PANDARIADDI 1:16 - WUKE SUSI WATTI'U AL᷊AL᷊USASSA

¹⁶ Ete aroddi Ruata na'ola'a darua saranapa masemakka apan bahewalla, eteudde matannallo mannemakka allo, wuṛṛu wul᷊anna mannemakka ṛabbi; ana see lai Tou na'ola'a manga anumpitanna.

PANDARIADDI 1:16 Iomraidhean Croise

AYUB 31:26

Taambe saran paassa i ya'u nassubba matannallo lukkena masemakka ara'e wul᷊anna apan semakke maṛṛamagga.

AYUB 38:7

sutempo manga anumpitannu marua allo mangngantari suadio'a wuṛṛu manga riaddiannu surga maggio lulluassa.

DARALO 148:3

Paddalote si Tou, ei matannalo wuṛṛu wul᷊anna, paddalote si Tou, ei manga anumpitanna apan lullansianga!

DARALO 148:5

Mappianne i mangitou sarangkamabone maddalo arannu Mawu, ana waugu sarangkanambone niola'a wuassu parenta-Ne.

DARALO 19:6

marua allo i tou sumabbanga naal᷊ihidda maawinga esakka sinumabbanga wuassu wabbo'ane, naal᷊ihidda atumannaṛṛannu pangalo apan lulluassa manattaku amatanne.

DARALO 74:16

I'o apan nandiadi allo wuṛṛu ṛabbi, wuṛṛu nangatokku tampan matannallo wuṛṛu wul᷊anna.

DARALO 8:3

niantarin manga al᷊aṛṛana'a wuṛṛu ana'a wakku niasungkanga. Araratuan-Nu matohassa tawe iaholle mapal᷊annabbu seetta wuṛṛu ro'appa.

YESAYA 13:10

Suapan anumpitanna wuṛṛu ammul᷊annu anumpitanna sarun umaddo manemakka; matannallo sarun maddandumma sutempo i tou sumabbangnga, wuṛṛu wul᷊anna sarun tate semakke lai.

YESAYA 24:23

Wul᷊anna sarun mabbal᷊i marandumma wuṛṛu matannallo tate lai semakke, ana waugu Mawu Apan Lembontaṛṛino sarun mamarenta maola'a sangkatou ratu. I Tou sarun mamarenta su Yerusalem, su Wuiddu Sion, wuṛṛu mapal᷊iatta'u awawantu-Ge su manga piaṛṛa'u uman-Ne.

YESAYA 40:26

Paningngarate langitta, wuṛṛu panutukke! Isaite apan nallanginnu manga anumpitanna? I Tou apan mangngatokki mangitou naal᷊ihidda ere barisanna, i Tou masingkattu anambon mangitou sarangkanambone, wuṛṛu mammaggo sambau-sambau ringannu aranne. Tawe saran sambau apan mawul᷊i ana waugu ahewallu taṛṛinon Mawu!

YESAYA 45:7

Ete i Ya'u apan nandiaddi asasemakka wuṛṛu ararandumma, i Ya'u mandatan al᷊amatta wuṛṛu asasilaka. Ete i Ya'u Mawu apan na'ola'a sarangkanambone udde.

YEREMIA 31:35

Matannallo nisaddia Mawu ipanemakka allo; wul᷊anna wuṛṛu manga anumpitanna ipannemakka ṛabbi. Tahal᷊oangnga niongkene na'oman sara nallua'a, Mawu Apan Lembontaṛṛino, uddewe aranne.

HABAKUK 3:11

Semakku manga anaan-Nu tuttalla'a mal᷊ihakka, sambeang-Ngu lullendappa massawallo, ne matannallo wuṛṛu wul᷊anna nattaalle su tampane.

MATIUS 24:29

“Tawe nal᷊annu wuassu asasusa su tempo udde, matannallo sarun maddandumma, wuṛṛu wul᷊anna tate lai semakke. Manga anumpitanna sarun manawo wuassu langitta, wuṛṛu manga tembonannu winalanganna sarun massal᷊iawukka.

MATIUS 27:45

Su allo allatune, al᷊annune tallung ka'orassa ahewallu wanua udde naddandumma.

1 KORINTUS 15:41

Araṛṛamaggu matannallo uapapaṛṛalan araṛṛamaggu wul᷊anna. Manga anumpitanna lai pia araṛṛamagge sassane. Ewe'e manga anumpitanna udde lai sambau-sambau uapapaṛṛala araṛṛamagge.

TAHIUL᷊E 4:19

Ariete i yamiu marosa ana waugu massubba wuṛṛu mattaṛṛamawu su al᷊awo'u apa apan niasiloanni yamiu su langitta; matannallo, wul᷊anna wuṛṛu manga anumpitanna. Mawu Ruatanu namalan manga walahanna waine massubba manga saranapa udde.

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.