NEHEMIA 8:6 - WUKE SUSI WATTI'U AL᷊AL᷊USASSA

⁶ Ezra nabbisara, “Paddalote Mawu, Ruata apan wahewalla!” Anambon tumanangnge namatten lima matangga-tanggakka wuṛṛu sinumimbakka, “Amin, amin!” Ana see i mangitou niumal᷊intudda nassubba Ruata.

NEHEMIA 8:6 Iomraidhean Croise

PANDARIADDI 14:22

Arawe i Abram sinumimbakka, “I Ya'u massalu su saruannu Mawu, Mawu Ruata Apan Atanggaṛṛanne, Nandiaddi langitta wuṛṛu runia,

PANDARIADDI 24:26

Ne allangnga udde niumal᷊intudate nassubba Mawu.

1 TAWARIKH 16:36

Paddalote Mawu, Ruatan Israel, orassa indi maddatingngu saran mal᷊annu-l᷊annu! Wua'udde anambon walahannu Israel nabbisara, “Amin,” ana see i mangitou naddalote Mawu.

1 TAWARIKH 29:10

Su saruannu awadaalla udde i Ratu Daud naddalo Mawu, i tou nabbisara, “Oh Mawu Ruata apan sassubbanni Yakub al᷊amonan kami, dalo Si'o sarangkal᷊o'enge!

1 TAWARIKH 29:20

Napawe buatte niumal᷊iomanna aroddi, i Daud nabbisara su anambon taumata apan uaammulla isudde, “Paddalote Mawu Ruatanu!” Ne awadaalla udde naddalote Mawu Ruata apan sassubbannu al᷊amonan mangitou. Ana see i mangitou niumal᷊intudda nangaddatta Mawu wuṛṛu ratu.

2 TAWARIKH 20:18

Ne i Ratu Yosafat niumal᷊intuddate. Tumanangnge sarangkanambone lai nattanno si tou niumal᷊intudda nassubba Mawu.

2 TAWARIKH 29:10

Orassa indi i ya'u maapulu ma'ola'a paaire ringannu Mawu Ruatan Israel, tadea'u i Tou tate masa'u lai si ite.

2 TAWARIKH 29:30

Ratu wuṛṛu matatimmadu wanua nandolokku manga taumatan Lewi niapaantari iaparalo Mawu eteudde manga daralo apan niaṛṛa'i Daud wuṛṛu Nabi Asaf. Anambon taumata mangngantari ringannu lulluassa lapiddu niumal᷊intudda massubba Ruata.

2 TAWARIKH 6:4

I tou nabbisara, “Dorone Mawu buatte na'ire su iamangku Daud arendi, ‘Ro'en i Ya'u nangapiddu walahang-Ku sinumabbangnga wuassu Mesir naddatingngu allo indi, su wanuan Israel tawe sambau soa apan Ta'u nipile maola'a tampa apan ṛinone paparisiṛannu wal᷊en patataṛṛamawuanna si Ya'u, wuṛṛu tawe saran sangkatou apan Ta'u nipile iapapiaṛṛa'u walahang-Ku Israel. Arawe orassa indi Ya'u namile Yerusalem maola'a tampa patataṛamawuanna si Ya'u. Wuṛṛu i'o, Daud, Ta'u pileanna iapaparenta walahang-Ku.’ Daralo su Mawu Ruatan Israel apan buatte nanipussa paaire-Ne udde!”

NEHEMIA 5:13

Wua'udde i ya'u namu'a selempanga su tapanna'u ana see ta'u nialabba lapiddu nabbisara, “Etearendi rinone Ruata mamaṛṛassa anambon taumata apan tawe manuungngu paairene. Taumata udde sarun mabbal᷊i masusa, wal᷊en wuṛṛu anambon darotongnge sarun ul᷊eannu Ruata!” Anambon ammul᷊anna sinumibakka, “Amin!” ana see naddalote Mawu. Ne manga piaṛṛa'a udde nanuungngu paairen mangitou.

