PANDARIADDI 18:20 - WUKE SUSI WATTI'U AL᷊AL᷊USASSA

²⁰ Wua'udde Mawu nabbisara si Abraham, “Pia aalae apan wahewalla su Sodom wuṛṛu Gomora, wuṛṛu atonna paddarosa mangitou tumaniten manambo.

PANDARIADDI 18:20 Iomraidhean Croise

PANDARIADDI 13:13

Soa Sodom udde wawanuannu manga taumata apan tumaniten dal᷊eo wuṛṛu marosa su saruannu Mawu.

PANDARIADDI 19:13

ana waugu soa indi sarun soṛṛowanni yami. Mawu naaringikke manga aalae apan mawakkata su tumana'u soa indi, wuṛṛu i yami buatte nirolokki Tou iapaasoṛṛobba soan Sodom.”

PANDARIADDI 19:4

Arawe tantal᷊anna manga raho udde inaite matiilla, manga taumatan Sodom nalliwunna wal᷊en udde. Anambon esakka su soa udde, mawae timmade ara'e dario'a uaammule isudde.

PANDARIADDI 4:10

Ana see Mawu nabbisara, “Anio i'o ma'ola'a inolaanna apan maata'utta udde? Daṛṛan tuarinu uui si ya'u wuassu leta'a, naal᷊ihidda tingikka sussal᷊ande madorongnga wawal᷊inne.

PANDARIADDI 6:12

Ruata ma'ellega runia indi wuṛṛu tumba'u naasilo al᷊al᷊eo, ana waugu anambon taumata lal᷊eo wiakke.

YESAYA 3:9

Ala'uanni mangitou apan mawunga mapal᷊iatta'u al᷊al᷊eon mangitou. Ringannu matualaga i mangitou narosate ere taumatan Sodom paarorone. Nasilakate i mangitou! I mangitou mandantan asasilaka su watanganni mangitou sassane.

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

YEREMIA 14:7

Uma-U ma'ial᷊are, ‘Mawu, salaiwe rosan kami mammaṛṛansilla si yami arawe ontol᷊ewe i yami ere buatte nipa'ine-Nu. I yami buatte nanantang-Ngu masokka-sokka; atonna, i yami narosate su Mawu.

YEREMIA 23:14

Arawe su Yerusalem i Ya'u naasilo manga nabi ma'ola'a lembon al᷊al᷊eoanne lai. I mangitou mammahia wuṛṛu sussandaga, see mannasa taumata apan ma'ola'a al᷊al᷊eo, na;oman sara taweddu sangkatou apan mawal᷊u. Si Ya'u i mangitou sarangkanambone lal᷊eo ere tumana'u Sodom wuṛṛu Gomora.”

YEHEZKIEL 16:46

Iaangngu uddewe Samaria su sawannakka ringannu anambon ampungnge. Wuṛṛu tuarinu uddewe Sodom su timukka ringannu anambon ampunge.

YOEL 3:13

I mangitou tumaniten dal᷊eo; ṛassi'e i mangitou naal᷊ihidda gandumma nal᷊ahate su wawail᷊anna. Mangke ṛindate i mangitou ere anggore sulal᷊ummu pamamakkan nu anggore apan napene na'oman sara tinumompe'a.

YUNUS 1:2

Wisara-Ne, “Roote watukku Niniwe, soa wahewalla udde, tadea'u mapaanaungnga, ana waugu i Ya'u masingkatta manungku tumanangnge tumaniten dal᷊eo.”

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.