NEHEMIA 8:4 - WUKE SUSI WATTI'U AL᷊AL᷊USASSA

⁴ Ezra dirumarisikka su mimbare alu apan buatte niola'a hunan ammul᷊anna udde. Su samba'a aikkatanne uarisikka manga taumata indi; Matica, Sema, Anaya, Uria, Hilkia wuṛṛu Maaseya; wuṛṛu su samba'a aiṛṛine uarisikka; Pedaya, Misael, Malkia, Hasum, Hasbadana, Zakharia wuṛṛu Mesulam.

NEHEMIA 8:4 Iomraidhean Croise

EZRA 10:29

Wawosoanni Bani: Mesulam, Malukh, Adaya, Yasub, Seal wuṛṛu Yeramot.

EZRA 10:33

Wawosoanni Hasum: Matnai, Matata, Zabad, Elifelet, Yeremai, Manasye wuṛṛu Simei.

NEHEMIA 11:7

Manga taumatan ṛuanganni Benyamin: Salu ana'i Mesulam wuṛṛu pulunni Yoëd. Manga pira suwallattu iupungngu al᷊amonane eteudde: Pedaya, Kolaya, Maaseya, Itiel wuṛṛu Yesaya. Gabai wuṛṛu Salai. I mangitou sangkatuṛṛangnga marani ringanni Salu. Sarangkanambone 928 suatoune nipiaṛṛa'i

NEHEMIA 8:3

Wua'udde, wuassu ruaallo naddatingngu allattune, Ezra mabbasan Tita udde si mangitou. I mangitou sarangkanambone maddaringikka ringannu maaddunna.

NEHEMIA 8:5

Panggunga tampa dararisiṛṛanni Ezra mattaggaṛṛanna wuassu manga taumata udde, na'oman sara i mangitou sarangkanambone wotongnge maasilo si tou. I tou lapiddu nalla'e buke udde, i mangitou sarangkanambone dirumarisikka.

NEHEMIA 9:3

Iraraṛṛangngo al᷊annune tallun ka'orassa, buke Titan Mawu, Ruatan mangitou, niwasa si mangitou wuṛṛu al᷊annune talun ka'orassa manansunna i mangitou nanga'u manga rosan mangitou. Wua'udde i mangitou niumal᷊intudda wuṛṛu nassuba Mawu, Ruatan mangitou.

NEHEMIA 9:4

Isudde pia mimbare hunan manga taumatan Lewi wuṛṛu rosone uarisikka Yesua, Bani, Kadmiel, Sebanya, Buni, Serebya, Bani wuṛṛu Kenani. Ringanu tingikka matelengnga i mangitou u'al᷊iomanna su Mawu Ruatan mangitou.

MATIUS 23:2

“Manga hurun agama wuṛṛu manga taumatan Farisi naasomba taṛṛino manal᷊a'an tita Musa.