PANDARIADDI 18:32 - WUKE SUSI WATTI'U AL᷊AL᷊USASSA

³² Panginsueanne i Abraham nabbisara, “Ariewe paasa'u, Mawu, i ya'u ete paassa lai mabbisara. Ereapa amungkangngu tumba'u pia siri mapul᷊o su atoune?” Mawu nabbisara, “Amungkangngu pia siri mapul᷊o apan tawe sal᷊ane, i Ya'u tawe maṛṛimunsa'a soa udde.”

PANDARIADDI 18:32 Iomraidhean Croise

PANDARIADDI 18:30

I Abraham nabbisara, “Arie masa'u, Mawu, amungkangngu i ya'u mabbisara apia. Ereapa unnu wiasara tumba'u pia tallun pul᷊o su atoune?” Mawu nabbisara, “Amungkangngu i Ya'u naasomba sire tallun pul᷊o su atoune, Ta'u isoṛṛotta pandumang-Ku.”

PANDARIADDI 18:31

I Abraham nabbisara, “Ampungewe awawaṛṛani'u manassukku hatto'u indi, Mawu. Unnu wisara tumba'u pia siri ruan pul᷊o?” Mawu sinumimbakka, “Amungkangngu i Ya'u naasomba siri ruan pul᷊o su atoune, soa udde tawe Ta'u ṛimunsaanna.”

PANDARIADDI 44:18

I Yehuda inai nangundanin i Yusuf wuṛṛu nabbisara, “Ampunge, Tuangku, wala'awe allangngu maggahatton Tuangnga. Arie masa'u allangngu; Tuangku ere lai ratu Mesir sassane.

AYUB 33:23

Asinungka sambau suwallattu saṛṛiwu mala'ekattu Ruata apan mapanaungngu taumata su ola'u manarane, sarun dumanta mantul᷊ungngi tou.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

SASABANGNGA 32:14

Ne Mawu namal᷊u pandumanne wuṛṛu tate mapaamattu riin-Ne ipangema'a walahanna udde ringannu asasilaka.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

YESAYA 65:8

Mawu nabbisara, “Wuang anggore apan ta'e pia ua'ene tawe iramme, arawe olaanna ua'en anggore. Aroddi lai pabbawala-U tawe Ta'u pateanna abbi, ana waugu suwallatti mangitou ta'e paiddu apan mattaṛṛamawu si Ya'u.

YEREMIA 5:1

Ei tumana'u Yerusalem, pal᷊intara'o manga lal᷊anna su soanu! Rea'ete su al᷊awo'u tampa, wuṛṛu ellehete sassane. Parikisete su leta'a mal᷊alangnga soa suapane apan pia sangkatou taumata apan matul᷊idda apan mattinsahadda tadea'u satia su Ruata. Amungkangngu pia, ne Mawu sarun mangampungnga Yerusalem.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

MATIUS 7:7

“Paddorongke, ne i yamiu sarun manengkamma. Paddea'e, ne i yamiu sarun maasomba. Panengkelle, ne i yamiu sarun pamu'anna ngara.

EFESUS 3:20

Ringannu taṛṛinon Duata apan maṛṛimadda mammanara sulal᷊ummu naungngi ite, Ruata wotongnge ma'ola'a mannamboanne wuassu apa apan wotongnge doronganni ite ara'e iraṛṛingiddi ite.

MAL᷊AṚṚUUNGNGA 6:39

Ana see i tou nabbisara su Ruata, “Mawu, doronganna I'o ariewe masa'u amungkangngu i ya'u mabbisara paassa lai. Walaawe i ya'u ma'ola'a sasamba sasal᷊u'atta apia ringannu wambul᷊un domba apan nihuntinga indi. Arawe paassa indi ṛinone wambul᷊un domba sidutu mamara, arawe letangnge maṛolo.”