PANDARIADDI 1:11 - WUKE SUSI WATTI'U AL᷊AL᷊USASSA

¹¹ Ruata nabbisara apia, “Ṛinone leta'a mapaasabangngu al᷊awo'u hatin sinuananna, eteudde sinuananna wuane apan pia batune wuṛṛu manga sinuananna apan mabbua.” Ana see olangnge udde nariadite.

PANDARIADDI 1:11 Iomraidhean Croise

PANDARIADDI 1:12

Ete aroddi leta'a napaasabangngu al᷊awo'u hatin sinuananna. Wuṛṛu Ruata mal᷊uassa ma'ellega olangnge udde.

PANDARIADDI 1:29

Apan maola'a wiakku eteudde Ta'u ionggolla si raddue anambon hatin sinuananna apan mangonggollu hessine pia batune wuṛṛu manga wuan aaluanna.

PANDARIADDI 2:16

Ruata nabbisara taumata udde, “I'o wotongnge umanna manga wuan aaluanna sulal᷊ummu wailla indi,

PANDARIADDI 2:5

taambe bualanna apan tinumuwo wuṛṛu taambe manga sinuananna su runia, ana waugu Ruata taambe napaasossokku uranna wuṛṛu taambe taumata mammanara leta'a udde.

PANDARIADDI 2:9

Ruata napatuwon al᷊awa'u hatin aaluanna apan maṛṛansanga wuṛṛu maggessi manga wua apan mapia. Su pattangngannu wailla udde tinumuwote alu apan mangngonggollu wiakka, wuṛṛu alu apan mangngonggollu asingkatta su ola'u apapia wuṛṛu al᷊al᷊eo.

AYUB 28:5

Leta'a mangngonggollu wiakka su taumata, arawe sulal᷊ummu leta'a udde lai, sarangkanambone nial᷊isangnga na'oman sara lal᷊oṛṛon dunia nassal᷊iawukka.

DARALO 1:3

Taumata udde masomakka sulal᷊ummu al᷊awo'u pinitanne; i tou naal᷊ihidda aaluanna su winggin sal᷊ukka apan mabbua sutempone wuṛṛu ronganne tawe tumolangnga.

DARALO 147:8

Ete i Tou apan namataddu winabbawa su langitta; i Tou nanaddia uranna iemaa'a su runia, wuṛṛu na'ola'a nannal᷊o niapatuwo su wuidda.

YESAYA 61:11

Ere wualanna apan niasi'a sarun tumuwo maola'a sinuananna, etearoddi Mawu Ruata mapaatuwon asasal᷊amatta wuṛṛu anambon walahanna sarun maddalo si Tou.”

YEREMIA 17:8

I tou naal᷊ihidda aal᷊uanna su winggin sal᷊ukka apan mangngelekka; ṛamunne tinumundo naddatingngu ua'e. I tou tawe mata'uttu tempom paddissa, manga rongngane sidutu mangngelomma. Salaiwe wanua niaṛṛiaannu tandiawa, i tou tawe suminggawangnga ana waugu i tou sidutu mabbua.

MATIUS 3:10

Bal᷊iungnga nasaddiate ipanuwangnga alu, ma'oman sara manga ṛamunne. Al᷊awo'u alu apan tawe mabbua apan mapia sarun tuwanganna wuṛṛu iramme sulal᷊ummu putungnga.

MATIUS 6:30

Wal᷊abukka su wadda'a allo indi tumuwo wuṛṛu tiṛṛabbine tutunganna ma'oman sara masue. Arawe Ruata mamedetta wal᷊abukka udde aroddi aṛṛamage. Lembonete i yamiu! Arawe pangangimanni yamiu mattul᷊ungnga!

MARKUS 4:28

Ete leta'a udde apan nangagillu wuane sassane; paarorone raene, wua'udde wungane, ana see wuane.

1 KORINTUS 15:38

Ruata sassane sarun mangonggola su wualanna udde saṛṛene apan tumuṛṛuttu aellegi Tou mapiate su sasuanna udde. Su al᷊awo'u wualanna, Ruata nangonggolu saṛṛe su sasuanna sambau-sambau.

IBRANI 6:7

Leta'a apan mangngiṛṛupa ua'eng kuranna apan masokka manawo su leta'a udde, see tinuwoante manga sasuanna apan mahuna su taumata apan mamamaddul᷊ine, leta'a udde nial᷊amatannu Ruata.

YAKOBUS 3:12

Alu ara, manga tuṛṛangku, tawe mabbuan zaitun, wuṛṛu alu anggore tawe mabbuan ara. Al᷊imatan ua'e mapakkada tawe mapaasabangngu ua'e mapia.