NEHEMIA 9:26 - WUKE SUSI WATTI'U AL᷊AL᷊USASSA

²⁶ Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

NEHEMIA 9:26 Iomraidhean Croise

1 MARARATU 14:9

Arawe i'o ma'ola'a al᷊al᷊eo apan maggewal᷊anna wuassi mangitou apan namarenta dorone wuassi'o. I'o nanantang-Ku wuṛṛu nandantan asasa'u-U ringannu na'ola'a pasasubbanna wuṛṛu manga paal᷊uanna wuassu atta'a tadea'u subbanna.

1 MARARATU 18:13

Apa Iamangnga taambe naaringikka manungku sutempo Izebel namate manga nabi Mawu, i ya'u namuni 100 su atoune wuassi mangitou sulal᷊ummu loṛṛangnga – 50 suatoune sulal᷊ummu sambau loṛṛangnga – wuṛṛu nangonggollu anna wuṛṛu ua'e si mangitou?

1 MARARATU 18:4

Sutempo Izebel namate manga nabin Mawu, i Obaja indi nantul᷊ungngu 100 suatoune nabi ringannu namunin mangitou sulal᷊ummu loṛṛangnga – 50 su atoune su loṛṛangnga sambau – see nangonggollu anna wuṛṛu ua'e.)

1 MARARATU 19:10

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara tumba'u ana waugu I'o sassane. Arawe umattu Israel nilumawangnga paairen mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane nallambe, wuṛṛu orasa indi i mangitou maddea'a mamate si ya'u lai!”

2 MARARATU 21:10

Ana waugu udde sulal᷊ummu manga nabi, manga allangu Mawu, Mawu nabbisara,

2 MARARATU 21:11

“I Ratu Manasye tumaniten dal᷊eo. Pallal᷊agune maddal᷊eoanna wuassu pallal᷊agun taumatan Kanaan. Ringannu manga paal᷊uanna apan nilanginne, i tou naarosa taumatan Yehuda.

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

NEHEMIA 9:18

I mangitou mallanginnu paal᷊uanna lihidde ere sapi. Ana see i mangitou mabbisara, ‘Eteindi Ruatanu, apan nangapiddi yamiu wuassu Mesir, wuassu patataṛṛuallangnga.’ Oh Ruata, I'o sassane apan nilobbossi mangitou!

NEHEMIA 9:29

I'o nanaggu si mangitou tadea'u al᷊aṛṛang-Ngu daringiṛṛanna, arawe i mangitou nanol᷊a'u tita-Nu wuṛṛu naungnge mawunga. Sumbal᷊i, amungkangngu tita-Nu daringiṛṛanna, atonna sarun maola'a pabbiaṛṛanna. I mangitou puane maattikka wuṛṛu matanggakka, tawe maddaringikka, wuṛṛu maddiri tumuṛṛutta.

NEHEMIA 9:30

Tonna uahahanti tonna I'o masabbare mapaanaungngi mangitou; napaattu manga nabi, Ghaṛṛaho-Nu nabbisara si mangitou. Arawe uman-Nu udde nanappingnga tal᷊inga, ana see I'o nanantilli mangitou su manga walahannu al᷊awo'u wanua.

DARALO 50:17

Ana waugu i'o maddiri maddaringikka tatagu-Ku, wuṛṛu mannol᷊a'u manga parenta-Ku.

YEREMIA 16:11

Wal᷊oa'e si mangitou manungku i Ya'u nabbisara arendi, ‘Al᷊amonanu buatte nanantang-Ku inai massubba wuṛṛu mattaṛṛamawu manga mawu waine. I mangitou tuttal᷊iudda si Ya'u wuṛṛu maddiri tumuṛṛutta manga atorang-Ku.

YEREMIA 2:30

Tawe gunane I yamiu Ta'u iṛṛuumanna, ana waugu i yamiu maddiri maddaringikka tataggu. Ere singa apan tantal᷊anna tuttambo, etearoddi lai i yamiu mamate manga nabinu.

YEREMIA 2:7

Watukku wanua apan masuwukka i Ya'u nanguntuddi mangitou tadea'u maatemma manga hessine wuṛṛu al᷊awo'a apan mapia poiaroddi. Arawe isudde leta-U nilal᷊eo mangitou wuṛṛu pussa'a-U niola'i mangitou maarantinna.

YEREMIA 32:23

Arawe napawe i mangitou nirumanta watukku wanua indi wuṛṛu napaangaṛṛo, i mangitou tate tate lai tumuṛṛutta manga parenta-Nu, wuṛṛu tawe mabbiakka tumuṛṛuttu manga al᷊aṛṛang-Ngu. Sarangkanambone apan niparenta-Nu si mangitou tawe saran sambau apan niola'i mangitou. Ana waugu udde I'o nandantan al᷊awo'u asasilaka indi si mangitou.

YEREMIA 42:19

Wua'udde i ya'u nabbisara apia, “Mawu buatte namarenta tadea'u i yamiu apan ta'e lambene su Yehuda tawe inai su Mesir. Ana waugu udde i ya'u mapanaungnga si yamiu orassa indi

LAL᷊ALLU 3:42

“I yami na'ola'a rosa wuṛṛu nilumawangnga Si'o, oh Mawu, wuṛṛu I'o tawe mangonggollu ampungnga.

YEHEZKIEL 20:21

Arawe ingana'a saṛṛen tumuwo udde mal᷊awangnga si Ya'u. I mangitou lullawangnga manga tita-U wuṛṛu tawe maddaringikka manga parenta-U, apan maola'a wataṛṛu manungku taumata apan tuttuṛṛuta udde sidutu wiakka. I mangitou manggal᷊usa'a allon Sabat. Ana waugu udde i Ya'u nasaddiate mamallossu asasa'u-U su saruanni mangitou su wadda'u anne udde wuṛṛu mamate si mangitou sarangkanambone.

MATIUS 21:35

Arawe manga mamamanaram bailla udde nanametta manga ralol᷊oṛṛannu tatahuannu leta'a udde. Sangkatou nipuulla, waine nipate wuṛṛu waine lai niwaretannu watu.

WATTI'U MANGA RASUL 7:52

Apa pia sangkatou nabi apan tawe nisansarannu iupungngu al᷊amonanu? I mangitou namate daroloṛṛannu Ruata apan dorone suete namasingkatta manungku Allangngu Ruata apan atonna udde sarun rumanta. Wuṛṛu orassa indi yamiu nandal᷊eo wuṛṛu namate Allangngu Ruata udde.

TAHIUL᷊E 32:14

sapi wuṛṛu ambinga domba mangitou napasabbangngu manambo susu; winatangngi mangitou apianne, gandumma wuṛṛu ua'e anggori mangitou lembon apianne.

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

MAL᷊AṚṚUUNGNGA 10:6

Walahannu Israel na'ola'e rosa apia su Mawu. I mangitou tate mappandumma Mawu wuṛṛu tate lai massubba si Tou. I mangitou massubbate manga mongannu Baal wuṛṛu Asytoret, wuṛṛu mongannu manga walahannu Siria, Sidon, Moab, Amon wuṛṛu Filistin.