NEHEMIA 9:25 - WUKE SUSI WATTI'U AL᷊AL᷊USASSA

²⁵ Uman-Nu nangaṛṛo manga tanda batu pattillindumanna, leta'a apan masuwukka wuṛṛu wal᷊en apan napenen paa'ala. Manga paṛṛihi wuṛṛu al᷊imatan kua'e niaṛṛon mangitou, waillu anggore, punnu zaitun wuṛṛu manga wuan kalu waine. I mangitou natawa ana waugu u'anna walate apulun naungnge. Anambon aonggolu Mawu apan mapia niatemmanni mangitou.

NEHEMIA 9:25 Iomraidhean Croise

1 MARARATU 14:9

Arawe i'o ma'ola'a al᷊al᷊eo apan maggewal᷊anna wuassi mangitou apan namarenta dorone wuassi'o. I'o nanantang-Ku wuṛṛu nandantan asasa'u-U ringannu na'ola'a pasasubbanna wuṛṛu manga paal᷊uanna wuassu atta'a tadea'u subbanna.

1 MARARATU 8:66

Su allo aual᷊une i Salomo nandolokku manga taumata nabbelengke su wal᷊en mangitou ringannu naungnga apan lullala'a, ana waugu anambon al᷊amatta apan buatte nionggollu Mawu su allang-Nge i Daud wuṛṛu su walahannu Israel uman-Ne.

NEHEMIA 9:35

I'o nanggolla su manga ratu apan uaparenta uman-Nu, sutempo i mangitou uatana'a su leta'a apan mal᷊alangnga wuṛṛu masuwukka I'o nangonggolla. Arawe i mangitou tawe nanantangngu mabbiakka su al᷊al᷊eo, maddiri mangimanna Si'o see mattaṛṛamawu.

DARALO 105:44

Leta'u manga walahanna nionggolu Mawu si mangitou, manga wawail᷊anni mangitou naola'a pussa'an al᷊aṛṛanang-Nge,

DARALO 65:11

I'o napa'elekku ua'e su sasal᷊uṛṛannu pajekone wuṛṛu I'o namokka letangnge. I'o nanuwukka leta'a ringannu uranna, wuṛṛu rariagan-Nu lal᷊uwone tuttuwo masuwukka.

AMSAL 30:9

Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

YESAYA 6:10

Ana see i Tou nabbisarate si ya'u, “Paal᷊umua'a ṛingirannu manga taumata udde, paawengel᷊a'a tal᷊ingane wuṛṛu paawuta'a matane, tadea i mangitou tawe maasilo, maddaringikka ara'e maasunna, ana see mabbelengnga ringang-Ku wuṛṛu maola'e mapia.”

YESAYA 63:7

I Ya'u indete mabbatti'u darangngu Mawu wuṛṛu maddalo si Tou ana waugu al᷊awo'u inolaan-Ne. Ringannu nilumambalanna i Tou nangal᷊amatta uman-U, ana waugu i Tou marangngu wuṛṛu darangngu-Ne tawe panguddusanne.

YEREMIA 2:7

Watukku wanua apan masuwukka i Ya'u nanguntuddi mangitou tadea'u maatemma manga hessine wuṛṛu al᷊awo'a apan mapia poiaroddi. Arawe isudde leta-U nilal᷊eo mangitou wuṛṛu pussa'a-U niola'i mangitou maarantinna.

YEREMIA 31:14

Manga imam sarun Ta'u wusannu anna apan manambo; wuṛṛu anambon apan pappandumannu uma-U sarun Ta'u ionggolla. I Ya'u, Mawu, apan nabbisara.”

YEREMIA 32:23

Arawe napawe i mangitou nirumanta watukku wanua indi wuṛṛu napaangaṛṛo, i mangitou tate tate lai tumuṛṛutta manga parenta-Nu, wuṛṛu tawe mabbiakka tumuṛṛuttu manga al᷊aṛṛang-Ngu. Sarangkanambone apan niparenta-Nu si mangitou tawe saran sambau apan niola'i mangitou. Ana waugu udde I'o nandantan al᷊awo'u asasilaka indi si mangitou.

YEHEZKIEL 20:6

Sutempo udde i Ya'u nassalu sarun mangapiddi mangitou sumabbanga wuassu Mesir mattuddan banua apan Ta'u nipile ionggolla si mangitou. Wanua udde ala wuṛṛu masuwukka, leta'a apan apianne su ahewallu runia.

DANIEL 11:24

Ringannu mangnggalla i tou sarun mamangalo manga wageangngu leta'a apan masuwukka sutempo tumanangnge naapendamma mal᷊angnganna isudde. I tou sarun ma'ola'a walate apulun naungnge apan taambe saran paassa niola'u iupungngu al᷊amonane. Wua'udde i tou sarun mattahia su manga mananamba'ane al᷊awo'u saranapa apan niaaṛṛo wuṛṛu paa'ala apan nisombanganne sulal᷊ummu pangalo. I tou sarun mangatokku aalla tadea'u ipamangalo manga tampa apan pia tanda'a watune, arawe tempone mal᷊ihakke sarun masue.

HOSEA 13:6

Arawe napawe i yamiu uatane'e su wanua apan mapia, wuṛṛu i yamiu nal᷊aidda see naapendamma mal᷊uassa, i yamiu nabbal᷊i mawunga see naabuli-U.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

TAHIUL᷊E 3:5

Anambon soa udde nitohassu manga darandungnga apan matanggakka, manga ngarane wuṛṛu manga papal᷊e ngara ipaṛṛuuddu manga ngara udde. Wal᷊ine wua'udde lai manambo soa waine apan tawe darandungnge.

TAHIUL᷊E 32:13

I Tou na'ola'a si mangitou uataṛṛino manga wowone; i mangitou u'anna hessin manga wawail᷊anna wuṛṛu ma'inumma pul᷊an ahuranganna wuassu wuiddu watu. I mangitou naasomba lana wuassu punnu alun zaitun apan tinumuwo su leta'a wabbatuanna.

TAHIUL᷊E 32:14

sapi wuṛṛu ambinga domba mangitou napasabbangngu manambo susu; winatangngi mangitou apianne, gandumma wuṛṛu ua'e anggori mangitou lembon apianne.

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.