NEHEMIA 9:29 - WUKE SUSI WATTI'U AL᷊AL᷊USASSA

²⁹ I'o nanaggu si mangitou tadea'u al᷊aṛṛang-Ngu daringiṛṛanna, arawe i mangitou nanol᷊a'u tita-Nu wuṛṛu naungnge mawunga. Sumbal᷊i, amungkangngu tita-Nu daringiṛṛanna, atonna sarun maola'a pabbiaṛṛanna. I mangitou puane maattikka wuṛṛu matanggakka, tawe maddaringikka, wuṛṛu maddiri tumuṛṛutta.

NEHEMIA 9:29 Iomraidhean Croise

2 MARARATU 17:13

Mawu nandolokku manga daroloṛṛanna wuṛṛu manga nibi-Ne su walahannu Israel wuṛṛu Yehuda iapapasingkattu sasingadda indi: “Pangillol᷊ote ma'ola'a al᷊al᷊eo wuṛṛu tattuṛṛute al᷊awo'u parenta wuṛṛu tita apan Ta'u nionggola su al᷊amonanu wuṛṛu si yamiu wuassu manga nabi, manga allang-Ku udde.”

2 MARARATU 17:14

Arawe Israel wuṛṛu Yehuda maddiri maddaringikka. Puan mangitou maatikka ere al᷊amonan mangitou tawe mangimanna Mawu, Ruatan mangitou.

2 TAWARIKH 24:19

Mawu nandolokku manga nabi niapatagu si mangitou tadea'u mabelengnga apia mattaṛṛamawu Mawu, arawe tumanangnge maddirite maddaringikka.

2 TAWARIKH 33:10

Mawu nanaggu si Manasye wuṛṛu tumanangnge, arawe i mangitou maddiri maddaringikka.

2 TAWARIKH 36:15

Mawu, Ruatan al᷊amonan mangitou, masokkate mandolokku daroloṛṛanne mapanaungngu al᷊aṛanang-Nge, ana waugu i Tou marangngu si mangitou wuṛṛu su wal᷊e-Ne.

NEHEMIA 13:15

Sutempo udde i ya'u naasilo manungku su allon Sabat manga pira taumata su Yehuda mammakkan anggore. Pia taumata waine lai apan mallurannu gandumma, anggore, wuan ara wuṛṛu manga saranapa waine su keledaine wuṛṛu niapidde watukku Yerusalem. I mangitou ta'u nisingadda mabbal᷊u'a su Yerusalem.

NEHEMIA 9:10

Su saruannu ratun Mesir I'o na'ola'a manga inolaanna apan maatiangnga, wuṛṛu lai su saruannu mamanaran araratuanna see tumana'u wanuane, ana waugu I'o masingkatta ereapa uman-Nu sassansaranni mangitou. Ana see tinumelengke aran-Nu naddatingngu allo indi.

NEHEMIA 9:16

Arawe al᷊amonan kami mawunga wuṛṛu naungnge maattikka; manga parenta-Nu tawe daringiṛṛanni mangitou.

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

NEHEMIA 9:30

Tonna uahahanti tonna I'o masabbare mapaanaungngi mangitou; napaattu manga nabi, Ghaṛṛaho-Nu nabbisara si mangitou. Arawe uman-Nu udde nanappingnga tal᷊inga, ana see I'o nanantilli mangitou su manga walahannu al᷊awo'u wanua.

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

YEREMIA 17:23

Arawe al᷊amonanu maddiri maddaringikka ara'e mappandumma manga wisara-U. Naungngi mangitou maattikka, wuṛṛu maddiri tumuṛṛutta wuṛṛu tagguanna.

YEREMIA 19:15

manungku Mawu Apan Lembontaṛṛino, Ruatan Israel, nabbisara arendi, “Ana waugu mal᷊awangnga wuṛṛu maddiri maddaringikka, ne i Ya'u sarun mandantan su soa indi wuṛṛu su anambon ampungnga maranine al᷊awo'u asasilaka apan buatte Ta'u nihol᷊aga.”

YEREMIA 42:19

Wua'udde i ya'u nabbisara apia, “Mawu buatte namarenta tadea'u i yamiu apan ta'e lambene su Yehuda tawe inai su Mesir. Ana waugu udde i ya'u mapanaungnga si yamiu orassa indi

YEREMIA 43:2

Ana see i Azarya ana'i Hosaya wuṛṛu Yohanan ana'i Kareah see anambon taumata waine apan mawunga udde nabbisara si ya'u, “I'o mangngawusu. Mawu Ruatang kami tawe nandolokku maningaddi yami inai matana'a su Mesir.

