde sulal᷊ummu putungnga. Timbulla udde sussal᷊oi naal᷊ihidda timbulla wuassu padduru'anna, wuṛṛu ahewallu wowone niumio'a ringannu lembone.

MALEAKHI 3:2

Arawe isai wotongnge maataṛṛangnga sutempo allon Mawu rumanta wuṛṛu maipasilon batangan-Ne? Ana waugu i Tou naal᷊ihidda mamamaresi wul᷊awanna, wuṛṛu naal᷊ihidda sabonna mabbawansalla.

2 PETRUS 2:7

Arawe Lot nipaasal᷊amatta, ana waugu i tou tinumuṛṛuta apulun Duata; i tou lembon natataṛṛanga ana waugu pallal᷊agu tawe matataṛṛino wuassu manga taumata lal᷊eo.

YUDAS 1:7

Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.

SONDAPPA 18:18

Wuṛṛu nangintul᷊i su tempo i mangitou naasilo timbula susapputta wuassu putungnga apan mannutungnga soa udde. I mangitou inumui, “Tawe saran paassa pia soa waine apan wahewalla ereindi!”

SONDAPPA 18:9

Manga ratun runia apan suadio'a sulal᷊ummu inolaanne sussandaga wuṛṛu apulu naungngu wawine udde sarun lumuai wuṛṛu lumallun soa udde napawe i mangitou naasilo timbulla sussal᷊oi wuassu putungnga apan mannutungnga si tou.

SONDAPPA 19:3

See tingikku taumata nambo udde niumui apia, “Paddalote Ruata! Timbulu putungnga apan nangepoddu soa wahewalla udde sarun tumimbula sarangkal᷊o'engnge!”

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 9:2

Anumpitanna udde nionggol᷊annu a'unsin rampisu papate. Ne anumpitanna udde namu'a rampisu papate udde, see timbula sinumabbanga wuassu lal᷊umme ere timbula wuassu sunggila apan wahewalla. Matannallo wuṛṛu winalanganna nabbal᷊i maranduma ana waugu timbula wuassu rampisa udde.