PANDARIADDI 18:26 - WUKE SUSI WATTI'U AL᷊AL᷊USASSA

²⁶ Mawu nabbisara, “Unnu wisara i Ya'u naasomba siri liman pul᷊o su atoune tawe sal᷊ane su Sodom, sarun Ta'u ampunganna soa udde ana waugu i mangitou.”

PANDARIADDI 18:26 Iomraidhean Croise

PANDARIADDI 18:17

Mawu nabbisara sulal᷊ummu naungnga, “I Ya'u tawe mangadapingnga si Abraham apa apan sarun Ta'u olaanna.

YESAYA 10:22

Salaiwe taumatan Israel orassa indi anambone uasul᷊ungngu anne su apanne, tumba'u manga pirang katou apan mawelengnga. Ṛuumannu Mawu maranite, wuṛṛu atonna se'e lai matul᷊idda walahanna udde pateanna.

YESAYA 19:24

Sutempo udde Israel sarun uasul᷊ungnga atanggakke ringannu Mesir wuṛṛu Asyur, ne araratuanna tatallu udde sarun maola'a al᷊amatta su ahewallu runia.

YESAYA 6:13

Ewe'e amungkangngu suwallattu siri mapul᷊ong katou ta'e pia sangkatou apan uatana'a su wanua udde, i tou lai sarun pateanna. Arawe ere alu nunu'a amungkangngu tuwanganna ta'e pia tuidde, aroddi lai ta'e pia lambene pabbawalaga udde apan maola'a panattaṛṛannu umatta apan na'ukkassa.”

YESAYA 65:8

Mawu nabbisara, “Wuang anggore apan ta'e pia ua'ene tawe iramme, arawe olaanna ua'en anggore. Aroddi lai pabbawala-U tawe Ta'u pateanna abbi, ana waugu suwallatti mangitou ta'e paiddu apan mattaṛṛamawu si Ya'u.

YEREMIA 5:1

Ei tumana'u Yerusalem, pal᷊intara'o manga lal᷊anna su soanu! Rea'ete su al᷊awo'u tampa, wuṛṛu ellehete sassane. Parikisete su leta'a mal᷊alangnga soa suapane apan pia sangkatou taumata apan matul᷊idda apan mattinsahadda tadea'u satia su Ruata. Amungkangngu pia, ne Mawu sarun mangampungnga Yerusalem.

YEHEZKIEL 22:30

Suwallattu taumatan Israel udde, i Ya'u maddea'a taumata apan botongne mapararisikku darandungnga, ara'e dumarisikka su manga tampa apan manga darandung naṛṛa'a ipanahekku wanua udde napawe i Ya'u makkimunsa'e sulal᷊ummu sasopan asasa'u-U; arawe tawe saran sangkatou apan Ta'u niasangkal᷊anna.

MATIUS 24:22

Unnu wisara, Ruata tawe mangal᷊ihakku tempone; tawe saran sangkatou apan botongnge masal᷊amatta. Arawe ana waugu al᷊aṛṛanang-Nge, Ruata nangautta tempone udde.