PANDARIADDI 17:7 - WUKE SUSI WATTI'U AL᷊AL᷊USASSA

⁷ I Ya'u sarun manipussa paaire-U si'o wuṛṛu su papapulunnu, uasasansunna, wuṛṛu paaire udde tawe panguddusanne. I Ya'u sarun maola'a Ruatanu wuṛṛu Ruatan papapulunnu.

PANDARIADDI 17:7 Iomraidhean Croise

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

PANDARIADDI 17:13

Suapan taumata ṛinone sunatanna, wuṛṛu udde sarun maola'a tatiala su wadangnga apan mapaal᷊iatta'a manungku paaire-U ringannu udde tawe pangudusanne.

PANDARIADDI 17:19

Arawe Ruata nabbisara, “Tawe, i Sara awingngu sarun manungkangngu ana'a esakka wuṛṛu aranne sarun isagonu i Ishak. I Ya'u sidutu uaagassa paaire-U su ana'a udde wuṛṛu ringannu papapulunne saran mal᷊annu-l᷊annu. Pa'aire udde tawe pangudusanne.

PANDARIADDI 26:24

Su ṛabbi udde Mawu naipasilon batangan-Ne si tou wuṛṛu nabbisara, “Ete i Ya'u Mawu Ruatan iamangngu Abraham. Arie pa'ata'utta; i Ya'u sarun mallu'adda si'o. I Ya'u sarun mangal᷊amatta si'o wuṛṛu mangonggollu papapulunna apan manambo si'o ana waugu pa'aire-U si Abraham allang-Ku.”

PANDARIADDI 28:13

Wuṛṛu Mawu uarisikka su sandiṛṛanne apiddu nabbisara, “Ete i Ya'u Mawu, Ruata apan raddaloanni Abraham wuṛṛu i Ishak. I Ya'u sarun mangonggolla si'o wuṛṛu su papapulunnu leta'a apan lal᷊allowangannu indi.

PANDARIADDI 6:18

arawe si'o, i Ya'u ṛinone ma'ola'a paaire. Suttate sulal᷊ummu apalla udde suadio'a ringannu awingngu, wuṛṛu al᷊aṛṛanangngu wuṛṛu manga awingngi mangitou.

PANDARIADDI 9:16

Napawe randipakka asiloanna su winabbawa, i Ya'u sarun ma'ellega wuṛṛu mannaungnga paaire-U sarangkal᷊o'enge ringannu al᷊awo'u riadianna wiakka su runia.

2 SAMUEL 7:24

Walahannu Israel buatte niolang-Ngu al᷊aṛṛanang-Ngu sassane saran mal᷊annu-l᷊annu, wuṛṛu I'o oh Mawu, naola'a Ruatan mangitou.

1 TAWARIKH 16:14

Mawu uddewe Ruatan kite, tita-Ne ipappaatta su ahewallu runia.

DARALO 81:10

Imbaṛṛangnga suwallati yamiu pia mawu waine, imbaṛṛangnga massubba mawu awagananna.

SASABANGNGA 3:15

Pasingkata'a lai si mangitou manungku i Ya'u, Mawu, Ruatan iupungngu al᷊amona mangitou, Ruatan i Abraham, i Ishak wuṛṛu i Yakub, nandolokku ringanni mangitou. Ete i Ya'u Mawu, eteudde arang-Ku saran mal᷊annu-l᷊annu. Eteudde pananagoang-Ku su anambon balahannu maṛṛana'a mappulunna.

SASABANGNGA 3:6

I Ya'u indi Ruatan iupungngu al᷊amonanu, Ruatan Abraham, Ishak wuṛṛu i Yakub.” Ne i Musa nallindumma hatine, ana waugu i tou matta'utta ma'ellega Ruata.

SASABANGNGA 6:4

I Ya'u naaringikke sasal᷊iomannu taumatan Israel apan niallangngu walahannu Mesir, ana see i Ya'u naaringikka pa'aire-U udde.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YESAYA 61:8

Mawu nabbisara, “I Ya'u marangngu atatul᷊idda wuṛṛu maddantinnu pangangallanga se'e lai al᷊al᷊eo. I Ya'u sarun mangonggollu hadinu ringannu uaatokka, wuṛṛu mangiittu paddariandi sarangkal᷊o'enge ringanni yamiu.

YEREMIA 31:1

Mawu nabbisara, “Sarun a'omanna tempone i ya'u maola'a Ruata anambon ṛuangannu Israel, wuṛṛu i mangitou mabbal᷊i uma-U.

YEHEZKIEL 28:26

I mangitou sarun mabbiakka ringannu matammudda isudde wuṛṛu mapararisikku manga wal᷊en see ma'ola'a manga waillu anggore. I Ya'u sarun makkuumannu anambon al᷊indonganni mangitou apan buatte nangal᷊uandaga si mangitou, ma'oman sara Israel maola'a mal᷊angnganna. Ne i mangitou masingkatte manungku ete i Ya'u, Mawu Ruata mangitou.”

