PANDARIADDI 17:16 - WUKE SUSI WATTI'U AL᷊AL᷊USASSA

¹⁶ I Ya'u sarun mangal᷊amatta si tou wuṛṛu i tou sarun manungkangngu sangkatou ana'a esakka apan sarun Ta'u ionggolla si'o. Ore, i Ya'u sarun mangal᷊amatta si Sara, wuṛṛu i tou sarun maola'a inangngu al᷊amonan manga balahanna. Su wallatu manga papapulunne sarun piaddu maola'a manga ratu.”

PANDARIADDI 17:16 Iomraidhean Croise

PANDARIADDI 1:28

Wua'udde Ruata nangal᷊amatta si mangitou ringannu wisara “Paṛṛitete ringannu paanambo tadea'u papapulunnu mamanua su ahewallu runia wuṛṛu mamarenta sarangkanambone udde. I yamiu Ta'u iapamanara mallu'adda manga inassa, manga manu'u winalanganna, wuṛṛu manga winatangnga matengnga waine.

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 15:4

Wua'udde i Abram naaringikka Mawu nabbisara si tou apia, “Wal᷊ine allangngu apan sarun mamusa'a darotongngu, ewe'e anangngu esakka sassane.”

PANDARIADDI 17:15

Wua'udde Ruata nabbisara si Abraham, “Ariete i'o mamago awingngu i Sarai; manattakka orassa indi aranne i Sara.

PANDARIADDI 17:19

Arawe Ruata nabbisara, “Tawe, i Sara awingngu sarun manungkangngu ana'a esakka wuṛṛu aranne sarun isagonu i Ishak. I Ya'u sidutu uaagassa paaire-U su ana'a udde wuṛṛu ringannu papapulunne saran mal᷊annu-l᷊annu. Pa'aire udde tawe pangudusanne.

PANDARIADDI 17:6

I Ya'u sarun mangonggolla si'o, manambo ana'a papapulunna, wuṛṛu su wallatti mangitou sarun piaddu maola'a manga ratu. Papapulunne sarun mabbal᷊i aroddi anambone, ma'oman sara i mangitou maola'a manga balahanna.

PANDARIADDI 21:1

Mawu nangal᷊amatta si Sara ere buatte nipa'ire-Ne udde.

PANDARIADDI 25:23

Mawu nabbisara si tou, “Balahanna darua udde sulal᷊ummu illoṛṛonu; i'o sarun manungkangngu darua walahanna apan uasaseetta; tuarine mattohasanna wuassu iaangnge iapa pahul᷊une mangimbe tuarine.”

PANDARIADDI 35:11

Ana see Ruata nabbisara apia, “Ete i Ya'u Ruata Lembontaṛṛino. I'o pabbalage ringannu manambo-nambo! I'o sarun manossokku manga balahanna wuṛṛu maola'a iamangngu al᷊amona manga ratu.

PANDARIADDI 36:31

Tantal᷊anna taambe ratu apan uaparenta su Israel, manga ratu apan manansunna indi uaparenta su leta'u Edom ringannu ual᷊al᷊ol᷊ossa: I Bela ana'i Beor wuassu Dinhaba. I Yobab ana'i Zera wuassu Bozra. I Husyam wuassu wageangngu leta'u Teman. I Hadad ana'i Bedad wuassu Awit (ete i tou apan nalluṛṛugu taumatan Midian sulal᷊ummu pangalo su wageangngu leta'u Moab). I Samla wuṛṛu i Masreka. I Saul wuassu Rehobot su wiwikku Sal᷊u. I Baal-Hanan ana'i Akhbor. I Hadar wuassu Pahu (awingnge aranne I Mehetabeel, ana'i Matred wuṛṛu pulunni Mezahab).

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

ROMA 9:9

Ana waugu paairen Duata ereindi, “Su tempo apan buatte tinantunna, i Ya'u sarun mabelengnga, wuṛṛu Sara sarun maasomba sangkatou ana'a esakka.”

GALATIA 4:23

Ana'a wuassu wawine apan naola'a allangnga, niasungkanga ere inanaramanne ana waugu i tou wuassu apalun taumata. Arawe wuassu wawine wal᷊ine allangnga, niasungkanga ana waugu pina'iren Duata.

1 PETRUS 3:6

Sara lai aroddi, tou matuṛṛutta si Abraham wuṛṛu nanaggon tou mawune. Tuṛṛanga orassa indi naola'a al᷊aṛṛana'i Sara, amungkangu i yamiu ma'ola'a inolaanna apan mapia wuṛṛu tawe matta'uttu apa-apa.