NEHEMIA 8:7

Wua'udde i mangitou nabbuatta wuṛṛu dirumarisikka su tampane sambau-sambau, tantal᷊anna anambon taumatan Lewi mannalaan Tita udde si mangitou. Manga taumatan Lewi udde eteudde: Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan wuṛṛu Pelaya.

DARALO 134:2

Wattea'e limanu watukku tampa na'ukkassa, wuṛṛu paddalote Mawu!

DARALO 141:2

Sengkammawe aal᷊iomangku maola'a ere sambau sasamba amania, wuṛṛu lima'u apan uawilatta maola'a sasamban ṛabbi.

DARALO 28:2

Daringiṛṛewe sasal᷊ande'u napawe i ya'u maiontola, wuṛṛu mamatunna lima'u watukku Wal᷊en-Nu apan susi.

DARALO 41:13

I'o niumontolla si ya'u ana waugu awawaresin naungku, wuṛṛu namala'u mabbiakka suadio'a ringan-Nu saran mal᷊annu-l᷊annu.

DARALO 63:4

Darangngu-Nu maaregganne wuassu wiakka, ana waugu udde i ya'u maddalo Si'o.

DARALO 95:3

Ana waugu Mawu uddewe Ruata apan mawantuga, Ratu matohassa apan uataṛṛino su al᷊awo'u monganna.

SASABANGNGA 12:27

I yamiu ṛinone sumimbakka, ‘Indi sasamban Paskah ipangaddata Mawu, ana waugu wal᷊en manga taumatan Israel sinabbian-Ne, su tempo i Tou namate manga ana'a esakka pahul᷊u su Mesir, wuṛṛu i ite niwala-Ne wiakka!’ ” Ne niumal᷊intuddate manga taumatan Israel massubba.

SASABANGNGA 4:31

Ne i mangitou nangimante, wuṛṛu napawe i mangitou naaringikka manungku Mawu buatte na'ellega walahannu Israel wuṛṛu na'ellega al᷊awo'u asasusa mangitou, i mangitou niumal᷊intudda nassubba.

YEREMIA 28:6

“Mapia udde! Doronganna panani'annu udde sarun lumiatta'a, wuṛṛu Mawu atonna-tonna mangapidda apia wuassu Babel manga saranapan Bal᷊e Mawu suadio'a ringannu anambon taumata apan buatte niwuangnga poiaroddi.

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

MATIUS 26:39

Wua'udde Mawu Yesus inaite marau addio'a, see i Tou inumal᷊intuda su leta'a wuṛṛu inumal᷊iomanna. “Iamangnga,” wisara-Ne, “amungkangngu wotongnge, paaraua'a wuassia'u asasusa apan maṛṛia'a si Ya'u indi. Arawe arie tumuṛṛuttu apulu-U, arawe tumuṛṛuttu apulun Iamangnga sassane.”

MATIUS 6:13

Ariewe mamalang kami awul᷊iannu pangangimanna su tempo i yami wabal᷊intongnganna ewe'e liua'a i yami wuassu taṛṛinon Al᷊al᷊eo. [Ete I'o Ratu apan uataṛṛino wuṛṛu mawantuga ma'oman sara mal᷊annu-l᷊annu. Amin.]’

1 KORINTUS 14:16

Ana waugu amungkangngu tuṛṛangnga maadiangkamanna su Ruata tumba'u ringannu ghaṛṛahonu sassane, wuṛṛu pia taumata waine apan tawe maasunna sasinaukka maaṛṛindu'a wuassu Ghaṛṛahon Duata udde, ne taumata udde tawe maappabbisara, “I ya'u lai maapulu” su aadiangkamannu udde; ana waugu i tou wagga apa apan iwabbisaranu udde.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

1 TIMOTIUS 2:8

I ya'u maapulu tadea'u suapan tampan papunna esakka umal᷊iomanna ringannu naungnga susi, tawe asasa'u ara'e pabbawawul᷊o.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

SONDAPPA 7:11

Anambon mala'ekatta uarisikka uapal᷊iwutta adderan araratuanna wuṛṛu manga piaṛṛange see sire appata riadianna udde. Manga mala'ekatta udde uaruutta su saruannu adderan araratuanna see nassubba Ruata.