NEHEMIA 8:1 - WUKE SUSI WATTI'U AL᷊AL᷊USASSA

¹ Su wul᷊anna appitune taumatan Israel namanuate su soane sambau-sambau. Su allo paarorone wul᷊anna udde i mangitou sarangkanambone naammulla su Yerusalem, su rallakka su saruannu Ngara Wahewallu Ua'e. I mangitou maddorongnga tadea Buke Tita al᷊apanni Imam Ezra, sangkatou mapapande sulal᷊ummu Tita apan nionggollu Mawu su Israel wuassi Musa.

NEHEMIA 8:1 Iomraidhean Croise

2 MARARATU 23:2

Ana see i mangitou suadio'a inaite watukku Wal᷊en Mawu, tatantalongannu manga imam, manga nabi wuṛṛu anambon tumanange, mawae ete asiangnga ara'e lai ala. Susaruanni mangitou sarangkanambone, maranin diṛṛin ratu lal᷊oṛṛon, ratu dirumarisikka wuṛṛu nabbasa ringanni tingikka ma'ikkata anambon lal᷊oṛon buken pa'aire apan buatte niasombanganna sulal᷊ummu Wal᷊en Mawu. Wua'udde ratu na'ola'a paddariandi su Mawu tadea'u sidutu tuttuṛṛuta si Tou, wuṛṛu mappaamatta ringannu ahewallu naunga see lai ahewallu apulu anambon parenta wuṛṛu manga tita-Ne. Ratu lai naddiandi tadea'u manipussa paairen Mawu wuṛṛu walahan-Ne apan uawoṛṛetta sulal᷊ummu wuke udde Anambon tumanange lai naddiandi tadea'u sidutu tuttuṛṛutta su paddariandi udde.

2 TAWARIKH 34:15

Hilkia nabbisarate si Safan, “I ya'u naasangkalla wuke Titan Mawu su Wal᷊en Mawu,” ana see wuke udde nionggoli tou si Safan.

2 TAWARIKH 34:30

ana see inaite suadio'a ringanni mangitou watukku Wal᷊en Mawu. Suadio'a ringanni mangitou tinumantalongnga lai manga imam, taumatan Lewi wuṛṛu anambon tumanangnge, mawae ete asiangnga aroddi taumata ala. Su saruanni mangitou sarangkanambone, maranin diṛṛin datu sassane, ratu dirumarsisikka wuṛṛu mabbasa ringannu tingikka ma'ikkatta lal᷊oṛṛon buke paaire apan buatte niasangkal᷊anna sulal᷊ummu Wal᷊en Mawu. Wua'udde ratu nakkiinnu paaire ringannu Mawu tadea'u sidutu tuttuṛṛutta si Tou wuṛṛu mappaamattu ringannu ahewallu naungnga wuṛṛu ṛimuudda anambon parenta wuṛṛu manga tita-Ne, see lai manuungngu atorannu paairen Mawu wuṛṛu al᷊aṛṛanang-Nge apan uawoṛṛetta sulal᷊ummu wuke udde.

EZRA 7:1

Manga pira tonna wua'udde, sutempo Artahsasta uaparenta naola'a ratun Persia, pia sangkatou esakka aranne Ezra, wuassu papapulunni Imam Mawantuga Harun. Akkittu pallaṛṛitene wua bowa ire'e eteudde ere manansunna indi: i Ezra i Seraya i Azarya i Hilkia

EZRA 7:10

I Ezra buatte nanginsue allone su ipanaṛṛassidda Titan Mawu, su mappaamatta see manatiro al᷊awo'u atokke wuṛṛu atoranne su walahannu Israel.

EZRA 7:11

Eteindi suratta sasahipunanna apan noonggolli Ratu Artahsasta si Ezra, sangkatou imam wuṛṛu panden Tita,

EZRA 7:6

I Ezra sangkatou apan pia si'olane wuṛṛu masingkattu su ola'u anambon Tita apan nionggollu Mawu, Ruatan Israel si Musa. Ana waugu Ezra nial᷊amatannu Mawu Ruatane, ne ratu nangonggolla si tou al᷊awo'a apan raddoronganne. Su tonna appitune sutempo i Ratu Artahsasta uaparenta, Ezra napul᷊ete wuassu Babel mattuddan Yerusalem suaddio'a ringannu ammul᷊annu taumatan Israel eteudde manga pira imam, taumatan Lewi, mangangantari see mandariagga ngara su Wal᷊en Mawu, wuṛṛu manga mamamanara.

