PANDARIADDI 1:1 - WUKE SUSI WATTI'U AL᷊AL᷊USASSA

¹ Su al᷊amonane, su tempo Ruata nanattakke mandiaddi ul᷊ilin pati'uppa,

PANDARIADDI 1:1 Iomraidhean Croise

2 MARARATU 19:15

ana see inumal᷊iomanna, wisarane, “Mawu, Ruatan Israel, apan ua'ianna su wowon mala'ekatta, tumba'u I'o sambau Ruata apan uataṛṛino al᷊awo'u araratuanna su wowon dunia. Tumba'u I'o apan nandiadi langitta wuṛṛu runia.

1 TAWARIKH 16:26

Manga mongannu walahanna waine tumba'u paal᷊uanna sassubbanna arawe Mawu uddewe nandiaddi winalanganna.

2 TAWARIKH 2:11

Su ipabbal᷊issa suratti Ratu Salomo udde, Ratu Hiram nangirimmu suratta lai tingikke arendi, “Ana waugu Mawu marangngu al᷊aṛṛanang-Nge, i tou buatte namile si Tuangnga maola'a ratun mangitou.

NEHEMIA 9:6

Wua'udde tumana'u Israel niumal᷊iomanna arendi, “Ete I'o Mawu, Ete I'o apan Lembontinggassa; I'o na'ola'a anumpitanna wuṛṛu ahewallu winalanganna, see lai tahal᷊oangnga wuṛṛu runia see al᷊awo'u lal᷊oṛṛone, see I'o nangonggollu pabbiaṛṛanna wuṛṛu I'o nappaddul᷊i. Ete Si'o al᷊awo'u taṛṛino su langitta u'al᷊intudda massubba; i mangitou niumaruutta Si'o wuṛṛu massaṛṛubbawa.

AYUB 26:13

Singangu-Ne namaresi langitta na'oman sara tumaniten matilangnga; lima-Ne namate atoanna apan maraniten maatal᷊angnga.

AYUB 38:4

Nariaddite i'o sutempo i Ya'u nandiaddi runia? Amungkangngu asingkannu mal᷊alangnga, pasingkata'e!

AYUB 9:8

Niwilanne winalanganna ringannu taweddu nallal᷊ima; ringanna niṛṛinda liuddu atoannu tahal᷊oangnga.

DARALO 102:25

Ana see i ya'u nabbisara, “Oh Ruata ariewe mangal᷊appa niawa'u su pattangngannu pabbiaṛṛangku.” Mawu, I'o wiakka saran mal᷊annu-l᷊annu,

DARALO 104:24

Aroddi anambone lanna'u manara-Nu, Mawu, sarangkanambone niolang-Ngu ringannu apande; runia napenen lanna'u lima-Nu.

DARALO 104:30

Arawe napawe I'o mangonggolu sasangngo, i mangitou olaanna; I'o nangonggolu wiakka wakku su runia.

DARALO 115:15

Antimanna i yamiu al᷊amatannu Mawu, mandariaddi langitta wuṛṛu runia!

DARALO 121:2

Aontola si ya'u darantane wuassu Mawu apan nandiaddi langitta wuṛṛu runia.

DARALO 124:8

Aontolla si ite darantane wuassu Mawu apan nandiaddi langitta wuṛṛu runia.

DARALO 134:3

Antimanna wuassu Sion i yamiu al᷊amatannu Mawu, Nandiaddi langitta wuṛṛu runia!

DARALO 136:5

Ringannu apande-Ne i Tou na'ola'a langitta; darangngu-Ne tawe panguddusanne.

DARALO 146:6

Ete i Tou apan nandiaddi langitta wuṛṛu runia, tahal᷊oangnga wuṛṛu al᷊awo'u lal᷊oṛṛone; i Tou sidutu matul᷊idda saran mal᷊annu-l᷊annu.

DARALO 33:6

Mawu nanita, ne langitta nariaddite; matannallo, wul᷊anna wuṛṛu anumpitanna niola'u ṛengetan-Ne.

DARALO 33:9

Ana waugu i Tou nakkengetta, ana see sarangkanambone nariaddi; i Tou nanita, ana see sarangkanambone piate.

