PANDARIADDI 17:8 - WUKE SUSI WATTI'U AL᷊AL᷊USASSA

⁸ I Ya'u sarun mangonggolla si'o wuṛṛu su papapulunnu, leta'a indi, apan orassa indi wawanuannu ere sangkatou taumata raho. Ahewallu leta'u Kanaan sarun maola'a pussa'an papapulunnu saran mal᷊annu-l᷊annu wuṛṛu i Ya'u sarun maola'a Ruata mangitou.”

PANDARIADDI 17:8 Iomraidhean Croise

PANDARIADDI 12:7

Mawu naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan Mawu apan buatte naipabilon batangan-Ne si tou.

PANDARIADDI 13:15

i ya'u sarun mangonggolla si'o wuṛṛu su papulunnu ahewallu leta'a apan a'ellehannu udde tadea'u maola'a pussaanu saran mal᷊annu-l᷊annu.

PANDARIADDI 13:17

Orassa indi, pal᷊intara'e ahewallu leta'a indi, ana waugu ya'u mangonggollu udde si'o.”

PANDARIADDI 23:4

“I Ya'u indi taumata raho apan uatana'a su pattangngannu manga tuṛṛangnga; walaawe i ya'u mamalli leta'a tadea'u i ya'u wotongnge mallabingngu awingku.”

PANDARIADDI 26:24

Su ṛabbi udde Mawu naipasilon batangan-Ne si tou wuṛṛu nabbisara, “Ete i Ya'u Mawu Ruatan iamangngu Abraham. Arie pa'ata'utta; i Ya'u sarun mallu'adda si'o. I Ya'u sarun mangal᷊amatta si'o wuṛṛu mangonggollu papapulunna apan manambo si'o ana waugu pa'aire-U si Abraham allang-Ku.”

PANDARIADDI 28:4

Antimanna Mawu mangal᷊amatta si'o wuṛṛu papapulunnu, ere lai Tou buatte nangal᷊amatta si Abraham, wuṛṛu antimanna i'o manahuanna leta'a apan wawanuannu indi, apan buatte nionggolu Ruata si Abraham!”

PANDARIADDI 35:27

Ana see i Yakub na'omate ringanni Ishak iamangnge, su tampa atatanaanne su Mamre maranin Hebron. (Dorone i Abraham iupungnge, uataana'a lai poiaroddi).

PANDARIADDI 36:7

I Esau nattal᷊em i Yakub ana waugu darotongngi mangitou tumaniten manambo na'oman sara i mangitou tawe mapabiakka su sambau. Ana see lai su wanua apan atatanaanni mangitou udde tawe mattiudda annu winatangngi mangitou apan tumanite manambo udde.

PANDARIADDI 37:1

I Yakub namanuate su wanua Kanaan, su tampa atatanaannu iamangnge,

PANDARIADDI 48:4

I tou buatte nabbisara si ya'u, “I Ya'u sarun mangonggolla si'o manambo ana'a pulunna, tadea'u papapulunnu maola'a manambo balahanna; i Ya'u sarun mangonggolu wanua indi su papapulunnu maola'a pussa'a mangitou saran mal᷊annu-l᷊annu.”

2 SAMUEL 23:5

Aroddi lai papapulungku nial᷊amatannu Ruata, pa'aire-Ne si ya'u, tawe mawal᷊u, pa'aire-Ne udde mal᷊annu-l᷊annu wuṛṛu nasuungnga, mangke sidutu uaatokka su sarangkanambone. Ruata uariaga auntungangku wuṛṛu nangutungngu al᷊awo'u apulun naungku.

1 TAWARIKH 16:18

Wisara-Ne, “Leta'u Kanaan sarun Ta'u ionggola si yamiu maola'a leta'a pussaanu.”

DARALO 103:17

Arawe Mawu sidutu mandangngu taumata ma'imanna, apapia-Ne sara maṛṛawa mappulunna

DARALO 105:11

Wisara-Ne, “Leta'u Kanaan sarun Ta'u iongolla si'o, maola'a leta'a pussa'anu.”

