PANDARIADDI 18:25 - WUKE SUSI WATTI'U AL᷊AL᷊USASSA

²⁵ Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

PANDARIADDI 18:25 Iomraidhean Croise

PANDARIADDI 18:24

Unnu wisara pia siri liman pul᷊o su atoune apan tawe sal᷊ane sulal᷊ummu soa udde, apa ahewallu soa udde sarun ṛimunsaannu Mawu? Apa Mawu tawe mangampungnga tadea'u siri liman pul᷊o udde masal᷊amatta?

1 TAWARIKH 16:33

Manga aaluanna su mahurangnge sarun lumala'a ana waugu Mawu nirumantate mamarenta su runia.

2 TAWARIKH 19:7

I yamiu ṛinone mata'uttu Mawu, wuṛṛu mammanara matammudda, ana waugu Mawu Ruatan kite maddantinnu taumata apan inolaanne mallinga, apan inolaanne mangngempe ara'e mannengkamma aongolla.”

NEHEMIA 9:33

Manara-Nu matul᷊idda, niṛṛuuman-Nu i yami apan marosa; I'o sidutu satia salaiwe i yami napenen sangkulla.

AYUB 34:10

Ei manga taumata apan pande, paddaringikka! Tawe mariaddi Ruata Apan Lembontaṛṛino ma'ola'a pasasal᷊a?

AYUB 34:12

Ruata Apan Lembontaṛṛino tawe ma'ola'a al᷊al᷊eo; anambon taumata nionggol᷊an-Ne atatul᷊idda.

AYUB 8:20

Arawe Ruata tawe saran paassa manantangngu taumata satia, wuṛṛu tawe saran paassa lai i Tou mantul᷊ungngu taumata lal᷊eo.

AYUB 8:3

Ruata mangke tawe mamengkollu atatul᷊idda; mangke taweddu mariaddi manahekku ṛinone.

DARALO 50:6

Langitta mammasingkatta manungku Ruata nakkuungngu al᷊aṛṛanang-Nge, wuṛṛu manungku i Tou sassane mallaṛuungnge.

DARALO 58:11

Ma'ellega taumata lal᷊eo niṛṛuumanna, taumata matul᷊idda lulluassa, wuṛṛu nangukkassa leddane su daṛṛan taumata lal᷊eo.

DARALO 7:12

Eteudde Ruata mallaṛṛuunga apan matul᷊idda, apan suapan tempo makkumannu taumata lal᷊eo.

DARALO 75:3

Ruata nabbisara, “Sutempo apan Ta'u nitantunna, i Ya'u sarun makkungnga ringannu atatul᷊idda.

DARALO 94:2

Darisikke, oh Mallaṛṛuunga ahewallu runia, ṛuumana'e taumata mawunga uasul᷊ungngu inolaanni mangitou.

DARALO 98:9

Ana waugu i Tou nirumanta makkuungngu runia; manga walahanna sarun ṛuungan-Ne ringannu atatul᷊idda wuṛṛu su ṛinone.

MANNANASE 3:17

I ya'u naṛṛingidda, Ruata sarun makkungngu taumata apan mapia ara'e lai taumata lal᷊eo, ana waugu suapan inolaanna wuṛṛu suapan manara sarun mariaddi sutempo apan buatte nitantunna Ruata.

MANNANASE 7:15

Pabbiaṛṛangku tawe gunane, arawe su al᷊o'engngu pabbiaṛṛangku udde i ya'u naasilo ere manansunna indi; Pataṛṛa assa taumata mapia mate salaiwe i tou ma'imanna. Pataṛṛa assa taumata lal᷊eo uukke mal᷊o'engnga, salaiwe i tou sidutu ma'ola'a rosa.

YEREMIA 11:20

Ana see i ya'u inumal᷊iomanna, “Oh Mawu Apan Lembontaṛṛino, I'o mallaṛṛuungnga apan matul᷊idda; ete I'o apan masingkattu ṛingidda wuṛṛu naungngu taumata. Hatto'u indi ta'u itantilla Si'o. Doronganna i ya'u wotongnge maasilo Si'o mabbal᷊issa inolaannu manga taumata udde.”

YEREMIA 12:1

“Amungkangngu i ya'u mangapiddu hatto'u su saruan-Nu, oh Mawu, isudde mangke asingkatanna manungku ete I'o apan atonna. Arawe i ya'u mappulu lai ma'iwal᷊o Si'o su ola'u atatul᷊idda; Anio taumata lal᷊eo mabbal᷊i su lal᷊umanna'a? Anio ewe'e taumata taṛṛa linga mabbal᷊i ala?

YEHEZKIEL 18:25

Asinungka piaddu mabbisara arendi, “Inolaannu Mawu na'al᷊iwu.” Paddaringikke, ei taumatan Israel! Apa manara-U niumal᷊iwu? Ete i yamiu apan naal᷊iwu.

MALEAKHI 3:18

Uma-U sarun maasilo apia ereapa paṛṛalane pal᷊addu taumata mapia wuṛṛu taumata lal᷊eo, suwallattu taumata apan mattaṛṛamawu si Ya'u wuṛṛu tawe.”

REENGANNA 16:22

Arawe i Musa wuṛṛu i Harun niumal᷊intudda nassubba wuṛṛu nabbisara, “Oh Ruata, tumba'u I'o apan mangngonggolu sasangngo su al᷊awo'a apan biakka. Amungkangngu tumba'u sangkatou apan narosa, apa I'o masa'u lai su anambon ṛuanganna?”

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

TAHIUL᷊E 1:16

Su tempo udde i ya'u nangatokki mangitou arendi: Paatutuṛṛe manga pabbawawul᷊o apan lumapputa suwallatu walahannu. Onggol᷊eten laṛṛawessa apan matul᷊idda, mawae sulal᷊ummu hatto ringannu taumata sambalahannu ara'e ringannu taumata raho apan uatana'a suwallati yamiu.

TAHIUL᷊E 1:17

Makkawessa arie mangempen samba'a; suapan taumata ṛinone parikisanni yamiu ringannu olangnge apan uasul᷊ungnga, ringannu tawe mamile taumata udde. Arie pa'ata'utta su saruanni sai-sai, ana waugu laṛṛawessa apan niola'i yamiu udde darantane wuassu Ruata. Amungkangngu sambau hatto tumaniten masahadda si'o, apira'e ringang-Ku, tadea'u i ya'u wotongnge makkawessa.

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

IBRANI 12:23

I yamiu nassemodda su ammulanna apan maal᷊uassa – ammul᷊annu al᷊aṛṛana'a pahul᷊un Ruata, apan manga aranne uawoṛṛetta sulal᷊ummu surga. I yamiu nirumanta sumaruanna Ruata, Mallaṛṛuungngu walahannu taumata. I yamiu sumaruanna manga ghaṛṛaho manga taumata mapia, apan suete niola'a nasuungnga.

MAL᷊AṚṚUUNGNGA 11:27

Tawe, yami tawe nassal᷊a si'o. Ete i'o apan nassal᷊a si yami ana waugu i'o namangalo si yami. Ete Mawu mallaṛuunga apan allo indi makkawessu hatto indi suwallatu walahannu Israel wuṛṛu walahannu Amon.”