NEHEMIA 9:16 - WUKE SUSI WATTI'U AL᷊AL᷊USASSA

¹⁶ Arawe al᷊amonan kami mawunga wuṛṛu naungnge maattikka; manga parenta-Nu tawe daringiṛṛanni mangitou.

NEHEMIA 9:16 Iomraidhean Croise

2 MARARATU 17:14

Arawe Israel wuṛṛu Yehuda maddiri maddaringikka. Puan mangitou maatikka ere al᷊amonan mangitou tawe mangimanna Mawu, Ruatan mangitou.

2 TAWARIKH 29:6

Al᷊amonan kite mal᷊awangnga Mawu Ruatan kite wuṛṛu inolaanni mangitou tawe maal᷊uassa naungngu Mawu. I mangitou tawe maddaringikka si Tou wuṛṛu tawe manaile tampa atatanaan-Ne.

2 TAWARIKH 30:8

Imbaṛṛangnga i yamiu mal᷊awangnga ere i mangitou, arawe paatuṛṛutte Mawu. Rantate watukku Yerusalem su Wal᷊en Mawu apan buatte niṛṛaen Mawu Ruatanu su watangan-Ne saran mal᷊annu-l᷊annu. Wette mattaṛṛamawu si Tou tadea'u umompo'e asasa'u-Ne su saruanni yamiu.

2 TAWARIKH 36:13

Ratu Nebukadnezar buatte namata'i Zedekia massalu ringannu arannu Ruata manungku i tou sarun matuṛṛutta si Nebukadnezar. Arawe wua'udde i Zedekia namangalo si Nebukadnezar. Zedekia mangke tawe mangimanna Mawu, Ruatan Israel. I tou maddiri manantangngu manga rosane wuṛṛu maddiri mabelengnga ringannu Mawu.

NEHEMIA 9:10

Su saruannu ratun Mesir I'o na'ola'a manga inolaanna apan maatiangnga, wuṛṛu lai su saruannu mamanaran araratuanna see tumana'u wanuane, ana waugu I'o masingkatta ereapa uman-Nu sassansaranni mangitou. Ana see tinumelengke aran-Nu naddatingngu allo indi.

NEHEMIA 9:29

I'o nanaggu si mangitou tadea'u al᷊aṛṛang-Ngu daringiṛṛanna, arawe i mangitou nanol᷊a'u tita-Nu wuṛṛu naungnge mawunga. Sumbal᷊i, amungkangngu tita-Nu daringiṛṛanna, atonna sarun maola'a pabbiaṛṛanna. I mangitou puane maattikka wuṛṛu matanggakka, tawe maddaringikka, wuṛṛu maddiri tumuṛṛutta.

DARALO 106:6

I yami narosate ere al᷊amonan kami; i yami buatte na'ola'a al᷊al᷊eo wuṛṛu nilumawanga.

DARALO 81:8

Sulal᷊ummu asasusanu i yamiu sussal᷊ande, ne i Ya'u nanal᷊amatta si yamiu. I Ya'u sinumimbakka si yamiu wuassu rallu'a tampa i Ya'u uaimbuni, i Ya'u nanal᷊u'atta si yamiu su al᷊imatan kua'en Meriba.

SASABANGNGA 15:26

Unnu Mawu, “Paatuṛṛutte si Ya'u ringannu atonna-tonna, wuṛṛu pa'ola'e apa apan aellehang-Ku mapia; paatuṛṛutte anambon parenta-U. Amungkangngu i yamiu ma'ola'a aroddi, yamiu tawe Ta'u iṛṛuumanna ringannu manga radda'a apan Ta'u niaparanta su taumata Mesir. Ete i Ya'u Mawu apan nangapia si yamiu.”

SASABANGNGA 32:9

I Ya'u masingkatta manungku walahannu udde tate maddaringikka.

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

YESAYA 48:18

Unnuwisara i'o maddaringikka manga parenta-U, ne lal᷊umannangu naal᷊ihidda sal᷊ukka apan tawe mamara, wuṛṛu auntungannu ere lua'a su tahal᷊oangnga apan tawe illol᷊one.

