NEHEMIA 9:5 - WUKE SUSI WATTI'U AL᷊AL᷊USASSA

⁵ Patataṛṛamawu su allo udde nitattakku manga taumatan Lewi manansunna indi; Yesua, Kadmiel, Bani, Hasabneya, Serebya, Hodia, Sebanya, wuṛṛu Petahya. I mangitou nabbisara, “Darisikke wuṛṛu paddalote Mawu Ruatan kite! Onggol᷊eten daralo si Tou saran mal᷊annu-l᷊annu! Dalo su aran-Ne apan napenen awawantuga, aranna apan wahewalla, nagillembo wuassu al᷊awo'u daralo!”

NEHEMIA 9:5 Iomraidhean Croise

1 MARARATU 8:14

Napawe buatte niumal᷊iomanna, Ratu Salomo nanaile anambon tumanangnge apan tantal᷊anna uarisikka isudde, ana see naddorongnga al᷊amattu Ruata hunan mangitou.

1 MARARATU 8:15

I tou nabbisara, “Dorone Mawu buatte naddiandi su iamangku Daud arendi, ‘Ro'en i Ya'u nangapiddu uma-U sinumabbangnga wuassu Mesir, su ahewallu wanua Israel tawe saran sambau soa apan Ta'u nipile maola'a tampa suapa tampa pa'olaanna wal᷊en maola'a tampa patataṛṛamawuanna si Ya'u. Arawe i'o, Daud, Ta'u nipile mamarenta uma-U.’ Dalo su Mawu Ruatan Israel apan buatte nanipussa pa'aire-Ne udde!”

1 MARARATU 8:22

Wua'udde, su saruannu tumanangnge apan uasemodda, Salomo dirumarisikka sinumaruanna mezbah ana see namatte limane ruan ba'a

1 MARARATU 8:27

Arawe oh Ruata, mappuluwe I'o matana'a su runia indi? Langitta sarangkanambone lai tawe tumaniten mal᷊alangnga Si'o, nangillembote wal᷊en patataṛṛamawuanna apan ta'u niola'a indi!

1 TAWARIKH 16:36

Paddalote Mawu, Ruatan Israel, orassa indi maddatingngu saran mal᷊annu-l᷊annu! Wua'udde anambon walahannu Israel nabbisara, “Amin,” ana see i mangitou naddalote Mawu.

1 TAWARIKH 29:11

I'o lembon bahewalla, wuṛṛu uataṛṛino. I'o tinumelengnga wuṛṛu mawantuga. Al᷊awo'u saranapa su langitta wuṛṛu su runia uddewe tatahuanan-Nu. I'o ratu mawantuga, uataṛṛino al᷊awo'u lal᷊oṛṛone.

1 TAWARIKH 29:13

Orassa indi, oh Ruatan kami, yami ma'adiangkamanna Si'o, wuṛṛu yami maddalo aran-Nu apan mawantuga.

1 TAWARIKH 29:20

Napawe buatte niumal᷊iomanna aroddi, i Daud nabbisara su anambon taumata apan uaammulla isudde, “Paddalote Mawu Ruatanu!” Ne awadaalla udde naddalote Mawu Ruata apan sassubbannu al᷊amonan mangitou. Ana see i mangitou niumal᷊intudda nangaddatta Mawu wuṛṛu ratu.

2 TAWARIKH 20:13

Tantal᷊anna udde anambon esakku Yehuda su sambau ringannu awingnge wuṛṛu al᷊aṛana'i mangitou su Wal᷊en Mawu.

2 TAWARIKH 20:19

Ana see manga taumatan Lewi wuassu ṛuanganni Kehat wuṛṛu Korah dirumarisikka, wuṛṛu nilumala'a naddalo Mawu Ruatan Israel.

EZRA 3:11

Tumanangnge mangngantari aantari daralo su Mawu, lapiddu masokka isul᷊e wageangnge papanginsueanne, arendi tingikke, “Mawu udde mapia; wuṛṛu darangngu-Ne su Israel mangke maṛṛawa mappulunna.” Anambon tumanangnge huggio suaddio'a wuṛṛu maddalo Mawu, ana waugu rapappakku Wal᷊en Mawu buatte niaddo.

