NEHEMIA 9:19 - WUKE SUSI WATTI'U AL᷊AL᷊USASSA

¹⁹ Arawe su wadda'a udde I'o tawe nanantangngi mangitou, ana waugu I'o napenen darangngu. Pal᷊iaṛṛannu winabbawa wuṛṛu putungnga tawe nisawun-Nu apia, mammiaṛṛa'u lal᷊anni mangitou sutempo allo wuṛṛu ṛabbi.

NEHEMIA 9:19 Iomraidhean Croise

NEHEMIA 9:12

Ringannu sambau winabbawa I'o nangehetta si mangitou sutempo allo. Wuṛṛu sutempo ṛabbi I'o nanemakka lal᷊anne ringannu pal᷊iaṛṛannu putungnga.

NEHEMIA 9:27

ne I'o nanantilli mangitou su seenne apan ringannu maṛṛagissa uataṛṛino wuṛṛu mangngallangnga si mangitou. Arawe sulal᷊ummu asasusa apan masaddatta, i mangitou sussal᷊ande Si'o maddorongnga sasumbala. Wuassu surga I'o naddaringikka; ringannu napenen darangngu I'o sinumibakka. I'o nandolokku piaṛṛa'a wuṛṛu tumannaṛṛanne apan mamallossi mangitou wuassu seetta.

NEHEMIA 9:31

Arawe ana waugu darangngu-Nu tumaniten bahewalla, I'o tawe nanantangnga ara'e nakkimunsa'a si mangitou. Atonna, ete I'o Ruata apan taweddu panumandinganne; tumaniten bahewalla aakkan-Nu, napenen darangngu!

DARALO 106:45

Ana waugu i mangitou i Tou naanaungnga paaire-Ne wuṛṛu niumakkanni mangitou ana waugu darangngu-Ne apan wahewalla.

DARALO 136:16

Nipiaṛṛang-Nge al᷊aṛṛanang-Nge niumamatta su wadda'a; darangngu-Ne tawe panguddusanne.

SASABANGNGA 40:36

Suapan winabbawa udde ire'e wuassu Rasannu Mawu, walahannu Israel manggohakku paddasananni mangitou wuṛṛu mangingkatta su tampa waine.

SASABANGNGA 40:38

Su al᷊annun balahannu Israel mammal᷊intadda, Mawu uatana'a su Rasanna udde sulal᷊ummu lihiddu winabbawa su tempo allo wuṛṛu lihiddu putungnga su tempo ṛabbi.

YESAYA 44:21

Mawu nabbisara, “Naungete sarangkanambone indi, ei Israel, ana waugu ete i'o allang-Ku. I Ya'u nandiaddi si'o, wuṛṛu i'o allang-Ku, Israel, i Ya'u sarun tawe maabbul᷊inu!

LAL᷊ALLU 3:22

Tatal᷊antuppu Mawu uatatana'a sarangkal᷊o'enge, darangngu-Ne tawe masue,

YEHEZKIEL 20:14

Arawe i Ya'u maddiri ma'ola'a udde waugu awawantugu arang-Ku, tadea'u arang-Ku tawe al᷊uandahannu manga walahanna apan naasilo si Ya'u nangapiddu Israel sumabbangnga wuassu Mesir.

YEHEZKIEL 20:17

Arawe wua'udde i Ya'u niumakkanni mangitou, na'oman sara i mangitou tawe nariaddi nipate-U su wadda'u anne udde.

YEHEZKIEL 20:22

Arawe i Ya'u tawe na'ola'a tadea'u arang-Ku tawe lobbosannu manga walahanna apan naasilo si Ya'u nangapiddu Israel sinumabbangnga wuassu Mesir.

DANIEL 9:18

Daringiṛṛewe i yami, oh Ruata, elehetewe i yami wuṛṛu intannoiwe asasusan kami see ahahohakku soa apan isassago ringannu aran-Nu. I yami umal᷊iomanna Si'o wal᷊inewe ana waugu manga inasaharanni yami, ewe'e ana waugu I'o napenen darangngu.

DANIEL 9:9

I'o napenen pangangampunga wuṛṛu darangngu, salaiwe i yami buatte nilumawangnga Si'o.

MALEAKHI 3:6

“Ete i Ya'u Mawu, wuṛṛu i Ya'u tawe mawalu. Ana waugu udde i yamiu, papapulunni Yakub, tawe pateanna.

REENGANNA 14:14

wuṛṛu i mangitou sarun mabbatti'a manga taumata su wanua indi, apan buatte na'aringikka manungku I'o, Mawu, uarundinganna si yami. I mangitou na'aringikke lai manungku I'o naipasilon batangannu si yami su tempo I'o u'amatta su saruanni yami sulal᷊ummu pal᷊iaṛṛannu winabbawa su tempo allo, wuṛṛu sulal᷊ummu pal᷊iaṛṛannu putungnga su tempo ṛabbi.

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

1 SAMUEL 12:22

Mawu buatte nassalu, manungku i Tou sarun tawe manantangngi yamiu ana waugu i Tou buatte nakkawessa ma'ola'a si yamiu al᷊aṛṛanang-Nge sassane.