YESAYA 48:4

I Ya'u masingkatta manungku naungngu maattikka, pua maattikka wuṛṛu puane watu.

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

YEREMIA 19:15

manungku Mawu Apan Lembontaṛṛino, Ruatan Israel, nabbisara arendi, “Ana waugu mal᷊awangnga wuṛṛu maddiri maddaringikka, ne i Ya'u sarun mandantan su soa indi wuṛṛu su anambon ampungnga maranine al᷊awo'u asasilaka apan buatte Ta'u nihol᷊aga.”

YEREMIA 2:31

Ei umattu Israel, paddaringikke manga wisara-U indi. Apa i Ya'u buatte na'ola'a Israel ere wadda'u anne su saruanni yamiu ara'e leta'a apan wasa tuudda? Arawe anio i yamiu mabbisara manungku i yamiu mappulu mapallossa, wuṛṛu maddirite mabelengnga ringang-Ku?

YEREMIA 7:26

Arawe taweddu maddaringikka ara'e massunna. I yamiu ewe'e lai nabbal᷊i lembon aattikke wuṛṛu lal᷊eo wuassu iupungngu al᷊amonanu.”

YEHEZKIEL 5:6

Arawe Yerusalem buatte nanol᷊a'u parenta-U wuṛṛu inauranna maddal᷊eoanna wuassu manga araratuanna apan uapal᷊iwutta si tou. Yerusalem nilumawangnga manga parenta-U wuṛṛu maddiri tumuṛṛutta manga tita-U.”

WATTI'U MANGA RASUL 7:51

Wal᷊ine hampa aatikku puan manga tuṛṛangnga, wuṛṛu aroddi asahadde tumuṛṛutta Ruata! Tal᷊inganu wengella ipadaringikka wisaran Ruata! I yamiu naal᷊ihida ere iupungngu al᷊amonanu; sidutu lullawangnga Ghaṛṛahon Ruata!

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

TAHIUL᷊E 31:27

I ya'u masingkatta i mangitou puane mangke maatikka wuṛṛu apulune lullawangnga. Ro'en i ya'u ta'e wiakka lai i mangitou lullawangnga Mawu; nangillembo lai su allo addantane, napawe i ya'u natete!

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

TAHIUL᷊E 5:29

Ore amungkangngu i mangitou sidutu uapendamma aroddi! Ore amungkangngu i mangitou sidutu mangngadatta si Ya'u wuṛṛu tuttuṛṛutta anambon tita-U, na'oman sara i mangitou wuṛṛu papapulunni mangitou su al᷊al᷊uassa saran mal᷊annu-l᷊annu!

TAHIUL᷊E 9:13

Mawu lai nabbisara si ya'u, ‘I Ya'u masingkata walahanna udde tumaniten maatikka puane.

TAHIUL᷊E 9:27

Naungetewe manga allang-Ngu Abraham, i Ishak wuṛṛu i Yakub, wuṛṛu ariete pabbala'a su aattiku puane, al᷊al᷊eo wuṛṛu rosan balahanna indi.

TAHIUL᷊E 9:6

Pangimante manungku Mawu Ruatanu tawe manantillu leta'a masuwukka udde si yamiu ana waugu i yamiu su lal᷊anne manengkamma leta'a udde. Tawe! I yamiu indi walahanna tawe maddaringikka.

IBRANI 3:13

Nariaddi, tadea'u tawe saran sangkatou wuassu wallatti yamiu apan awono'annu rosa na'oman sara lumawangke Ruata, ṛinone i yamiu uatataggu su miallo-miallo tantal᷊anna i ite ta'e mabbiakka su tempo apan isassago “Allo Indi” sulal᷊ummu Wuke Susi.

IBRANI 3:15

Ete indi apan uawoṛṛetta sulal᷊ummu Wuke Susi, “Amungkangu su allo indi yamiu naaringikka tingikku Ruata, imbaṛṛanga i yamiu tawe madaringikka, ere iupungngu al᷊amona, su tempo i mangitou lullawangnga Ruata.”