PANDARIADDI 13:10 - WUKE SUSI WATTI'U AL᷊AL᷊USASSA

¹⁰ I Lot nanaile leta'a apan uapal᷊iwutta si tou wuṛṛu i tou naasilo manungku ahewallu Wawal᷊annu Yordan, maddatingngu soan Zoar manambo ua'ene, naal᷊ihidda Waillu Mawu ara'e naal᷊ihidda leta'u Mesir. (Etearoddi olangnge tantal᷊anna Mawu taambe naṛṛimunsa'a manga soan Sodom wuṛṛu Gomora.)

PANDARIADDI 13:10 Iomraidhean Croise

PANDARIADDI 11:27

Ete indi papapulunni Terah: i Terah iamangngi Abram, i Nahor wuṛṛu i Haran. I Haran pia sangkatou ana'a esakka aranne i Lot.

PANDARIADDI 13:11

Panginsueanne i Lot namile ahewallu Wawal᷊annu Yordan udde, ana see inaite watukku ra'i. Etearoddi ruan katou taumata udde natal᷊ei.

PANDARIADDI 13:9

Ana waugu udde mappianne i ite mattal᷊ei. Pamilete wageangnge suapa wuassu leta'a indi apan ipaapulunu. Amungkangngu i'o inai su samba'a indi, ya'u sarun inai watukku tampa waine.”

PANDARIADDI 14:2

napapangalo nandaappa siri lima ratu waine, eteudde: i Bera wuassu Sodom, i Birsya wuassu Gomora, i Syinab wuassu Adma, i Semeber wuassu Zeboim, wuṛṛu ratu wuassu Bela apan isassago lai Zoar.

PANDARIADDI 14:8

Wua'udde manga ratu wuassu Sodom, Gomora, Adma, Zeboim wuṛṛu Bela nangatokku warisannu tantara mangitou su Wawal᷊annu Sidim ana see napapangalote,

PANDARIADDI 3:6

Wawine udde na'ellega manungku alu udde maṛṛansangnga, wuṛṛu wuane ellehanna matemangnga annananna. Ne i tou naṛṛingidda apiawe eteapa amungkangngu i tou mabbal᷊i pande. Ana waugu udde i tou nani'o wuan kalu udde, ana see niumanna, wuṛṛu awingnge lai nionggol᷊anna, ana see awingnge lai niumante.

PANDARIADDI 47:6

Ola'e wanua Mesir indi naal᷊ihidda wanuanu sassane. Wala'e i mangitou mamanua su wageangngu leta'u Gosyen, leta'a apan apianne su wanua indi. Wuṛṛu doloṛṛa'e taumata apan pia asingkanne mammanara mammadul᷊i winatangnga papadul᷊ianangku.”

PANDARIADDI 6:2

al᷊aṛṛana'u Ruata ma'ellega manungku mangka maṛṛuala udde mangkaṛṛamaga. Ana see i mangitou na'awingke manga maṛṛuala apan ipaapulu mangitou.

1 MARARATU 7:46

Ratu nandolokka nipaola'a manga saranapa udde su pamamosoannu logamma suwallattu Sukot wuṛṛu Sartan su Wawal᷊annu Yordan.

AYUB 40:23

I tou tawe mata'utta salaiwe Sal᷊ukku Yordan masassagga ua'ene, i tou sidutu matammudda salaiwe ua'e nangelekka su hatine.

DARALO 107:34

Leta'a masuwukka niolang-Nge wadda'u asimma, ana waugu al᷊al᷊eon manga taumata apan uawanua isudde.

YESAYA 15:5

I ya'u u'akkannu Moab! Tumanangnge nattal᷊angnga watukku soan Zoar wuṛṛu watukku Eglat-Selisia. Piaddu sinuma'a su lal᷊anna watukku Luhit lapiddu lulluai; piaddu lai apan tinumal᷊angnga watukku Horonaim lapiddu ma'uare ana waugu niaṛṛiaannu asasilaka.

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

YEREMIA 48:34

Taumata su Hesybon wuṛṛu Eleale lulluai wuṛṛu lal᷊uaine iaaringikka sara Yahas, wuṛṛu niaringiṛṛannu lai manga taumata wuassu Zoar naddatingngu Horonaim wuṛṛu Eglat-Selisia. I mangitou lulluai ana waugu ua'e su ana'u Sal᷊ukku Nimrim namarate lai.

YEHEZKIEL 16:46

Iaangngu uddewe Samaria su sawannakka ringannu anambon ampungnge. Wuṛṛu tuarinu uddewe Sodom su timukka ringannu anambon ampunge.

YEHEZKIEL 16:49

Sodom wuṛṛu manga ampunge mawunga ana waugu uatahuanna manambo walingakku anna see wotongnga mabbiakka ringannu matammudda wuṛṛu paddarame. Arawe i mangitou tawe ma'ellega taumata asiangnga wuṛṛu taumata lal᷊ebone.

YEHEZKIEL 28:13

Tampa atatanaannu su Eden, wawail᷊annu Ruata. Laungngu lal᷊ogaṛṛannu al᷊awo'u permata: watun delima wuṛṛu intan, topas, watu pirus, watu yakut, ratna, cempaka, watu nilam, zamrud wuṛṛu watu alkali maṛṛamu. Lal᷊ogakka wul᷊awannu lai manambo. Manga saranapa udde niola'a hausannu su allo i'o niriaddi.

YEHEZKIEL 31:8

Manga punnu cemara su Eden, wawail᷊annu Ruata tawe iasul᷊ungngi tou. Tawe cemara apan botongne maal᷊awangnga si tou, tawe aal᷊uanna apan aroddi al᷊o'engnge rannane. Atonna, su wawail᷊annu Ruata tawe aal᷊uanna aṛṛansangnge ere i tou.

YEHEZKIEL 31:9

Ete i Ya'u apan na'ola'a si tou maṛṛansangnga ringannu manga rannane apan mal᷊o'engnga wuṛṛu masaṛṛihalo. Al᷊awo'u aal᷊uanna su wawail᷊annu Ruata mannaungnga lal᷊eo si tou.

YEHEZKIEL 47:18

Passaranna su samba'a ra'i mabbatukku timukka, wuassu sambau tampa suwallattu wageangngu leta'u Damsyik wuṛṛu wageangngu leta'u Hauran. Nariaddi sal᷊ukku Yordan naola'a passarannu wallattu leta'u Israel su samba'a waṛṛatta wuṛṛu Gilead su samba'a ra'i, maddatingngu Tamar su salleannu Tahal᷊oangnga Nate.

YOEL 2:3

Naal᷊ihidda putungnga apan mannoṛṛobba wuṛṛu maatutungnga i mangitou nangepoddu al᷊awo'u sasuanna. Dorone, wanua udde naal᷊ihidda Eden, waillu Mawu, wua'udde, naal᷊ihidda wadda'u anne apan maṛṛasa. Tawe saran sambau apan nallambe, taweddu naatal᷊angnga wuassu aenggenni mangitou.

TAHIUL᷊E 34:3

su wageangngu timukku Yehuda wuṛṛu su leta'a ratakke apan uawannada wuassu Zoar watukku Yerikho soa apan napenen alu kurma.