PANDARIADDI 17:4 - WUKE SUSI WATTI'U AL᷊AL᷊USASSA

^4-5 “Ete indi pa'aire apan i Ya'u olaanna si'o; i Ya'u maddiandi manungku i'o sarun maola'a yamangngu al᷊amonan anambon balahanna. Ana waugu udde arannu waline i Abram, ewe'e i Abraham.

PANDARIADDI 17:4 Iomraidhean Croise

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 13:16

I Ya'u sarun mangonggolla si'o papapulunna apan tumanite manambo, ma'oman sara tawedu pia sangkatou apan botongnge maareengngi mangitou. Su ereapa taumata tawe maareengngu awu su leta'a, aroddi lai papapulunnu tawe iareengnga.

PANDARIADDI 16:10

Ana see unnu Mala'ekatta udde apia, “I ya'u sarun mangonggola si'o aroddi anambone ana'a wuṛṛu pulunna, ma'oman tawe saran sangkatou lai maareengngi mangitou.

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

PANDARIADDI 25:23

Mawu nabbisara si tou, “Balahanna darua udde sulal᷊ummu illoṛṛonu; i'o sarun manungkangngu darua walahanna apan uasaseetta; tuarine mattohasanna wuassu iaangnge iapa pahul᷊une mangimbe tuarine.”

PANDARIADDI 28:3

Antimanna Ruata Lembon Taṛṛino mangal᷊amatta pa'a'awingngu wuṛṛu mangonggolla si'o ana'a papapulunna apan manambo, ma'oman sara i'o maola'a al᷊amonan balahanna manambo!

PANDARIADDI 32:12

Paanaungewe manungku Mawu buatte naddiandi sarun mangatokku al᷊awo'u apapia si ya'u wuṛṛu mangonggola si ya'u papapulunna apan manambo. Tawe saran sangkatou apan botongnge mandeengnga ana waugu anambone naal᷊ihidda anne su apanne.”

PANDARIADDI 35:11

Ana see Ruata nabbisara apia, “Ete i Ya'u Ruata Lembontaṛṛino. I'o pabbalage ringannu manambo-nambo! I'o sarun manossokku manga balahanna wuṛṛu maola'a iamangngu al᷊amona manga ratu.

PANDARIADDI 48:19

Arawe iamangnge nanol᷊a'a, “I ya'u masingkatta, ana'u, i ya'u masingkatta. I Manasye sarun bahewalla taṛṛinone wuṛṛu papapulunne lai sarun mabbal᷊i balahanna apan bahewalla. Arawe tuarine lembon maggewal᷊anna lai taṛṛinone wuassi tou, wuṛṛu papapulunnu tuarine sarun maola'a walahanna apan bahewalla.”

SASABANGNGA 6:4

I Ya'u naaringikke sasal᷊iomannu taumatan Israel apan niallangngu walahannu Mesir, ana see i Ya'u naaringikka pa'aire-U udde.