YEREMIA 44:10

Arawe naddatingngu allo indi i yamiu tawe sumallungngu watangannu. I yamiu tawe mangaddatta si Ya'u wuṛṛu tawe mabbiakka tumuṛṛuttu tita apan Ta'u nionggolla si yamiu wuṛṛu su al᷊amonanu.

YEREMIA 7:26

Arawe taweddu maddaringikka ara'e massunna. I yamiu ewe'e lai nabbal᷊i lembon aattikke wuṛṛu lal᷊eo wuassu iupungngu al᷊amonanu.”

YEHEZKIEL 20:11

Poiaroddi Ta'u nionggolla si mangitou manga parenta-U wuṛṛu Ta'u niaṛṛaannu manga tita-U apan ṛinone tuṛṛutanni mangitou, ana waugu taumata apan tuttuṛṛuta sidutu sarun wiakka.

DANIEL 5:20

Arawe sutempo i tou nabbal᷊i mawunga, tawe maddaringikka wuṛṛu maṛṛagissa, i tou niema'a wuassu adderan araratuanne na'oman sara i tou niawul᷊iannu awawantuge.

HOSEA 6:5

Ana waugu udde i Ya'u nandolokku manga nabi-U iapapasingkatta si yamiu laṛṛawe-U manungku i yamiu ṛinone iṛṛuumanna wuṛṛu pateanna. Apan ipaapulu-U wuassi yamiu nasemakke wuṛṛu natualage:

IMAMATTA 18:5

Paatuṛṛutte manga atoranna wuṛṛu manga tita apan Ta'u nionggola si yamiu. Amungkangngu i yamiu na'ola'a aroddi, wiakku masal᷊amatta. Ete i Ya'u Mawu.”

MATIUS 19:17

Mawu Yesus sinumimbakka, “Anio i'o naiwal᷊o si Ya'u su ola'u apa apan mapia? Tumba'u pia sambau apan mapia. Amungkangngu i'o ma'apulu mabiakka, i'o sarun tuttuṛṛutta al᷊awo'u parentan Ruata.”

LUKAS 10:28

“Sasimbakku udde atonna,” unnu Mawu Yesus. “Ola'e udde tadea'u i'o maralukka.”

ROMA 10:5

Musa namoṛṛetta manungku taumata apan uasasangkapia ringannu Ruata pinangiananne wuassu titan agama, taumata udde sarun mabbiakka ana waugu tutuṛṛutta titan agama udde.

GALATIA 3:12

Arawe titan agama tawe maola'a pangaianannu pangangimanna. Sulal᷊ummu Wuke Susi uawoṛṛetta manungku taumata apan mappaamattu titan agama, sarun maralukka ana waugu tita udde.

TAHIUL᷊E 31:21

wuṛṛu manambo asasusa apan bahewalla sarun maṛṛia'a si mangitou. Arawe antari indi sidutu sarun ia'antari wuṛṛu ipappaatta maola'a tatiala si mangitou. Wuṛṛu lai orassa indi, tantal᷊anna i mangitou taambe niapi-U Ta'u iapidda watukku wanua apan pina'ire-U, i Ya'u masingkattu lal᷊annu ṛingiddi mangitou.”

TAHIUL᷊E 31:27

I ya'u masingkatta i mangitou puane mangke maatikka wuṛṛu apulune lullawangnga. Ro'en i ya'u ta'e wiakka lai i mangitou lullawangnga Mawu; nangillembo lai su allo addantane, napawe i ya'u natete!

TAHIUL᷊E 4:26

Antimanna langitta wuṛṛu runia allo indi maola'a matatialane manungku amungkangngu i yamiu tawe matuṛṛutta si ya'u, i yamiu sarun mal᷊ihakka mawul᷊i wuassu leta'a apan wawanuanni yamiu su samba'an Sal᷊ukku Yordan udde. Yamu tawe mal᷊annu uatana'a isudde; i yamiu sarun insueanna pateanna.

MAL᷊AṚṚUUNGNGA 6:10

Buatte Ta'u niwal᷊o si yamiu manungku ete i Ya'u Mawu Ruatanu, wuṛṛu i yamiu imbaṛangnga massubba manga mongannu walahannu Amori apan banuane atatanaanni yamiu orassa indi. Arawe i yamiu tawe tinumuṛutta parenta-U.’ ”