NEHEMIA 12:26

I mangitou udde nabbiakka sutempon Yoyakim ana'i Yesua wuṛṛu pulunni Yozadak wuṛṛu sutempon Gubernure Nehemia wuṛṛu Imam Ezra, mapapanden Tita udde.

NEHEMIA 12:37

Napawe na'omate su Ngara Wahewallu Ua'e Mabbiassa i mangitou nabbeṛṛo wuṛṛu sinuma'a tuaddu Soan Daud, niumamattu wal᷊en araratuanni Daud, ana see nabbelengnga watukku darandungnga su Ngara Wahewallu Ua'e su samba'a ra'in soa.

NEHEMIA 8:16

Ana see tumanangnge inaite nanganu manga ranna udde. I mangitou sarangkanambone na'ola'a manga rasanna su manga atuppa ratakke su wowom wal᷊en mangitou, su rallakku wal᷊ene, su saruannu rallakku Wal᷊en Mawu, su lapanganna maranin Ngara Wahewallu Efraim.

NEHEMIA 8:3

Wua'udde, wuassu ruaallo naddatingngu allattune, Ezra mabbasan Tita udde si mangitou. I mangitou sarangkanambone maddaringikka ringannu maaddunna.

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

IMAMATTA 9:5

Sarangkanambone apan nitanatan Musa niapiddi mangitou su saruannu Rasanna, wuṛṛu ṛuanganna sarangkanambone naammulla isudde mattaṛṛamawu su Mawu.

MALEAKHI 4:4

Naungete manga al᷊aṛṛa'u allang-Ku Musa, naungete manga tita wuṛṛu manga parenta apan Ta'u nionggolla si tou su Wowon Sinai tadea'u tattuṛṛutannu anambon umattu Israel.

MATIUS 13:52

See Mawu Yesus nabbisara, “Ana waugu udde manga hurun agama apan suete naola'a lal᷊oṛṛon araratuannu Ruata, udde ere sangkatou tatahuannu wal᷊e apan mappasabangngu darotongnge wakku wuṛṛu tabbe, wuassu pangadoanne.”

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

MATIUS 23:2

“Manga hurun agama wuṛṛu manga taumatan Farisi naasomba taṛṛino manal᷊a'an tita Musa.

MATIUS 23:34

Paddaringikka paapia-pia: i Ya'u sarun mandolokku manga nabi ringanni yamiu, taumata pande, wuṛṛu manga huru; sangkaadoanna wuassi mangitou sarun pateanni yamiu, wuṛṛu sangkaadoanna waine lai sarun iarussang kamiu. Piaddu sansaranni yamiu lai sulal᷊ummu manga wal᷊em pattataṛṛamawuanna, wuṛṛu i yamiu a'enggenanna wuassu soa sambau watukku soa apan baine.

TAHIUL᷊E 31:11

i yamiu ṛinone mabbasa manga tita indi ringannu tingikka ma'ikkata su manga taumatan Israel apan dumanta massubba Mawu Ruatanu su tampa apan nipile-Ne.

MAL᷊AṚṚUUNGNGA 20:1

Ne nirumantate walahannu Israel sarangkanambone wuassu Dan su samba'an sawannakka naddatingngu Bersyeba su timukka, wuṛṛu Gilead su ra'i, su ipangitu'a wawago udde. I mangitou na'ammula wuṛṛu naaukka su Mizpa su saruannu Mawu.

MAL᷊AṚṚUUNGNGA 20:8

Ringannu sangkaṛindo'a manga taumata apan uaammula sutampa udde dirumarisikka wuṛṛu nabbisara, “I ite sarangkanambone taweddu mapul᷊e su rasanna ara'e mapul᷊e watukku wal᷊en.