PANDARIADDI 13:16 - WUKE SUSI WATTI'U AL᷊AL᷊USASSA

¹⁶ I Ya'u sarun mangonggolla si'o papapulunna apan tumanite manambo, ma'oman sara tawedu pia sangkatou apan botongnge maareengngi mangitou. Su ereapa taumata tawe maareengngu awu su leta'a, aroddi lai papapulunnu tawe iareengnga.

PANDARIADDI 13:16 Iomraidhean Croise

PANDARIADDI 15:5

Mawu nangapiddi Abram su liudde ana see nabbisara si tou, “Paningngarate langitta, wuṛṛu annama'o pandeengngu manga anumpitanna; i'o sarun manahuanna papapulunna anambone ere manga anumpitanna udde.”

PANDARIADDI 16:10

Ana see unnu Mala'ekatta udde apia, “I ya'u sarun mangonggola si'o aroddi anambone ana'a wuṛṛu pulunna, ma'oman tawe saran sangkatou lai maareengngi mangitou.

PANDARIADDI 17:16

I Ya'u sarun mangal᷊amatta si tou wuṛṛu i tou sarun manungkangngu sangkatou ana'a esakka apan sarun Ta'u ionggolla si'o. Ore, i Ya'u sarun mangal᷊amatta si Sara, wuṛṛu i tou sarun maola'a inangngu al᷊amonan manga balahanna. Su wallatu manga papapulunne sarun piaddu maola'a manga ratu.”

PANDARIADDI 17:2

I Ya'u sarun ma'ola'a pa'aire ringannu wuṛṛu mangonggolla si'o papapulunna apan manambo.”

PANDARIADDI 17:20

Arawe i Ya'u mangutungngu darorongngu su ola'i Ismael. Ana wugu ude i tou Ta'u al᷊amatanna wuṛṛu Ta'u onggol᷊annu papapulunna apan manambo. I tou sarun maola'a al᷊amona mapul᷊o dua piaṛṛa'u ṛuanganna, wuṛṛu papapulunne sarun Ta'u olaana sambau balahanna apan bahewalla.

PANDARIADDI 17:6

I Ya'u sarun mangonggolla si'o, manambo ana'a papapulunna, wuṛṛu su wallatti mangitou sarun piaddu maola'a manga ratu. Papapulunne sarun mabbal᷊i aroddi anambone, ma'oman sara i mangitou maola'a manga balahanna.

PANDARIADDI 18:18

Wal᷊inewe papapulunne apan sarun maola'a balahama apan wahewalla wuṛṛu uataṛṛino? Walinetoe ete ana waugu i tou anambon balahama su runia sarun Ta'u al᷊amatanna?

PANDARIADDI 21:13

Aroddi lai su ana'i Hagar sarun Ta'u onggol᷊annu manambo ana'a, pulunna tadea'u i mangitou maola'a sambau balahanna. Ana waugu i tou anangngu lai.”

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

PANDARIADDI 26:4

I Ya'u sarun mangonggola si'o ana'a papapulunna anambone ere anumpitanna su langitta, wuṛṛu ahewallu leta'a indi sarun Ta'u ionggola si mangitou. Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou ereapa i Ya'u buatte nangal᷊amatta papapulunnu.

PANDARIADDI 28:14

Papulunnu anambone ere awu su runia. I mangitou sarun manggewalla leta'i mangitou watukku al᷊awo'u tampa, wuṛṛu wua si'o wuṛṛu papapulunnu, i Ya'u sarun mangal᷊amatta anambon balahanna su runia.

PANDARIADDI 28:3

Antimanna Ruata Lembon Taṛṛino mangal᷊amatta pa'a'awingngu wuṛṛu mangonggolla si'o ana'a papapulunna apan manambo, ma'oman sara i'o maola'a al᷊amonan balahanna manambo!

PANDARIADDI 32:12

Paanaungewe manungku Mawu buatte naddiandi sarun mangatokku al᷊awo'u apapia si ya'u wuṛṛu mangonggola si ya'u papapulunna apan manambo. Tawe saran sangkatou apan botongnge mandeengnga ana waugu anambone naal᷊ihidda anne su apanne.”

PANDARIADDI 32:13

Napawe nanaṛṛabbi isudde, i Yakub nanganu sambageanganna wuassu manga winatangngi tou ionggola si Esau. Aonggola udde eteudde: dua ṛasutta ambinga wawine, ruan pul᷊o ambinga esakka, dua ṛasutta domba wawine, ruan pul᷊o domba esakka, tallu pul᷊o unta apan tantal᷊anna mappasusu, suadio'a ringannu anangnge, appatu pul᷊o sapi wawine, mapul᷊o sapi esakka, ruan pul᷊o keledai wawine wuṛṛu mapul᷊o keledai esakka.

PANDARIADDI 35:11

Ana see Ruata nabbisara apia, “Ete i Ya'u Ruata Lembontaṛṛino. I'o pabbalage ringannu manambo-nambo! I'o sarun manossokku manga balahanna wuṛṛu maola'a iamangngu al᷊amona manga ratu.