DARALO 8:3

niantarin manga al᷊aṛṛana'a wuṛṛu ana'a wakku niasungkanga. Araratuan-Nu matohassa tawe iaholle mapal᷊annabbu seetta wuṛṛu ro'appa.

DARALO 8:4

Amungkangu i ya'u maningngara langitta apan niriadi-Nu wul᷊anna wuṛṛu anumpitanna apan niaddo-Nu,

DARALO 90:2

Ro'en manga wowone taambe niola'a, ro'en leta'a wuṛṛu runia taambe niriaddi-Nu, ete I'o Ruata apan sarangkal᷊o'engnge, tawe panattaṛṛanne wuṛṛu tawe pangudusanne.

DARALO 96:5

Manga mongannu walahanna waine tumba'u paal᷊uanna sassubbanna, arawe Mawu uddewe mallal᷊anginnu winalanganna.

SASABANGNGA 20:11

Sulal᷊ummu tempo annummu allo, i Ya'u, Mawu, na'ola'a runia, langitta, tahal᷊oangnga, wuṛṛu al᷊awo'a sulal᷊umme, arawe su allo appitune i Ya'u nangillol᷊o. Ana waugu udde i Ya'u, Mawu, nangal᷊amatta allon Sabat wuṛṛu niṛṛae passubanna si Ya'u.

SASABANGNGA 31:18

Napawe buatte naggahatton i Musa su puiddu Wowon Sinai, Ruata nangonggola si tou ruan kul᷊appa watu apan buatte niwoṛṛetannu Ruata ringannu manga tita-Ne.

AMSAL 16:4

Al᷊awo'a apan niola'u Mawu pia pandumanne; wuṛṛu pandumannu taumata lal᷊eo eteudde papate.

AMSAL 3:19

Ringannu asingkatta, Mawu nandiaddi runia; ringannu darangngu-Ne i tou namilattu langitta su tampa-Ne.

MANNANASE 12:1

Pannaungke Mandariaddinu tantal᷊anna i'o ta'e saṛṛentumuwo, tantal᷊anna taambe nia'omanna manga tonna napenen asasansara. Sutempo udde i'o sarun mabbiasara, “Pabbiaṛṛangku tawe al᷊al᷊uassa.”

YESAYA 37:16

“Mawu Apan Lembontaṛṛino, Ruatan Israel, apan ua'ianna su aṛṛa'uannu Ruata, ete I'o Ruata tinggassa apan uataṛṛino al᷊awo'u araratuanna su wowon dunia indi. Ete I'o apan nandiaddi langitta wuṛṛu runia.

YESAYA 40:21

Ṛatadde i'o wagga wuṛṛu tawe naaringikka, wuṛṛu tawe niapasingkatta si'o ra'en paarorone? ṛatadde i'o tawe ma'asunna wuassu paarorone ereapa tattakku runia indi?

YESAYA 40:26

Paningngarate langitta, wuṛṛu panutukke! Isaite apan nallanginnu manga anumpitanna? I Tou apan mangngatokki mangitou naal᷊ihidda ere barisanna, i Tou masingkattu anambon mangitou sarangkanambone, wuṛṛu mammaggo sambau-sambau ringannu aranne. Tawe saran sambau apan mawul᷊i ana waugu ahewallu taṛṛinon Mawu!

YESAYA 40:28

Ṛatadde i'o wagga wuṛṛu tawe naaringikka? Ete Mawu Ruata apan sarangkal᷊o'enge, apan nandiaddi ahewallu runia. Taambe saran paassa i Tou naapendamma nallome ara'e nal᷊otakka; ṛingiran-Ne tawe aurumanna.

YESAYA 42:5

Mawu Ruata nandiaddi wuṛṛu namilattu langitta; i Tou na'ola'a runia wuṛṛu al᷊awo'a apan tuttuwo su leata'a. I Tou nangonggollu sasangngo ipabbiakka wuṛṛu niawa. I Tou nangonggollu tanata indi su allang-Nge.

YESAYA 44:24

Etearendi wisara Mawu Mananal᷊amannu apan nandiaddi si'o ro'en ta'e sulal᷊ummu illoṛṛo, “Ete i Ya'u Mawu apan nandiaddi al᷊awo'a, apan sassane namilattu langitta, wuṛṛu taweddu nassumbala nandiaddi runia.

