NEHEMIA 9:1 - WUKE SUSI WATTI'U AL᷊AL᷊USASSA

^1-2 Su allo darua pul᷊o appatta wul᷊anna udde lai, tumana'u Israel naammulla. I mangitou nappuasa tadea'u mapal᷊iatta'u sasassilla ana waugu manga rosan mangitou. I mangitou naṛṛaen batanganne wuassu anambon taumata raho. Naola'a tatiala massusa, i mangitou nalluṛṛen nasa karongnga wuṛṛu nanal᷊iawukku leta'a su pua. Wua'udde i mangitou dirumarisikka wuṛṛu nanga'u al᷊awo'u rosan mangitou wuṛṛu rosan al᷊amonan mangitou.

NEHEMIA 9:1 Iomraidhean Croise

2 SAMUEL 1:2

Tiṛṛabbine, nirumantate sangkatou umbasanna wuassu paddasananni Saul. Maola'a tatiala lullal᷊o i tou nanggesa'a laungnge wuṛṛu nangaddon leta'a su wowon puane. I tou inaite ringanni Daud wuṛṛu niumal᷊intudda su saruanne.

2 TAWARIKH 20:3

Yosafat nata'utte ana see i tou inumal᷊iomante naddorongnga tatantiro wuassu Mawu. Wua'udde i tou namarenta tadea'u lal᷊oṛṛon soa sarangkanambone mappuasa.

2 TAWARIKH 7:10

wuṛṛu tiṛṛabbine, su allo 23 wul᷊anna appitune, Salomo nandolokku manga taumata udde niapaapul᷊e. I mangitou lulluassa su sarangkanambone apan mapia apan buatte niola'u Mawu su walahannu Israel al᷊aṛanang-Nge, si Daud wuṛṛu si Salomo.

EZRA 8:21

Ana see su wingngin Sal᷊ukku Ahawa udde i ya'u niumal᷊iata manungku sarangkanambone ṛinone mappuasa wuṛṛu uma'ukku'u watanganne su saruannu Ruata. I yami niumal᷊iomanna tadea'u Ruata mamiaṛṛa'i yami sulal᷊ummu amatanna udde, see mallu'adda si yami, manga ana'i yami, wuṛṛu al᷊awo'u darotongngi yami.

EZRA 8:23

Ne i yami nappuasate see inumal᷊iomanna su Ruata maddorongnga tatilla'uppa wuṛṛu i Tou naddaringikka aal᷊iomanni yami.

NEHEMIA 8:2

Ana see Ezra nangapiddu buke udde su saruannu ammul᷊annu esakka, wawine wuṛṛu al᷊aṛṛana'a saṛṛentumuwo tadea'u maasunna.

ESTER 4:16

“Ammul᷊a'e anambon taumatan Yahudi apan uatana'a su Susan tadea'u umal᷊iomangku. Imbaṛṛangnga umanna wuṛṛu ma'inumma al᷊annune tallu allo tallu ṛabbi. I ya'u sassane wuṛṛu manga maṛṛuala mangangimbe'u sarun mappuasa lai. Wua'udde i ya'u sumaruante ratu, salaiwe udde lumawangnga atoranna. Amungkangngu i ya'u ṛinone mate ana waugu udde, wala'e i ya'u mate!”

ESTER 4:3

See lai su al᷊awo'u propinsi, manga taumatan Yahudi nilumallu napawe parentan datu udde nial᷊iata. I mangitou ual᷊uṛṛen laubba karongnga wuṛṛu ual᷊allowangnga su awu.

AYUB 2:12

Arawe ro'en ta'e marau i mangitou tallu naasilote si tou, i mangitou ete addio'a tate maaillal᷊a lai si tou. I mangitou nilumuai ringannu ma'ikkatta wuṛṛu nanggesa'a laubbi mangitou see nangalassu awu su winalanganna wuṛṛu su pua.

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

YOEL 2:12

Mawu nabbisara, “Arawe orassa indi, pabbelengke ringang-Ku ringannu al᷊al᷊uassu naungnga, lapiddu mappuasa, sumangitta wuṛṛu lumuai.

IMAMATTA 23:39

Napawe buatte nangitingnga, manattakka allo appul᷊one lima wul᷊anna appitune, i yamiu ṛinone ma'ola'a ramea al᷊annune pitu allo. Allo paarorone wuṛṛu allo aual᷊une eteudde allo apan niṛṛae pangillol᷊oanna.

YOSUA 7:6

I Yosua wuṛṛu manga piaṛṛa'u ṛuangannu Israel mangke massusa na'oman sara i mangitou nanggesa'a laubbi mangitou, wuṛṛu su al᷊o'engngu allo maddatingu ṛabbi i mangitou u'al᷊intudda su saruannu Wantalu Pa'aire Mawu ringannu nangaddon awu su pua mangitou maola'a sambau tatiala massusa.

SONDAPPA 11:3

I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”

MAL᷊AṚṚUUNGNGA 20:26

Ne walahannu Israel inaite apia watukku Betel wuṛṛu nilumuai su Mawu. Poiaroddi i mangitou tawe niumanna naddatingngu ṛabbi wuṛṛu nangonggolu sasamban paddarame see lai sasamba itattambunna su Mawu.

1 SAMUEL 4:12

Sangkatou wuassu ruanganni Benyamin tinumal᷊angnga wuassu tampa papangaloanna watukku Silo, wuṛṛu na'omate isudde su allo udde lai. Naola'a tatialan lullal᷊o, i tou nanggesa'a laungnge wuṛṛu niaddo su leta'a ana see puane niandangannu leta'a.

1 SAMUEL 7:6

Ana see i mangitou sarangkanambone naammulle su Mizpa. I mangitou nania ua'e ana see nilal᷊inna maola'a sambau sasamba su Mawu, see lai i mangitou nappuasa su al᷊o'engngu allo udde. I mangitou nabbisara, “Yami buatte na'ola'a rosa su saruannu Mawu.” (Su Mizpa udde i Samuel nanattakke nanginsue hatton pabbawawul᷊on taumatan Israel.)