IMAMATTA 11:45

Ete i Ya'u Ruatanu apan nangapiddi yamiu sinumabbangnga wuassu Mesir, tadea'u i Ya'u wotongnge maola'a Ruatanu. Ṛinone i yamiu susi, ana waugu i Ya'u susi.

IMAMATTA 25:38

Eteudde parentan Duatanu apan buatte nangapiddi yamiu sinumabbangnga wuassu Mesir wuṛṛu nangonggolu wanua Kanaan si yamiu, tadea'u i Tou mabbal᷊i Ruatanu.

IMAMATTA 26:12

I Ya'u sarun marundinganna si yamiu; i Ya'u sarun maola'a Ruatanu wuṛṛu i yamiu mabbal᷊i al᷊aṛṛana-U.

IMAMATTA 26:44

Arawe tantal᷊anna i mangitou ta'e uatana'a su wanuan seetta lai, i mangitou tawe Ta'u itantanga ara'e Ta'u pateanna abbi. Ana waugu amungkangngu i mangitou Ta'u pateanna, atappasanne i Ya'u namassutta pa'aire-U si mangitou, arawe i Ya'u indi Mawu, Ruatan mangitou.

IMAMATTA 26:45

I Ya'u sarun mallimbakku pa'aire apan Ta'u niola'a ringannu al᷊amonan mangitou, napawe i Ya'u mapal᷊iatta'u taṛino-U su al᷊awo'u walahanna ringannu mangapiddu walahang-Ku sinumabbanga wuassu Mesir, tadea'u i Ya'u, Mawu, mabbal᷊i Ruatan mangitou.”

IMAMATTA 26:9

I Ya'u sarun mangal᷊amatta si yamiu wuṛṛu mangonggolu ana'a pulunna apan manambo si yamiu. Apa apan buatte Ta'u pina'ire si yamiu, i Ya'u sarun mapaatipussa.

MIKHA 7:20

Su uman-Nu, papapulunni Abraham wuṛṛu Yakub, I'o sarun mapal᷊iatta'u darangngu-Nu wuṛṛu aakkan-Nu apan tawe pattaal᷊anne udde ere buatte nipa're-Nu su al᷊amonan kami tiwatta.

MATIUS 22:32

‘Ete i Ya'u Ruatan Abraham, Ruatan Ishak wuṛṛu Ruatan Yakub.’ Ruata udde wal᷊inewe Ruatan taumata nate. I tou Ruatan taumata wiakka!”

MARKUS 10:14

Naasilo olangnge udde Mawu Yesus namul᷊o see i Tou nabbisara mallal᷊aṛṛenggen-Ne, “Wala'e al᷊aṛṛana'a udde rumanta ringang-Ku! Arie passingara'a i mangitou, ana waugu ete taumata ereindi maola'a lal᷊oṛṛon araratuannu Ruata.

WATTI'U MANGA RASUL 2:39

Ana waugu pa'airen Ruata udde maola'a wageangngu wuṛṛu papapulunnu see manga taumata apan uatana'a su tampa apan marau – eteudde anambon taumata apan niwagoannu Ruata rumanta ringanni Tou.”

ROMA 9:4

Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.

EFESUS 2:2

Su tempo udde yamiu tuttuṛṛuta al᷊awo'u apulun dunia indi; eteudde i yamiu matuṛṛutta su tembonannu winalanganna, eteudde ghaṛṛaho apan marosa indi uaintaṛṛo sulal᷊ummu naungngu manga taumata apan maddiri tumuṛṛutta Ruata.

TAHIUL᷊E 29:13

Ringannu pa'aire udde Mawu allo indi mannohassa si yamiu maola'a walahan-Ne, wuṛṛu i Tou maola'a Mawu Ruatanu ere buatte nipa'ire-Ne si yamiu wuṛṛu su iupungngu al᷊amonanu Abraham, Ishak wuṛṛu Yakub.

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.

IBRANI 8:10

Arawe orassa indi, ete indi paaire apan sarun olaangku su walahannu Israel su miallo-miallo apan sarun dumanta unnu Mawu: I Ya'u sarun mantaṛṛon tita-U sulal᷊ummu ṛingiṛṛanni mangitou wuṛṛu iwoṛṛeta su naungngi mangitou. I Ya'u sarun maola'a Ruata mangitou, wuṛṛu i mangitou sarun maola'a pabbawala-U.

MAL᷊AṚṚUUNGNGA 2:1

Mala'ekattu Mawu inaite wuassu Gilgal watukku Bokhim wuṛṛu nabbisara su manga taumatan Israel, “Yai buatte napasabbangi yamiu wuassu Mesir, wuṛṛu nangapiddi yamiu watukku wanua apan buatte nipa'ire-U su iupungngu al᷊amonanu. Buatte lai Ta'u niapasingkatta si yamiu, ‘Pa'a'aukku pa'aire-U si yamiu tawe Ta'u wassutanna.