YESAYA 45:18

Ete Mawu apan nandiaddi langitta, Ete i Tou Ruata! Ete i Tou nandiaddi wuṛṛu namungkangu runia, niola'a matohassa wuṛṛu sidutu uarisikka. I tou tawe na'ola'a sambau tampa apan mal᷊anna-l᷊annaba, arawe tampa apan atatanaanna. Ete i Tou apan nabbisara, “Ete i Ya'u Mawu, wuṛṛu taweddu bal᷊ine.

YESAYA 51:13

Ṛatadde i'o naabul᷊ite Mawu Mandariadinu apan namilattu langitta wuṛṛu nangaddo mal᷊ita'u runia? Anio su al᷊o'engngu allo i'o matta'utta? su araṛṛagissu taumata lal᷊eo apan nasaddiate makkadda'a? Mangke atonna, araṛṛagissi mangitou udde tawe ma'autinga si'o.

YESAYA 51:16

Ete i Ya'u apan namilattu langitta wuṛṛu nangaddon manga mal᷊ita'u runia. Ya'u nabbisara si Sion: Ete i'o uma-U; i Ya'u mangonggollu al᷊aṛṛa-U si'o wuṛṛu manillumma si'o ringannu taṛṛino-U.”

YESAYA 65:17

Mawu nabbisara, “I Ya'u sarun mandiaddi langitta apan bakku wuṛṛu runia apan bakku. Manga riaddianna tempon dorone sarun timbul᷊iananna wuṛṛu tate naunganna lai.

YEREMIA 10:12

Mawu apan nandiaddi runia ringannu taṛṛino-Ne, na'ola'a runia ringannu asingkan-Ne, wuṛṛu namilattu langitta ringannu apapia-Ne.

YEREMIA 32:17

“Mawu Apan Atanggaṛṛanne, ete I'o nandiaddi langitta wuṛṛu runia ringannu taṛṛino wuṛṛu auatan-Nu apan bahewalla. Tawe saran sambau apan masahadda Si'o.

YEREMIA 51:15

Mawu nandiaddi runia ringannu taṛṛino-Ne, nallanginnu saṛṛen dunia ringannu asingkan-Ne, wuṛṛu namilattu langitta ringannu asasirrong-Nge.

ZAKARIA 12:1

Eteindi tanatan Mawu su ola'u Israel. Mawu apan namataddu langitta, nandiaddi runia nangonggollu wiakka su taumata nabbisara,

MATIUS 11:25

Su tempo udde Mawu Yesus u'al᷊iomanna, “Iamangnga Mawu apan uataṛṛino langitta wuṛṛu runia! I Ya'u ma'adiangkamanna Si'o ana waugu sarangkanambone udde niadapping-Ngu wuassu manga taumata apan pande wuṛṛu pia asingkanne, arawe I'o mannualaga su manga taumata apan tawe si'ol᷊ane.

MARKUS 13:19

Su manga allo apan ma'ata'utta udde, sarun pia sambau asasusa apan taambe nariaddi, ro'en Ruata nandiaddi runia na'oman sara orassa indi, wuṛṛu tate lai mariaddi apia.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

WATTI'U MANGA RASUL 17:24

Ruata apan nandiaddi runia indi wuṛṛu al᷊awo'u lal᷊oṛṛone, ete i Tou Ruatan su langitta wuṛṛu runia. I Tou tawe uatana'a su manga wal᷊em paal᷊uanna apan niola'u taumata.

WATTI'U MANGA RASUL 4:24

Napawe manga hawene naaringikka udde, i mangitou suadio'a inumal᷊iomanna ringannu naungnga sambua su Ruata. I mangitou mabbisara, “Mawu, tumba'u I'o nandiaddi langitta wuṛṛu runia wuṛṛu tahal᷊oangnga ringannu al᷊awo'u lal᷊oṛṛone.

ROMA 11:36

Ruata apan nandiaddi sarangkanambone. Sarangkanambone udde wuassu Ruata wuṛṛu udde lai hunane su Ruata. Paddalote Ruata ma'oman sarangkal᷊o'engnge! Amin.

