OBAJA 1:11 - WUKE SUSI WATTI'U AL᷊AL᷊USASSA

¹¹ I'o uarisikka wuassu marau, su allo seetta naṛṛapi ngaran Yerusalem wuṛṛu namaddon soa udde. I'o mangke mal᷊anabba sutempo i mangitou naṛṛuwo paa'alan Yerusalem wuṛṛu ringanna nitahia suwallatti mangitou. I'o nassul᷊ungnga al᷊eone ringannu seetta udde.

OBAJA 1:11 Iomraidhean Croise

2 MARARATU 25:11

Wua'udde manga tumanange apan ta'e uatana'a su soa,eteudde ingana'a pande su manara apan lambene, manga taumata asiangnga wuṛṛu manga taumata apan buatte tinumal᷊anga nanamba'a taumatan Babel, sarangkanambone niapiddi Nebuzaradan watukku Babel.

DARALO 137:7

Oh Mawu, naungewe inolaannu taumatan Edom sutempo Yerusalem nihohakka. I mangitou nabbisara, “Ṛaa'e, ṛaa'e maddatingngu manga rapappakke!”

DARALO 50:18

Amungkangu i'o maasilo sangkatou taṛṛa ta'o, i'o tumantalonga si tou, wuṛṛu i'o uahahawen manga taumata sussandaga.

DARALO 83:5

Unni mangitou, “Wette i ite makkimunsa'a Israel, tadea'u aranni mangitou tate naunganna lai.”

DARALO 83:6

Manga walahanna buatte naammulla, wuṛṛu nabbaidda lumawangnga Si'o:

YEHEZKIEL 35:10

I yamiu mabbisara manungku mawae Yehuda ara'e Israel ringannu letangnge sambau-sambau uddewe pussa'anu, wuṛṛu manungku i yamiu sarun manahuanna salaiwe i Ya'u, Mawu, uddewe Ruata mangitou.

YOEL 3:3

I mangitou mangngundi tadea'u manantunna isai apan maasomba manga taumata nitawanna. I mangitou mabbal᷊u'u maṛṛuala wuṛṛu umbasanna tadea'u olaanna allangnga. Wuṛṛu roinne ipaatti mangitou ionggolla su wawine masandaga wuṛṛu ipa'inumma anggore.

AMOS 1:6

Mawu nabbisara, “Tumana'u Gaza masokkate ma'ola'a rosa, ana waugu udde i Ya'u sarunmakkuumanni mangitou. I mangitou buatte naṛṛuwo sambau walahanna sarangkanambone, ana see niwal᷊u'a maola'a allangnga su taumatan Edom.

AMOS 1:9

Mawu nabbisara, “Tumana'u Tirus masokkate ma'ola'a rosa, ana waugu udde i Ya'u sarun makkuumanni mangitou. I mangitou buatte naṛṛuwo sambau walahanna sarangkanambone watukku pamamuanganna, wuṛṛu nanantilli mangitou su Edom; i mangitou buatte nilumawangnga paaire paggahahawe.

NAHUM 3:10

Salaiwe aroddi, tumana'u Tebe niatawanna wuṛṛu niṛṛuwo watukku pamamuanganna. Su anambon pappenganne, manga anangnge nipuulla na'oman sara nate. Manga tembonanne niṛṛapussu ṛate wuṛṛu nitahia sisai apan naasametta.

ZEFANYA 2:10

Etearoddi tumana'u Moab wuṛṛu Amon sarun iṛṛuumanna ana waugu awawunga wuṛṛu atatanggakki mangitou, wuṛṛu lai i mangitou buatte nallobbossa umattu Mawu Apan Lembontaṛṛino.