OBAJA 1:10 - WUKE SUSI WATTI'U AL᷊AL᷊USASSA

¹⁰ “Inolaannu tumaniten maṛṛagissa su saruannu manga tuṛṛangngu papupulunni Yakub. Ana waugu udde i'o sarun pateanna, wuṛṛu aal᷊uandahannu taumata su al᷊o'engngu tempo.

OBAJA 1:10 Iomraidhean Croise

PANDARIADDI 27:11

Arawe i Yakub nabbisara inangnge, “Mama, wal᷊inewe awa'i Esau wambul᷊uanna, arawe awa'u tawe?

PANDARIADDI 27:41

Ne i Esau nasaseeten i Yakub ana waugu iamangnge buatte nangonggollu al᷊amanne su tuarine udde. Su ṛingidde, “Tate mal᷊annu lai i papa mate wuṛṛu napawe nal᷊iudde orassa lullal᷊o, i Yakub sarun ta'u pateanna!”

DARALO 109:29

Wala'e manga taumata apan mangngansilla si ya'u papal᷊iwutannu aal᷊uandaga, wuṛṛu asasili apan uapi'unna si mangitou ere jubah.

DARALO 132:18

Araratuanne sarun sidutu su lal᷊umanna'a, arawe manga seenne sarun pansilianna.”

DARALO 137:7

Oh Mawu, naungewe inolaannu taumatan Edom sutempo Yerusalem nihohakka. I mangitou nabbisara, “Ṛaa'e, ṛaa'e maddatingngu manga rapappakke!”

DARALO 69:7

Arie pabbala'a i ya'u mandantan asasili su manga taumata apan uaantimma Si'o, oh Ruata, Ruata Apan Lembontaṛṛino. Arie pabbala'a i ya'u mandantan lal᷊ela su manga taumata apan massubba Si'o oh Ruatan Israel!

DARALO 89:45

I'o nanginsue taṛṛinone apan tinumelengnga, araratuanne niramme-Nu su leta'a.

AMSAL 10:6

Taumata mapia sarun maasomba al᷊amatta. Araṛṛagissa uawuni sulal᷊ummu manga wisaran taumata lal᷊eo.

AMSAL 17:5

Isai mangngal᷊uandaga taumata masa'ina, mallobbossa taumata Ruata mandariaddine. Isai apan lulluassu asasilakan taumata waine, sarun maasomba ṛuumanna.

YEREMIA 12:14

Mawu nabbisara, “Eteindi tanata-U su manga araratuanna ual᷊indongannu Israel apan buatte nanggohakka wanua apan Ta'u nionggolla su uma-U Israel. Ere sinuananna apan niabbutta wuassu leta'a, etearoddi lai manga taumata lal᷊eo udde sarun Ta'u iapasabbangnga wuassu manga wanua mangitou, wuṛṛu Yehuda sarun ipallossa wuassu lima mangitou.

YEREMIA 3:25

Nariaddi, wala'e i yami mamasanna asasili, wuṛṛu wala'e i yami mabbal᷊i lal᷊ebbone. Ana waugu, i yami wuṛṛu al᷊amonan kami narosate su lantakku hati Mawu Ruatang kami, wuṛṛu taambe saran paassa tumuṛṛutta manga parenta-Ne.”

YEREMIA 49:13

I Ya'u massalu ringannu arang-Ku sassane manungku soa Bozra sarun maola'a tampa apan ma'ata'utta apan nitantangngu taumata. Taumata sarun lumagene wuṛṛu mappaattu aranne maola'a wawontoga. Anambon ampungnga maranine sarun mabbal᷊i winal᷊alanna saran mal᷊annu-l᷊annu. I Ya'u, Mawu, buatte nabbisara.”

YEREMIA 51:51

I yamiu mabbisara, ‘I yami haggeloanna wuṛṛu pappansilianna; i yamiu nasili ana waugu manga taumata raho ua'ianna su manga wabbo'a susi sulal᷊ummu Wal᷊en Mawu.’

LAL᷊ALLU 4:21

Ei walahannu Edom wuṛṛu Us, ore lallagete, lalluasse, suapawe ta'e wotongne! Asasilaka sarun rumanta lai ringannu wuṛṛu ana waugu wu'anna i'o nanantol᷊e watangannu.

LAL᷊ALLU 4:22

Sion buatte nangamattu ṛuumanne su manga rosa apan niolangne; orassa indi i yami tate iwalan Mawu wuṛṛu tate iapidda apia sulal᷊ummu pamuanganna. Arawe i'o, ei Edom, sarun iṛṛuumannu Mawu. Manga rosanu sarun iapal᷊iatta'a.

YEHEZKIEL 35:9

Wanuanu sarun ta'u olaanna wadda'a mal᷊alangnga saran mal᷊annu-l᷊annu, wuṛṛu manga soanu tate atanaannu taumata apia. Ne i yamiu masingkatte manungku ete i Ya'u Mawu.

YEHEZKIEL 7:18

I mangitou sarun malluṛṛen nasa karongnga wuṛṛu ahewallu wadangnge sarun mangiladda. Pua mangitou sarun lungguṛṛanna wuṛṛu i mangitou sarun pansilianna.

YOEL 3:19

Mesir sarun maola'a wadda'a apan mamara, wuṛṛu Edom mabbal᷊i lol᷊okka, tawe atanaannu taumata. Ana waugu i mangitou buatte namangalo taumatan Yehuda, wuṛṛu namate tumana'u wanua apan tawe pasasal᷊ane.

AMOS 1:11

Mawu nabbisara, “Tumana'u Edom masokkate ma'ola'a rosa, ana waugu udde i Ya'u sarun makkuumannai mangitou. Ringannu tawe umakkanna, i mangitou buatte namangalo taumatan Israel, manga tuṛṛangngi mangitou. I mangitou sidutu mandona wuṛṛu mangke mangngunne.

MIKHA 7:10

Dorone seetta mallobbossa si ite ringannu mabbisara, “Suapate Mawu, Ruatanu udde?” Arawe orassa indi i mangitou sarun maasilo apa apan niola'u Mawu si ite, wuṛṛu i mangitou sarun masili. I ite sarun mabbiala manga seetti ite niwaddo wuṛṛu mangke laṛṛindanna ere labbo su lal᷊anna.

TAHIUL᷊E 23:7

Imbaṛṛangnga mangadio'a taumatan Edom ana waugu i mangitou udde tuṛṛangngu. Imbaṛṛangnga lai mangadio'a taumatan Mesir, ana waugu i yamiu buatte natana'a su wanuan mangitou.

TAHIUL᷊E 23:8

Manattaka wuassu pal᷊laṛṛawanna attallune wuṛṛu manansunna wuassu papapulunni mangitou wotongnge maola'a al᷊aṛṛana'u Mawu.”