PANDARIADDI 14:16 - WUKE SUSI WATTI'U AL᷊AL᷊USASSA

¹⁶ I Abram napangaṛṛo apia manga darotongnga apan buatte niaaṛṛo, see lai i Lot ringannu darotongnge, wuṛṛu manga wawine wuṛṛu taumata niatawanna waine lai.

PANDARIADDI 14:16 Iomraidhean Croise

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 14:14

Napawe i Abram naaringikka manungku ana'u tuṛṛangnge niatawanna, i tou nangammulu anambon taumata sulal᷊ummu rasanne, eteudde mapapanden pangalo, anambone 318 su atoune, ana see nangenggenna siri appata ratu udde naddatingngu soan Dan.

PANDARIADDI 50:7

Ana see i Yusuf inaite mallabingngu iamangnge. Anamabon mamanaran araratuanna, manga timma-timmadu araratuanna wuṛṛu anambon tembonannu Mesir, inai suadio'a ringanni Yusuf.

YESAYA 41:2

Isai apan nangal᷊oren tembonanne wuassu ra'i, wuṛṛu sidutu nangonggollu auntunganna? Isai apan na'ola'a si tou namaddon manga walahanna, wuṛṛu napasuṛṛubbawan manga ratu si tou? Hal᷊elene naasal᷊iawukka si mangitou ere awu, anaanne napaaṛṛaen mangitou ere laṛṛami nitiuppu anginna.

1 SAMUEL 30:8

Wua'udde i Daud naiwal᷊ote Mawu, “Ṛinonewe ya'u mangenggenna ammul᷊annu taumata namangalo udde? Wotongngewe ya'u manantuṛṛutta si mangitou?” Mawu sinumimbakka, “Ore enggenete; i'o sarun maatantuṛṛutta si mangitou wuṛṛu maapallossu manga taumata apan nisametti mangitou.”