NEHEMIA 9:17 - WUKE SUSI WATTI'U AL᷊AL᷊USASSA

¹⁷ I mangitou tawe tumuṛṛutta, al᷊awo'u apapia-Nu tinimbul᷊iannana, wuṛṛu anambon inolaan-Nu apan maatiangnga nawul᷊i wuassu naungnga. Ringannu mawunga i mangitou namile sangkatou piaṛṛangnge, ipangapiddi mangitou watukku Mesir, mabbelengnga maola'a allangnga. Arawe I'o Ruata apan apulune mangngampungnga, masabbare, masaṛṛionto'a wuṛṛu napenen darangngu. Darangngu-Nu atonna tawe pattaal᷊anne; I'o tawe nanantangngi mangitou.

NEHEMIA 9:17 Iomraidhean Croise

1 MARARATU 6:13

I Ya'u sarun matana'a su wal᷊en apan niolangngu indi su pattangngannu uma-U Israel. I Ya'u tawe manantangngi mangitou.”

1 MARARATU 8:57

Antimanna Mawu Ruatan kite uaṛundinganna si ite su ereapa i Tou lai uaṛundinganna al᷊amonan kite. Antimanna i Tou tawe manantangngi ite.

2 TAWARIKH 36:13

Ratu Nebukadnezar buatte namata'i Zedekia massalu ringannu arannu Ruata manungku i tou sarun matuṛṛutta si Nebukadnezar. Arawe wua'udde i Zedekia namangalo si Nebukadnezar. Zedekia mangke tawe mangimanna Mawu, Ruatan Israel. I tou maddiri manantangngu manga rosane wuṛṛu maddiri mabelengnga ringannu Mawu.

EZRA 9:9

Sutempo i yami ta'e su patataṛṛuallanga, I'o tawe nanantangngi yami. I'o na'ola'a si yami raddangnguannu manga ratun Persia wuṛṛu niwala mabbiakka see na'ola'a apia Wal᷊en-Nu apan ete winal᷊alanna udde. I'o nangongonggolla si yami atanaanna isindi, su Yehuda wuṛṛu Yerusalem.

NEHEMIA 9:31

Arawe ana waugu darangngu-Nu tumaniten bahewalla, I'o tawe nanantangnga ara'e nakkimunsa'a si mangitou. Atonna, ete I'o Ruata apan taweddu panumandinganne; tumaniten bahewalla aakkan-Nu, napenen darangngu!

DARALO 106:13

Arawe i mangitou lapiddu naabul᷊in inolaannu Mawu wuṛṛu mammanara ringannu tawe maddorongnga tatantiro-Ne.

DARALO 106:7

Sutempo su Mesir al᷊amonan kami tawe maasunna; manara-Nu apan maatiangnga tawe asunnanni mangitou. I mangitou naabul᷊in darangngu-Nu apan nilumambalanna, wuṛṛu su maranin Tahal᷊oangngu Gelagah i mangitou nilumawanga Apan Atanggaṛṛanne.

DARALO 130:4

Arawe I'o sidutu maapulu mangampunga, tadea'u taumata mabbal᷊i ma'imanna.

DARALO 78:10

I mangitou nilumawanga paairen Duatan mangitou, wuṛṛu maddiri tumuṛṛutta tita-Ne.

DARALO 78:11

I mangitou naabul᷊in manga inolaan-Ne, wuṛṛu manga hatto maatiangnga apan niapal᷊iatta'u Mawu si mangitou.

DARALO 78:38

Arawe Ruata mandangngu wuṛṛu nangampunga al᷊aṛṛanang-Nge, wuṛṛu tawe namate si mangitou. Masokka-sokka i Tou maṛṛaddannu asasa'u-Ne, wuṛṛu tawe mapasabbangu naung-Nge lal᷊eo.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

SASABANGNGA 32:9

I Ya'u masingkatta manungku walahannu udde tate maddaringikka.

AMSAL 1:24

I yamiu buatte niawagoangku, arawe i yamiu nanol᷊a'a wuṛṛu maddiri maddaringikka.

