NEHEMIA 9:32 - WUKE SUSI WATTI'U AL᷊AL᷊USASSA

³² Oh Ruata, Ruatan kami apan matohassa! Ruata apan bahewalla wuṛṛu masiṛṛungnga! Ringannu satia I'o uaaggassa al᷊awo'u paaire; manga paaire-Nu I'o nanipussa wuṛṛu niapaaman-Nu. Ro'en tempon manga ratun Asyur mangngallangnga si yami na'oman sara orassa indi, manambo asasusa apan naṛṛia'a si yami. Manga ratun kami, imam, nabi wuṛṛu manga matatimmaddu wanua, wuṛṛu lai al᷊amona wuṛṛu tumana'a, buatte natataṛṛangnga sarangkanambone. Arie paabul᷊iane anambon asasusa udde! Arie timbul᷊ianan-Nu wuassu naung-Ngu!

NEHEMIA 9:32 Iomraidhean Croise

1 MARARATU 8:23

wuṛṛu niumal᷊iomanna, “Mawu, Ruatan Israel! Su langitta ara'e lai su runia taweddu ere I'o! I'o nanipussa pa'aire-Nu wuṛṛu napal᷊iatta'u darangngu-Nu su uman-Nu apan satia wuṛṛu matuṛṛutta ringannu ahewallu naungnga Si'o.

2 MARARATU 15:19

Sutempo i Pul ratun Asyur namangalo Israel, i Menahem nangonggola si tou 34.000 su kilone sal᷊a'a tadea'u i tou massumbala mapatenegu taṛinon Menahem su Israel.

2 MARARATU 15:29

Sutempo i Pekah uaparenta, i Tiglat-Pileser ratun Asyur nangaṛo soan Iyon, Abel-Bet-Maakha, Yanoah, Kedes, Hazor, waageangu Gilead, Galilea wuṛṛu Naftali. Tumanange apan niasametta niaapidda lai watukku Asyur.

2 MARARATU 17:23

na'oman sara panginsueanne Mawu tate lai ma'ellega si mangitou, ewe'e i mangitou niramme wuassu leta'a apan nionggoli Tou si mangitou. Udde nariaddi uasul᷊ungu tatagu apan nionggolu Mawu si mangitou wuassu manga allang-Nge, manga nabi. Etearoddi taumatan Israel niapidda su pamamuangana su Asyur, wuṛṛu ete isudde i mangitou namanua naddatingu allo indi.

2 MARARATU 17:3

I tou nipangaloanna wuṛṛu niawaddon Salmaneser ratun Asyur, na'oman sara suapan tonna i tou ṛinone mamaekka wose si tou.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

2 MARARATU 25:7

Al᷊aṛṛanange nipate aellehanni Zedekia sassane. Wua'udde matan Zedekia niloetta, ana see nimantunga wuṛṛu niapidda watukku Babel.

EZRA 4:10

wuṛṛu lai manga walahanna waine apan buatte niṛṛootti Asnapar Apan Mawantuga wuṛṛu nirolokka niapawanua su soa Samaria wuṛṛu su manga soa waine sulal᷊ummu propinsi Efrat Waṛṛatta.

EZRA 4:2

Ana waugu udde i mangitou niasasomban Zerubabel wuṛṛu manga tembonannu wawosoanna, ana see nangusulle, “Walaaewe i yami suadio'a ma'ola'a Wal᷊en Mawu udde, ana waugu i yami lai mattaṛṛamawu su Ruatan manga tuṛṛangnga, ere lai manga tuṛṛangnga sarangkanambone. I yami sidutu mangngonggollu sasamba si Tou ro'en tempon Esar-Hadon, ratun Asyur nangapiddi yami inawarendi.”

EZRA 9:13

I yami buatte na'ola'a rosa wuṛṛu nilumawangnga tita-Nu, wuṛṛu I'o buatte nakkuumanni yami. Arawe yami masingkatta, oh Ruatan kami, manungku ṛuumanna apan nionggollu Mawu udde tawe tumanin mawakkatta apan ṛinone sengkamanni yami, ewe'e I'o ta'e lai nanalamatta si yami.

NEHEMIA 1:5

“Oh Mawu Ruata uataṛṛino su surga. I'o Ruata apan Wahewallua wuṛṛu i yami sumaruanna Si'o ringannu napenen apendamma matta'utta. I'o sidutu satia wuṛṛu uaagassa paaire-Nu su taumata apan marangngu Si'o wuṛṛu matuṛṛutta parenta-Nu.

DARALO 47:2

Pattal᷊o'ape ringannu lulluassa, ei anambon walahanna! Paddalote Ruata ringannu huggio!