PANDARIADDI 46:3

“I Ya'u Ruata, Ruata apan sassubbannu iamangngu,” wisara-Ne. “Arie pa'ata'utta inai watukku Mesir. I Ya'u sarun mandiadi papapulunnu balahanna apan bahewalla poiaroddi.

1 MARARATU 3:8

I ya'u uatana'a su pattangngannu walahanna apan buatte nipile-Nu maola'a uman-Nu sassane. I mangitou sambau walahanna wahewalla apan tawe iareengnga anambone.

1 MARARATU 4:20

Tumana'u Yehuda wuṛṛu Israel anambone ere anne su wiwikku tahal᷊oangnga. I mangitou uatahuanna anna manambo wuṛṛu ua'e see mabbiakka su lal᷊umanna'a.

2 MARARATU 13:23

Arawe Mawu marangnge walahan-Ne wuṛṛu nangampunga si mangitou. I Tou maddiri mamalan mangitou pateanna, arawe nangontolla si mangitou, ana waugu pa'aire-Ne si Abraham, si Ishak wuṛṛu si Yakub. Na'oman sara orassa indi i Tou tawe maabul᷊in walahan-Ne.

1 TAWARIKH 21:5

wuṛṛu namasingkatta si Ratu Daud manaran pandareengnga udde. Anambon esakka apan botongnge maola'a tantara 1.100.000 su atoune su Israel, wuṛṛu 470.000 su atoune su Yehuda.

1 TAWARIKH 27:23

I Ratu Daud tawe na'ola'a pandareengnga suwallattu manga taumata apan uukke 20 su tonnane inawa, ana waugu Mawu buatte naddiandi sarun ma'ola'a taumatan Israel anambone ere anumpitanna su langitta.

2 TAWARIKH 1:9

Orassa indi, oh Mawu Ruata, antimanna I'o manipussu paaire-Nu su iamangku. I ya'u buatte nitenegu Mawu naola'a ratu su walahanna wahewalla indi apan tawe iareengnga anambone.

AYUB 5:25

Ana'a papapulunnu tawe iareengnga, i mangitou anambone ere nannal᷊o su wadda'a.

SASABANGNGA 1:7

Arawe papapulunni mangitou, eteudde manga taumatan Israel, naṛṛana'e napulunna manambo atonna, wuṛṛu reenganni mangitou a'atambanna mal᷊ihakka atonna, na'oman sara wanua Mesir napene mangitou.

SASABANGNGA 32:13

Naungete manga allangngu i Abraham, i Ishak wuṛṛu i Yakub. Naungete manungku I'o lai na'ire ringannu sasalu tadea'u mangonggolu papapulunna anambone ere anumpitanna su langitta, wuṛṛu lai manungku ahewallu leta'a apan pina'ire-Nu udde sarun maola'a pussa'a papapulunni mangitou saran mal᷊annu-l᷊annu.”

YEREMIA 33:22

I Ya'u sarun manimu papapulunni allang-Ku Daud wuṛṛu manga imam su ṛuanganni Lewi, ma'oman sara anambone maola'a ere anambon anne su winggin sahatta wuṛṛu anumpitanna su langitta apan tawe iareengnga.”

REENGANNA 23:10

Papapulunni Yakub naal᷊ihidda awu tawe iareengnga; walahannu Israel reenganne tumaniten manambo. Antimanna i ya'u mate ere sangkatou taumata matul᷊idda doronganna papate'u ere papate manga taumata udde.”

TAHIUL᷊E 1:10

Mawu Ruatanu buatte na'ola'a reengannu a'atambana anambone ere anumpitanna su langitta.

IBRANI 11:12

Salaiwe i Abraham su tempo udde ere taumata apan wadange natete, arawe i tou naasomba walahanna, apan anambone tawe iareengnga – ere anambon anumpitanna su langitta wuṛṛu anne su winggin apanne.

SONDAPPA 7:9

Wua'udde i ya'u na'ellega apia, see niasiloanna taumata tumanite manambo – tawe saran sangkatou taumata apan wotongnge maareengngu anambone. I mangitou udde manga taumata wuassu al᷊awo'u walahanna, ṛuanganna, araratuanna, wuṛṛu wahasa. Ringannu uapeddetu jubah mawira-wira wuṛṛu ringannu uaaggasa manga rannang kalu palem su limane, manga taumata manambo udde dirumarisikka sinumaruanna adderan araratuanna wuṛṛu sinumaruanna Ana'u Domba udde.

MAL᷊AṚṚUUNGNGA 6:3

Wuṛṛu naatamba lai, suapan mabbawaillu Israel apan mangasi'a wawail᷊anne, taumata Midian rumantate su sambau ringannu taumatan Amalek wuṛṛu manga taumata waine wuassu wadda'u anne mammangalo taumatan Israel.

MAL᷊AṚṚUUNGNGA 6:5

Manga taumata udde nirumanta mangngelekka uaapiddu winatanga wuṛṛu rasanni mangitou sulal᷊ummu ammul᷊anna apan bahewalla. I mangitou wuṛṛu manga untan i mangitou tumaniten manambo na'oman sara tate iareengnga. I mangitou nirumanta nanggohakku wanua udde,