DARALO 105:9

Paaire udde niolang-Nge si Abraham, wuṛṛu wua'udde si Ishak;

SASABANGNGA 13:11

I Musa nabbisara su walahannu Israel, “Mawu sarun manguntuddi yamiu watukku wanua Kanaan apan nipa'ire-Ne ringannu sasalu si yamiu wuṛṛu iupungngu al᷊amonanu. Napawe leta'a udde naola'e pussaanu,

SASABANGNGA 21:6

ne mawune ṛinone mangapiddi tou watukku tampa patataṛṛamawuanna. Poiaroddi allangnga udde irolokka rumarisikka uasaṛṛadda su ngara ara'e su diṛṛin ngaran patataṛṛamawuanna, wuṛṛu mawune ṛinone mamebbetta tal᷊ingan allangnga udde. Ne i tou sarun mabbal᷊i allangnge su al᷊o'engngu pabbiaṛṛanne.

SASABANGNGA 29:45

I Ya'u sarun matana'a su pattangnganu balahannu Israel, wuṛṛu maola'a Ruata mangitou.

SASABANGNGA 32:13

Naungete manga allangngu i Abraham, i Ishak wuṛṛu i Yakub. Naungete manungku I'o lai na'ire ringannu sasalu tadea'u mangonggolu papapulunna anambone ere anumpitanna su langitta, wuṛṛu lai manungku ahewallu leta'a apan pina'ire-Nu udde sarun maola'a pussa'a papapulunni mangitou saran mal᷊annu-l᷊annu.”

SASABANGNGA 40:15

Ana see lanaite i mangitou ere i'o nallana iamangngi mangitou, tadea'u i mangitou lai wotongnge mangimbe si Ya'u maola'a imam. Ringannu lal᷊aghun lanan udde, ṛuanganni mangitou saran papapulunne uaagassa manara imam.”

SASABANGNGA 6:4

I Ya'u naaringikke sasal᷊iomannu taumatan Israel apan niallangngu walahannu Mesir, ana see i Ya'u naaringikka pa'aire-U udde.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YEREMIA 25:5

I mangitou mandolokki yamiu manatangngu ola'u pabbiaṛṛannu apan dal᷊eo, wuṛṛu manga inolaannu apan ma'arosa, tadea'u i yamiu wotongnge sidutu uatana'a su wanua indi apan buatte nionggollu Mawu si yamiu wuṛṛu al᷊amonanu maola'a pussa'a.

YEREMIA 31:1

Mawu nabbisara, “Sarun a'omanna tempone i ya'u maola'a Ruata anambon ṛuangannu Israel, wuṛṛu i mangitou mabbal᷊i uma-U.

YEHEZKIEL 11:20

Ne i mangitou sarun matuṛṛutta su manga atorang-Ku wuṛṛu mararingikka anambon parenta-U. I mangitou sarun maola'a uma-U wuṛṛu i Ya'u sarun maola'a Ruata mangitou.

YEHEZKIEL 33:24

“Ei taumata apan mattate, manga taumata apan uatana'a su winalal᷊annu manga soa su leta'u Israel mabbisara, ‘i Abraham naasomba ahewallu leta'a indi, sumbal᷊i i tou tumba'u sangkatou. I ite indi manambo reenganne, nariaddi leta'a indi mabbal᷊i pussa'ang kite.’ ”

IMAMATTA 14:34

manga atoranna su ola'u wal᷊en apan nial᷊iuannu ṛenessa apan lullewa. Manga atoranna niapaamatta napawe walahannu Israel sumuttate su Kanaan, wanua apan nionggolu Mawu si mangitou.

IMAMATTA 16:34

Lal᷊aghu udde ṛinone olaanna santonna paassa tadea'u ipamaresi walahannu Israel wuassu al᷊awo'u rosan mangitou. Eteudde manga atoranna apan ṛinone iapaamatti mangitou saran mal᷊annu-l᷊annu. I Musa tinumuṛṛutta ere buatte niparentan Mawu si tou.

IMAMATTA 26:12

I Ya'u sarun marundinganna si yamiu; i Ya'u sarun maola'a Ruatanu wuṛṛu i yamiu mabbal᷊i al᷊aṛṛana-U.

ZAKARIA 8:8

wuṛṛu mangapiddi mangitou mabbelengnga wuassu ra'i wuṛṛu wuassu waṛṛatta, ma'oman sara i mangitou matana'a su Yerusalem apia. I mangitou sarun mabbal᷊i uma-U wuṛṛu i Ya'u Ruatan mangitou. I Ya'u sarun mamarenta si mangitou ringannu satia wuṛṛu atatul᷊idda.”

