NEHEMIA 9:34 - WUKE SUSI WATTI'U AL᷊AL᷊USASSA

³⁴ Al᷊amonan kami, ratu, imam wuṛṛu manga matatimmaddu wanua, nilumawangnga tita-Nu see tawe maddaringikka tita. Al᷊awo'u parenta wuṛṛu tataggu apan I'o buatte nangonggolla, tawe niapaamanne, tawe lai niraringiṛṛanna.

NEHEMIA 9:34 Iomraidhean Croise

2 MARARATU 17:13

Mawu nandolokku manga daroloṛṛanna wuṛṛu manga nibi-Ne su walahannu Israel wuṛṛu Yehuda iapapasingkattu sasingadda indi: “Pangillol᷊ote ma'ola'a al᷊al᷊eo wuṛṛu tattuṛṛute al᷊awo'u parenta wuṛṛu tita apan Ta'u nionggola su al᷊amonanu wuṛṛu si yamiu wuassu manga nabi, manga allang-Ku udde.”

2 MARARATU 17:15

Israel wuṛṛu Yehuda maddiri tumuṛṛutta manga parentan Mawu wuṛṛu tawe tumuṛṛutta pa'aire apan buatte niolange ringannu al᷊amonan mangitou, ewe'e mattaṛṛamawu manga monganna tawe gunane, na'oman sara i mangitou sassane lai naola'a tawe gunane. I mangitou mannantuṛṛutta tul᷊adan manga walahanna su al᷊indonganni mangitou, salaiwe Mawu buatte naningadda.

2 TAWARIKH 29:6

Al᷊amonan kite mal᷊awangnga Mawu Ruatan kite wuṛṛu inolaanni mangitou tawe maal᷊uassa naungngu Mawu. I mangitou tawe maddaringikka si Tou wuṛṛu tawe manaile tampa atatanaan-Ne.

EZRA 9:10

Arawe orassa indi, oh Mawu Ruata, napawe al᷊awo'u arariaddianna udde nal᷊iudde, apa apan wotongnge iwisaran kami? I yami tate maddaringngikka manga parenta-Nu lai,

NEHEMIA 9:30

Tonna uahahanti tonna I'o masabbare mapaanaungngi mangitou; napaattu manga nabi, Ghaṛṛaho-Nu nabbisara si mangitou. Arawe uman-Nu udde nanappingnga tal᷊inga, ana see I'o nanantilli mangitou su manga walahannu al᷊awo'u wanua.

NEHEMIA 9:33

Manara-Nu matul᷊idda, niṛṛuuman-Nu i yami apan marosa; I'o sidutu satia salaiwe i yami napenen sangkulla.

NEHEMIA 9:35

I'o nanggolla su manga ratu apan uaparenta uman-Nu, sutempo i mangitou uatana'a su leta'a apan mal᷊alangnga wuṛṛu masuwukka I'o nangonggolla. Arawe i mangitou tawe nanantangngu mabbiakka su al᷊al᷊eo, maddiri mangimanna Si'o see mattaṛṛamawu.

YEREMIA 29:19

Sarangkanambone udde sarun mariaddi si mangitou, ana waugu i mangitou tawe tumuṛṛutta tanata-U apan sidutu Ta'u iapappasingkatta si mangitou wuassu manga nabi manga allang-Ku. I mangitou maddiri manutukka tanata-U udde.

YEREMIA 44:17

Al᷊awo'a apan buatte pina'ireng kami, sarun olaanni yami lai. I yami sidutu sarun mangngonggollu sasamba su Ratun Surga, wuṛṛu mallal᷊innu anggore maola'a sasamba si tou ere inanaramanne apan ilallagu su manga soan Yehuda wuṛṛu su manga lal᷊annu Yerusalem apan a'olaannu al᷊amonan kami, manga ratu wuṛṛu manga tembonannu araratuanni yami see lai i yami sassane. Sutempo udde i yami uatahuanna manambo anna, i yami su lal᷊umanna'a, wuṛṛu tawe asasusa apa-apa.

YEREMIA 44:4

I Ya'u ṛinone sidutu mandolokka ringanni yamiu manga allang-Ku manga nabi, apan manningaddi mangitou ma'ola'a al᷊al᷊eo apan iaaranting-Ku udde.

YEHEZKIEL 5:6

Arawe Yerusalem buatte nanol᷊a'u parenta-U wuṛṛu inauranna maddal᷊eoanna wuassu manga araratuanna apan uapal᷊iwutta si tou. Yerusalem nilumawangnga manga parenta-U wuṛṛu maddiri tumuṛṛutta manga tita-U.”

DANIEL 9:6

I yami tawe maddaringikka manga nabi, manga allang-Ngu udde, apan buatte nabbisara ringanu aran-Nu su manga ratun kami, su manga piaṛṛa'a manga al᷊amona wuṛṛu su anambon walahanni yami.

TAHIUL᷊E 31:21

wuṛṛu manambo asasusa apan bahewalla sarun maṛṛia'a si mangitou. Arawe antari indi sidutu sarun ia'antari wuṛṛu ipappaatta maola'a tatiala si mangitou. Wuṛṛu lai orassa indi, tantal᷊anna i mangitou taambe niapi-U Ta'u iapidda watukku wanua apan pina'ire-U, i Ya'u masingkattu lal᷊annu ṛingiddi mangitou.”