YEREMIA 18:15

Arawe uma-U buatte naabul᷊i-U, wuṛṛu mannambunnu amania su paal᷊uanna. I mangitou nitara su lal᷊anna paarorone apan ṛinone amatanni mangitou, wua'udde sinumewadda su lal᷊anna apan taambe nilaukka.

YEREMIA 19:15

manungku Mawu Apan Lembontaṛṛino, Ruatan Israel, nabbisara arendi, “Ana waugu mal᷊awangnga wuṛṛu maddiri maddaringikka, ne i Ya'u sarun mandantan su soa indi wuṛṛu su anambon ampungnga maranine al᷊awo'u asasilaka apan buatte Ta'u nihol᷊aga.”

YEREMIA 7:26

Arawe taweddu maddaringikka ara'e massunna. I yamiu ewe'e lai nabbal᷊i lembon aattikke wuṛṛu lal᷊eo wuassu iupungngu al᷊amonanu.”

YEHEZKIEL 5:6

Arawe Yerusalem buatte nanol᷊a'u parenta-U wuṛṛu inauranna maddal᷊eoanna wuassu manga araratuanna apan uapal᷊iwutta si tou. Yerusalem nilumawangnga manga parenta-U wuṛṛu maddiri tumuṛṛutta manga tita-U.”

DANIEL 9:9

I'o napenen pangangampunga wuṛṛu darangngu, salaiwe i yami buatte nilumawangnga Si'o.

YOEL 2:13

Hesa'e naungngu wuṛṛu wal᷊ine sahenggellu.” Panailete Mawu Ruatanu. I Tou masabbare wuṛṛu maakkanna masaṛṛionto'a wuṛṛu napenen darangngu. Mal᷊uassa mangampungnga wuṛṛu maddiri makkuumanna.

IMAMATTA 26:44

Arawe tantal᷊anna i mangitou ta'e uatana'a su wanuan seetta lai, i mangitou tawe Ta'u itantanga ara'e Ta'u pateanna abbi. Ana waugu amungkangngu i mangitou Ta'u pateanna, atappasanne i Ya'u namassutta pa'aire-U si mangitou, arawe i Ya'u indi Mawu, Ruatan mangitou.

NAHUM 1:3

Atonna Mawu, mal᷊annu masa'u; arawe i Tou lembon uataṛṛino na'oman sara isai-isai ma'ola'a pasasal᷊a sarun tawe iapaal᷊iu-Ne wuassu ṛuumanna. Suapa Mawu umattu, isudde lai rumanta tadia; su tanpa ledda-Ne uaṛṛinda, isudde awu mabbal᷊i winabbawa.

REENGANNA 14:11

Mawu nabbisara si Musa, “Ta'e pira tempo lai al᷊annune manga taumata indi lullawangnga si Ya'u? Sara tingngera i mangitou maddiri mangimanna si Ya'u, salaiwe i Ya'u buatte na'ola'a aroddi anambone al᷊aṛṛidu'a su wallati mangitou?

REENGANNA 14:41

Arawe i Musa nabbisara, “Anio i yamiu orassa indi lumawangnga parentan Mawu? I yamiu tawe maasomba!

REENGANNA 16:14

Mangke atonna i'o tawe nangapiddi yami su leta'a masuwukka, ara'e nangonggolu manga wailla si yami wuṛṛu manga waillu anggore maola'a pussa'a kami! Orassa indi maapulu lai mamahia si yami! Tawe, yami maddiri rumanta!”

WATTI'U MANGA RASUL 7:39

Salaiwe aroddi iupungngu al᷊amonang kite maddiri tumuṛṛutta si tou. I mangitou maddirin tou wuṛṛu maapulu mabelengnga watukku Mesir.

ROMA 9:15

Ana waugu Ruata nabbisara si Musa, “I Ya'u sarun mapaal᷊iatta'u al᷊amatta su taumata apan i Ya'u maapulu mangal᷊amatta, i Ya'u sarun mapaal᷊iatta'u darangngu-U su taumata arangnguang-Ku.”

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

1 SAMUEL 12:22

Mawu buatte nassalu, manungku i Tou sarun tawe manantangngi yamiu ana waugu i Tou buatte nakkawessa ma'ola'a si yamiu al᷊aṛṛanang-Nge sassane.