NEHEMIA 9:4

Isudde pia mimbare hunan manga taumatan Lewi wuṛṛu rosone uarisikka Yesua, Bani, Kadmiel, Sebanya, Buni, Serebya, Bani wuṛṛu Kenani. Ringanu tingikka matelengnga i mangitou u'al᷊iomanna su Mawu Ruatan mangitou.

NEHEMIA 9:6

Wua'udde tumana'u Israel niumal᷊iomanna arendi, “Ete I'o Mawu, Ete I'o apan Lembontinggassa; I'o na'ola'a anumpitanna wuṛṛu ahewallu winalanganna, see lai tahal᷊oangnga wuṛṛu runia see al᷊awo'u lal᷊oṛṛone, see I'o nangonggollu pabbiaṛṛanna wuṛṛu I'o nappaddul᷊i. Ete Si'o al᷊awo'u taṛṛino su langitta u'al᷊intudda massubba; i mangitou niumaruutta Si'o wuṛṛu massaṛṛubbawa.

AYUB 1:21

wuṛṛu nabbisara, “I ya'u niasungkangnga tawe uaapiddu apa-apa, wuṛṛu i ya'u sarun mate tawe mangapiddu manga apa lai. Mawu buatte nangonggolla wuṛṛu Mawu lai buatte nangul᷊e. Paddalote aran-Ne!”

DARALO 106:2

Isai wotongnge mamasingkattu atatohassu Mawu, wuṛṛu mangonggolu daralo apan ṛinone si Tou?

DARALO 134:1

Aantarin patatembo. Wette, paddalote Mawu, ei anambon allangngu Mawu, sarangkanambone apan mattaṛṛamawu su Wal᷊en-Ne sutempo ṛabbi.

DARALO 145:2

Miallo-miallo i ya'u maadiangkamanna Si'o, wuṛṛu mamantuga Si'o sarangkal᷊o'engnge.

DARALO 145:5

I mangitou sarun mabbatti'u awawantuga wuṛṛu apapia-Nu, manara-Nu apan maatiangnga sarun ta'u naunganna.

DARALO 146:2

I ya'u maapulu maddalo Mawu su al᷊o'engngu pabbiaṛṛangku wuṛṛu mangantari su Ruata'u tantal᷊anna i ya'u ta'e wiakka.

DARALO 16:2

I ya'u mabbisara, “Tumba'u I'o Mawu'u, lal᷊umanna'u, taweddu naasampal᷊iu Si'o!”

DARALO 66:2

Pangantarite wuṛṛu pamantugge aran-Ne, wantuhete i Tou ringannu manga daralo.

DARALO 99:3

Wala'e i mangitou maddalo aran-Ne apan na'ukkassa mawantuga. Na'ukkasse i Tou!

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

SASABANGNGA 15:6

Atatohan-Nu mangke ma'atiangnga, oh Mawu, I'o na'ola,a seetta nasue-sue.

DANIEL 2:20

wisarane, “Ruata udde pande wuṛṛu matohassa, dalo si Tou saran mal᷊annu-l᷊annu!

MATIUS 11:25

Su tempo udde Mawu Yesus u'al᷊iomanna, “Iamangnga Mawu apan uataṛṛino langitta wuṛṛu runia! I Ya'u ma'adiangkamanna Si'o ana waugu sarangkanambone udde niadapping-Ngu wuassu manga taumata apan pande wuṛṛu pia asingkanne, arawe I'o mannualaga su manga taumata apan tawe si'ol᷊ane.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

TAHIUL᷊E 28:58

Amungkangngu i yamiu tawe tumuṛṛutta anambon titan Mawu Ruatanu apan uawoṛṛetta sulal᷊ummu wuke indi wuṛṛu tawe mangaddata Mawu Ruatanu apan mawantuga wuṛṛu ma'atiangnga,

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

MAL᷊AṚṚUUNGNGA 13:18

Mala'ekattu Mawu udde naiwal᷊o, “Anio i'o mangke ma'apulu ma'asingkatta arangku? Arangku udde aranna apan ma'atiangnga.”