PANDARIADDI 18:23 - WUKE SUSI WATTI'U AL᷊AL᷊USASSA

²³ I Abraham nangundani Mawu wuṛṛu naiwal᷊o, “Atonnate Mawu mamate taumata apan tawe sal᷊ane suadio'a ringannu taumata apan pia sal᷊ane?

PANDARIADDI 18:23 Iomraidhean Croise

PANDARIADDI 18:24

Unnu wisara pia siri liman pul᷊o su atoune apan tawe sal᷊ane sulal᷊ummu soa udde, apa ahewallu soa udde sarun ṛimunsaannu Mawu? Apa Mawu tawe mangampungnga tadea'u siri liman pul᷊o udde masal᷊amatta?

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

PANDARIADDI 20:4

Arawe i Abimelekh taambe napamita si Sara, ne unnu ratu udde, “Mawu, i ya'u tawe nassal᷊a! Apa Mawu sarun mamate si ya'u wuṛṛu walahangku?

2 SAMUEL 24:17

I Daud naasilo mala'ekatta apan tantal᷊anna mammate tumanangnge udde, ana see i tou nabbisara Mawu, “Ete i ya'u apan marosa ana waugu i ya'u apan na'ola'a pasasal᷊a udde. Arawe apate pasasal᷊an walahanna nasusa udde? Ṛuumana'e i ya'u wuṛṛu amonangku!”

AYUB 34:17

Apa Ruata apan matul᷊idda wuṛṛu matohassa udde niapasal᷊anu? Apa su sunnanu Ruata maddantinnu atatul᷊idda?

AYUB 8:3

Ruata mangke tawe mamengkollu atatul᷊idda; mangke taweddu mariaddi manahekku ṛinone.

DARALO 73:28

Arawe si ya'u tumaniten mapia maranin Duata, Mawu Ruata ta'u niola'a tampa pattillummangku, tadea'u i ya'u wotongnge mamasingkattu al᷊awo'u inolaan-Ne.

SASABANGNGA 23:7

Paaraua'a aansilla awusu wuṛṛu imbaṛṛangnga taumata tawe sal᷊ane iṛṛuumanna pateanna, ana waugu i Ya'u tawe manamba'a taumata apan ma'ola'a al᷊al᷊eo ereudde.

YEREMIA 30:21

Ratu apan mamarenta si yamiu inasapputanne wuassu walahannu. Ringannu tawe go'ane i tou sarun mangundani-U napawe i tou Ta'u waggoanna sumaruanna si Ya'u. Ana waugu isaite apan waṛṛani sumaruanna si Ya'u ringannu apulune sassane? I yamiu sarun maola'a uma-U wuṛṛu i Ya'u mabbal᷊i Ruatanu. I Ya'u, Mawu apan namasingkattu udde.”

REENGANNA 16:22

Arawe i Musa wuṛṛu i Harun niumal᷊intudda nassubba wuṛṛu nabbisara, “Oh Ruata, tumba'u I'o apan mangngonggolu sasangngo su al᷊awo'a apan biakka. Amungkangngu tumba'u sangkatou apan narosa, apa I'o masa'u lai su anambon ṛuanganna?”

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.

YAKOBUS 5:17

Elia taumata lai ere i ite. I tou u'al᷊iomanna ringannu atonna-tonna, tadea'u tawe manguranna, ne tawe nanguranna tallu tonna annumu wul᷊anna al᷊annune.