REENGANNA 10:29

I Musa nabbisara ipage, i Hobab ana'i Rehuel taumatan Midian, “Yami inaite mangingkatta su tampa apan tumuṛṛuttu wisaran Mawu sarun ionggola si yami. Mawu buatte na'iren apapia su taumatan Israel. Nariaddi tantalongke, yami sarun ma'ola'a mapia si'o.”

REENGANNA 25:13

I tou wuṛṛu papapulunne Ta'u olanna imam ma'oman sara mal᷊annu-l᷊annu, ana waugu i tou ringannu aroddi aṛṛimadde mannahek-Ku Ruatane, wuṛṛu buatte na'ola'a paddarame su rosan taumatan Israel.”

REENGANNA 27:12

Mawu nabbisara si Musa, “Saate watukku Wowon Abarim, wuṛṛu wua isudde pa'ellege leta'a apan Ta'u ionggola su taumatan Israel.

WATTI'U MANGA RASUL 7:5

Su tempo udde tawe saran sambageanganna wuassu wanua indi nionggolu Ruata si Abraham maola'a pussa'an Abraham; tawe saran sandango nionggolla si tou. Arawe Ruata na'ire manungku i Tou sarun mangonggolla si Abraham maola'a pussa'an Abraham wuṛṛu papapulunne. Tempo udde i Abraham tawe ana'a.

TAHIUL᷊E 14:2

I yamiu uddewe pussa'an Mawu Ruatanu; wuassu al᷊awo'u walahanna su wowon dunia, ete i yamiu apan nipilen Mawu Ruata mabbal᷊i al᷊aṛṛanang-Nge.”

TAHIUL᷊E 26:18

Allo indi Mawu nanengkamma si yamiu maola'a al᷊aṛṛanang-Nge sassane, ere buatte nipa'ire-Ne si yamiu, wuṛṛu i Tou namarenta si yamiu iapatuṛṛutta al᷊awo'u parenta-Ne.

TAHIUL᷊E 29:13

Ringannu pa'aire udde Mawu allo indi mannohassa si yamiu maola'a walahan-Ne, wuṛṛu i Tou maola'a Mawu Ruatanu ere buatte nipa'ire-Ne si yamiu wuṛṛu su iupungngu al᷊amonanu Abraham, Ishak wuṛṛu Yakub.

TAHIUL᷊E 32:49

“Roote watukku Panenteannu Abarim su wanua Moab su samba'an soan Yerikho. Ana see saate watukku Wowon Nebo wuṛṛu pa'ellege leta'u Kanaan apan tate mal᷊annu lai Ta'u itantilla su walahannu Israel.

TAHIUL᷊E 32:8

Su tempo Apan Atanggaṛṛanne nattahia leta'a, suapan balahanna nitantunna wageangngu letangnge ringannu sambau Mawu maola'a matataṛṛinone.

TAHIUL᷊E 34:4

Ana see Mawu nabbisara si Musa, “Eteudde leta'a apan Ta'u pina'ire si Abraham, si Ishak wuṛṛu si Yakub apan tinantilla su papapulunni mangitou. I Ya'u namasilo si'o, Musa, arawe tawe mamalanu inai poiaroddi.”

TAHIUL᷊E 4:37

Ana waugu i Tou mandangngu al᷊amonanu, ne i Tou buatte namile si yamiu; ringannu taṛṛino-Ne apan wahewalla i yamiu buatte niapiddi Tou sinumabbangnga wuassu Mesir.

IBRANI 9:15

Ana waugu udde i Kristus naola'a Pal᷊alawenne su sambau paaire apan wakku, tadea'u taumata apan suete niwagoannu Ruata wotongnge manengkamma manga al᷊amatta awasa apan suete pina'iren Ruata. Sarangkanambone udde wotongnge mariaddi ana waugu piateddu nate, eteudde i Kristus; wuṛṛu papate-Ne udde namallosu manga taumata wuassu manga pasasal᷊a apan niola'i mangitou su tempo pa'aire paarorone ta'e ipappa'atta.

YOSUA 1:2

Mawu nabbisara, “Allang-Ku i Musa natete. Ne orassa indi mappianne i'o wuṛṛu anambon ṛuangannu Israel pandiahite inai tumumbe Sal᷊ukku Yordan, wuṛṛu sumutta su leta'a apan Ta'u ionggola si yamiu.

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.