1 KORINTUS 8:6

Arawe si ite, Ruata tumba'u tinggassa. I tou Iamangnga apan nandiaddi sarangkanambone. Ete hunane si Tou i ite mabbiakka. Wuṛṛu Mawu tumba'u sambau lai, eteudde Yesus Kristus. Sulal᷊ummi Tou sarangkanambone niriaddi, wuṛṛu ana waugu ete i Tou i ite wiakka.

EFESUS 3:9

wuṛṛu lai tadea'u wuassia'u anambon taumata maasingkata ereapa Ruata, Mandariaddi ul᷊ilin pati'uppa indi, napaamattu manara-Ne ro'en dorone apan iaddappingnga su runia.

IBRANI 1:10

Ruata lai nabbisara, “I'o, Mawu, apan su al᷊amonane nandiaddi runia, wuṛṛu I'o sassane nandiaddi langitta.

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.

IBRANI 11:3

Ana waugu mangngimanna, ne i ite ma'asunna manungku runia indi niola'u ṛengetannu Ruata; nariaddi, apa apan a'asiloanna, niola'a wuassu apa apan tawe asiloanna.

IBRANI 3:4

Atonna al᷊awo'u wal᷊e piaddu mapararisikke, arawe namangunna sarangkanambone eteudde Ruata sassane.

2 PETRUS 3:5

I mangitou atonna tawe manga'u manungku su al᷊amonane Ruata nandiaddi langitta wuṛṛu runia wuassu ṛengtan-Ne. Runia niriaddi-Ne wuassu ua'e, wuṛṛu ringannu ua'e;

1 YOHANES 1:1

Lal᷊oṛṛon suratta indi mannal᷊a'a ola'u Ṛengetanna apan mangngonggolu wiakka, eteudde Ṛengetanna apan piate ro'en wuassu al᷊amonane. I yami suete naaringikka, wuṛṛu suete naasilo matan kami sassane. I yami suete naellega, wuṛṛu suete nangagasu liman kami.

SONDAPPA 10:6

I tou nassalu ringannu arannu Ruata apan wiakka saran mal᷊annu l᷊annu, apan nandiaddi langitta wuṛṛu runia wuṛṛu tahal᷊oangnga see lai manga al᷊awo'a apan mabbiakka sulal᷊umme. Mala'ekatta udde nabbisara, “Tempone tate lai iasoṛṛota!

SONDAPPA 14:7

Mala'ekatta udde u'ui ringannu tingikka apan ma'ikkatta, “Aata'utten Ruata wuṛṛu paddalote awawantu-Ge! Ana waugu nia'omante tempone Ruata mamarikissa taumata. Subbaite i Tou apan nandiaddi langitta, runia, tahal᷊oangnga wuṛṛu al᷊awo'u al᷊imatan ua'e!”

SONDAPPA 21:6

See i Tou nabbisara, “Nasuete! Ete i Ya'u paarorone wuṛṛu pangudusanne; ete i Ya'u Mawu apan wuassu Panattaṛṛanne ma'omam Panginsueanne. Suapan taumata marou, Ta'u iapa'inumma ringannu tawe bawaekke, wuassu al᷊imatan ua'e apan mangngonggolu wiakka.

SONDAPPA 22:13

Ete i Ya'u apan paarorone wuṛṛu pangudusanne; Ete i Ya'u Mawu apan Panattaṛṛanne ma'oman sara Panginsueanne.”

SONDAPPA 3:14

“Su mala'ekattu jamaatta su Laodikia, woṛṛetta'a arendi: Ete indi tanata wuassu Awantuhanne Amin, Mattatiala apan matammuda wuṛṛu naṛṛino, punnu al᷊awo'u sarannapa apan niola'u Ruata.

SONDAPPA 4:11

“O Mawu, O Ruatang kami! Tumba'u I'o sassane apan wotongnge manengkama daralo, addata wuṛṛu taṛṛino. Ana waugu ete I'o apan na'ola'a sarangkanambone, wuṛṛu wuassu apulu-Nu lai sarangkanambone udde suete nariaddi wuṛṛu wiakka.”