DARALO 66:3

Wal᷊oa'e su Ruata, “Atonna mangke maatiangnga inolaan-Nu! Seetta uasuṛṛubbawa Si'o ringannu atata'utta, ana waugu tumaniten wahewalla taṛṛino-Nu.

DARALO 66:5

Rantate wuṛṛu pa'ellege inolaannu Ruata, mangke maatiangnga manga manara-Ne suwallatu taumata!

SASABANGNGA 18:8

I Musa nabbatti'a su la'iananne sarangkanambone apan niola'u Mawu su saruannu ratu wuṛṛu walahannu Mesir tadea'u ipanal᷊amatta taumatan Israel. I tou lai nabbatti'a su la'iananne su ola'u manga asasusa apan sasaruanannu walahannu Israel su tangngan amatanna, wuṛṛu ereapa Mawu nanal᷊amatta si mangitou.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

DANIEL 9:4

Al᷊awo'u rosan balahangku ta'u nia'uanna su Mawu Ruata'u. Wisara'u, “Mawu Ruata, I'o wahewalla, wuṛṛu i yami mangngaddata Si'o. I'o sidutu mannuungngu paaire-Nu wuṛṛu mapal᷊iatta'u darangngu-Nu apan tawe panguddusanne si mangitou apan mandangngu Si'o wuṛṛu tuttuṛṛutta apa apan niparenta-Nu.

DANIEL 9:6

I yami tawe maddaringikka manga nabi, manga allang-Ngu udde, apan buatte nabbisara ringanu aran-Nu su manga ratun kami, su manga piaṛṛa'a manga al᷊amona wuṛṛu su anambon walahanni yami.

DANIEL 9:8

Manga ratun kami, manga piaṛṛa'a wuṛṛu iupungngu al᷊amonan kami buatte na'ola'a inolaanna apan maasili wuṛṛu narosate su saruan-Nu, oh Mawu.

IMAMATTA 26:18

Napawe buatte naapendamma ṛuumanna udde ana see i yamiu lai taambe tumuṛutta si Ya'u, ṛuumannu sarun Ta'u tambanna paapitu lai anambone.

IMAMATTA 26:21

Amungkangu i yamiu lai ta'e sidutu lullawanga si Ya'u wuṛṛu maddiri tumuṛutta si Ya'u, ne ṛuumannu lai sarun Ta'u tambanna lai paapitu.

IMAMATTA 26:24

ne i Ya'u sarun manggesekka wuṛṛu makkuumanni yamiu paapitu lai awakkane wuassu manga ṛuumanna apan nal᷊iu.

IMAMATTA 26:28

wuṛṛu ringannu massa'u i Ya'u sarun manggesekka si yamiu, wuṛṛu makkuumanni yamiu paapitu mabbakatanna wuassu ṛuumanna nanangkal᷊iu.

TAHIUL᷊E 7:12

“Amungkangngu i yamiu manutukka manga tita udde, wuṛṛu mapaamatta ringannu matammudda, ne Mawu Ruatanu lai sidutu matuṛṛutta su pa'aire-Ne apan niolang-Nge si yamiu. I Tou sarun mapal᷊iatta'u darangngu-Ne sidutu si yamiu, ere buatte nipa'ire-Ne su al᷊amonanu.

TAHIUL᷊E 7:13

I Tou sarun marangngu wuṛṛu mangal᷊amatta si yamiu, mao'man sara anangngu manambo, wuṛṛu reengannu a'atambanna. I Tou sarun mangal᷊amatta manga wawail᷊annu, na'oman sara maghesin gandumma, anggore wuṛṛu lanan zaitun. I Tou sarun mangal᷊amata si yamiu na'oman sara manambo sapi wuṛṛu ambinga dombanu. Anambon al᷊amatta udde sarun sengkamanni yamiu su wanua apan ionggolu Mawu si yamiu, uasul᷊ungngu paaire-Ne su iupungngu al᷊amonanu.

TAHIUL᷊E 7:21

Nariaddi ariete mata'uttu manga walahanna udde. Mawu Ruatanu ual᷊u'adda si yamiu. I Tou uddewe Mawu Ruata apan mawantuga wuṛṛu ahewal᷊anne.

TAHIUL᷊E 7:9

Naungete manungku Mawu Ruatanu uddewe tumba'u sambau Mawu Ruata, wuṛṛu i Tou Mawu Ruata maakkanna. Mawu nanipussu pa'aire-Ne wuṛṛu napal᷊iatta'u darangngu-Ne apan uatatana'a maddatingngu saṛṛiwu pallaṛṛawanna su manga taumata apan mandangngu si Tou wuṛṛu tuttuṛṛuta manga parenta-Ne.