NEHEMIA 9:14 - WUKE SUSI WATTI'U AL᷊AL᷊USASSA

¹⁴ Allon Sabat apan na'ukkassa ṛinone ilaghu mangitou, wuṛṛu wuassi Musa Tita-Nu I'o nangonggolla.

NEHEMIA 9:14 Iomraidhean Croise

PANDARIADDI 2:3

Ne i Tou nangal᷊amatta allo appitune udde, wuṛṛu niolang-Nge sambau allo apan ahewal᷊anne, ana waugu su allo udde Ruata nangillol᷊o napawe i Tou buatte nanginsue manara.

NEHEMIA 1:8

Oh Mawu, naungewe manga wisara-Nu, manungku amungkangngu i yami, umattu Israel, tawe satia Si'o, i yami sarun isal᷊iwukku Mawu suwallattu manga walahanna waine.

NEHEMIA 10:32

Suapan tonna i yami sambau-sambau sarun mangonggollu lima haramma sal᷊a'a hunan hausannu Wal᷊en Mawu.

SASABANGNGA 16:23

Unni Musa si mangitou, “Indiwe parenta Mawu; Tiṛṛabbi eteudde allo apan niṛṛae pangillol᷊oanna, allon Sabat, allo apan ionggolla su Mawu. Sarangkanambone apan itambunni yamiu allo indi, tambuna'e, wuṛṛu apa apan lahanni yamiu, lahate. Apan nilumebbe wuassu hagausanni yamiu allo indi, ṛaea'e wuṛṛu sahipunte ipaatta tiṛabbi.”

SASABANGNGA 16:29

Paanaungete manung-Ku i Ya'u nangonggola si yamiu allo massalo ipangillol᷊o. Ana waugu udde su allo aiannume i Ya'u nangonggolu anna apan uatimu su rua allo. Su allo appitune suapan taumata ṛinone matana'a su wal᷊en, wuṛṛu tawe wotongnge sumabbanga.”

SASABANGNGA 24:12

Wua'udde Mawu nabbisara si Musa, “Rantate ringang-Ku su puiddu wowone. Isudde sarun Ta'u ionggolla si'o watu darua apan buatte Ta'u niwoṛṛetannu anambon tita-U. Anambon tita udde Ta'u nionggolla maola'a al᷊aṛṛa'a su walahanna udde.”

YEHEZKIEL 20:11

Poiaroddi Ta'u nionggolla si mangitou manga parenta-U wuṛṛu Ta'u niaṛṛaannu manga tita-U apan ṛinone tuṛṛutanni mangitou, ana waugu taumata apan tuttuṛṛuta sidutu sarun wiakka.

YEHEZKIEL 20:12

I mangitou Ta'u nirolokka mamantuga allon Sabat maola'a sambau tialan paaire-Ku si mangitou, tadea'u mapanaungnga si mangitou manungku i Ya'u Mawu, buatte naṛṛae mangitou si Ya'u.

YEHEZKIEL 20:20

Pangaddate allon Sabat tadea'u maola'a tatialan paaire-U si yamiu, tadea'u mapanaungngi yamiu manungku ete i Ya'u Mawu Ruatanu.’

IMAMATTA 19:3

Suapan taumata ṛinone mangaddata iamangnge wuṛṛu inangnge wuṛṛu maddamean alloun Sabat ere buatte Ta'u nirolokka. Ete i Ya'u Ruatanu.

IMAMATTA 27:34

Eteudde manga parenta apan nionggolu Mawu si Musa su puiddu Wowon Sinai maola'a parenta su walahannu Israel.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

TAHIUL᷊E 4:45

Olangnge udde niola'a napawe i mangitou sinumabbangke wuassu Mesir wuṛṛu uatana'e su wawal᷊anne samba'an da'i, Sal᷊ukku Yordan, uasasaruannu soan Bet-Peor. Wageangngu leta'a udde lanna'u paparentanni Sihon, ratun taumatan Amori, apan dorone uaparenta su soan Hesybon. I Musa wuṛṛu walahannu Israel namaddon tou su tempo i mangitou sinumabbangnga wuassu Mesir.

TAHIUL᷊E 4:5

Anambon tita udde ta'u niaṛṛa'a si yamiu ere buatte nirolokku Mawu Ruatanu. Tuṛṛute sarangkanambone udde su wanua apan sarun suttanna wuṛṛu atanaanna udde.

TAHIUL᷊E 5:31

Arawe i'o Musa, pabelengke wuṛṛu atana'e isindi suadio'a ringang-Ku; i'o sarun Ta'u onggol᷊annu tita wuṛṛu parenta-U. Tantiroa'a si mangitou, tadea'u i mangitou tuttuṛṛutta su wanua apan Ta'u ionggola si mangitou.’