NEHEMIA 8:8 - WUKE SUSI WATTI'U AL᷊AL᷊USASSA

⁸ I mangitou nanappassu Titan Duata udde wageangnge ringannu wageangnge see nanal᷊a'a na'oman sara tumanangnge naasunna pabbasanna udde.

NEHEMIA 8:8 Iomraidhean Croise

2 MARARATU 23:2

Ana see i mangitou suadio'a inaite watukku Wal᷊en Mawu, tatantalongannu manga imam, manga nabi wuṛṛu anambon tumanange, mawae ete asiangnga ara'e lai ala. Susaruanni mangitou sarangkanambone, maranin diṛṛin ratu lal᷊oṛṛon, ratu dirumarisikka wuṛṛu nabbasa ringanni tingikka ma'ikkata anambon lal᷊oṛon buken pa'aire apan buatte niasombanganna sulal᷊ummu Wal᷊en Mawu. Wua'udde ratu na'ola'a paddariandi su Mawu tadea'u sidutu tuttuṛṛuta si Tou, wuṛṛu mappaamatta ringannu ahewallu naunga see lai ahewallu apulu anambon parenta wuṛṛu manga tita-Ne. Ratu lai naddiandi tadea'u manipussa paairen Mawu wuṛṛu walahan-Ne apan uawoṛṛetta sulal᷊ummu wuke udde Anambon tumanange lai naddiandi tadea'u sidutu tuttuṛṛutta su paddariandi udde.

EZRA 4:18

Suratta apan buatte niiringngu manga tuṛṛangnga buatte nitappassa wuṛṛu niwasa si ya'u.

NEHEMIA 8:12

Ne anambon tumanangnge napul᷊ete inai umanna wuṛṛu ma'inumma see mattahia anna su manga taumata waine. I mangitou lullala'a ana waugu nasunnate atappasannu pabbasanna apan niaringiṛṛanna mangitou udde.

NEHEMIA 8:7

Wua'udde i mangitou nabbuatta wuṛṛu dirumarisikka su tampane sambau-sambau, tantal᷊anna anambon taumatan Lewi mannalaan Tita udde si mangitou. Manga taumatan Lewi udde eteudde: Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan wuṛṛu Pelaya.

NEHEMIA 8:9

Naaringikka pabbawasan Tita udde, tumanangnge nabbal᷊i lembon natuno, ana see nilumuai. Ne gubernure Nehemia wuṛṛu Imam Ezra mapapanden Tita udde, see manga taumatan Lewi apan nanal᷊a'an Tita udde, nabbisara su anambon tumanangnge arendi, “Allo indi allo apan niṛṛae su Mawu Ruatanu, nariaddi arie masusa ara'e lumuai.

NEHEMIA 9:3

Iraraṛṛangngo al᷊annune tallun ka'orassa, buke Titan Mawu, Ruatan mangitou, niwasa si mangitou wuṛṛu al᷊annune talun ka'orassa manansunna i mangitou nanga'u manga rosan mangitou. Wua'udde i mangitou niumal᷊intudda wuṛṛu nassuba Mawu, Ruatan mangitou.

YEHEZKIEL 46:10

Tembonanne ṛinone sumutta su Wal᷊e Mawu suadio'a ringannu tumanangnge wuṛṛu mapul᷊e lai ṛinone suadio'a lai.

HABAKUK 2:2

Mawu sinumimbakka si ya'u arendi, “Uitte ringannu matualaga pesangngu lete'a maṛṛamu, apa apan Ta'u niapasingkatta si'o tadea'u wotongnge iawasa ringannu mal᷊uassa.

LUKAS 24:27

Wua'udde Mawu Yesus nanal᷊aate si mangitou apa apan uawoṛṛetta sulal᷊ummu Wuke Susi su ola'u wadang-Nge, manattakka wuassu wuke Musa wuṛṛu wuke manga nabi.

LUKAS 24:32

Unni mangitou sangkatou ringannu waine, “Wal᷊inewe pendamanna naungngi ite ere ola'u sussarootta, su tempo i Tou uahahattong kite su tangngan dal᷊anna, wuṛṛu nanal᷊a'an lal᷊oṛṛon Buke Susi si ite?”

LUKAS 24:45

Wua'udde Mawu Yesus nanualaga ṛingiṛṛanni mangitou ana see maasunna pandumannu Wuke Susi.

WATTI'U MANGA RASUL 28:23

Ne i mangitou wuṛṛu i Paulus nanantunnu sambau allo pasasombanna. Su allo udde manambo taumata nirumanta su tampa atatanaanni Paulus. Wuassu rua'allo madatingngu bawallo i Paulus mannal᷊a'a wuṛṛu mabatti'a si mangitou watti'a su ola'u ereapa Ruata mamarenta ere sangkatou Ratu. Ringanni nappaattu manga tatialane sulal᷊ummu Wuke Musa wuṛṛu Wuke Manga Nabi, i Paulus mangke maddea'a tadea'u i mangitou mangngimanna Mawu Yesus.