NEHEMIA 7:70 - WUKE SUSI WATTI'U AL᷊AL᷊USASSA

^70-72 Manambo suwallattu tumanangnge nangonggollu sasumbala ipakkanna manara pangangapia Wal᷊en Mawu: wuassu gubernure: – 8 ku kilone wul᷊awanna 50 mangko lal᷊aghu 530 jubah imam wuassu manga tembonannu ṛuanganna: – 168 su kilone wul᷊awanna 1.250 su kilone sal᷊a'a wuassu manga taumata waine: – 168 su kilone wul᷊awanna 140 su kilone sal᷊a'a 67 jubah imam

NEHEMIA 7:70 Iomraidhean Croise

1 TAWARIKH 28:17

See lai manga tatantiro su ola'u anambon wul᷊awanna tutune apan ṛinone ipaatta ipallanginnu saṛṛampangnga, mangko wuṛṛu wotolla, su ola'u anambone sal᷊a'a wuṛṛu bul᷊awanna ipa'ola'a manga lama'a.

2 TAWARIKH 4:11

Huram, tembonannu manga mamanara udde, nallanginnu manga urinna, manga sikopo wuṛṛu manga mangko. Ne i tou nuddusse na'ola'a al᷊awo'u saranapan Wal᷊en Mawu ere buatte nipa'irene si Ratu Salomo. Indiwe manga saranapa apan buatte niolangnge udde: Darua diṛṛi masallaka Darua puan diṛṛi saṛṛene ere mangko apan niaddo su wowon darua diṛṛi udde Ṛate nianamma suapan puan diṛṛi 400 delima witu'a apan niatokka sulal᷊ummu darua raddage uapal᷊iwutta ṛate niamamma suapan puan diṛṛi 10 kereta 10 mangko wahewalla Wensadda perunggu 12 sapi witu'a apan uatumpilla wensadda udde Manga urinna, manga sikopo wuṛṛu manga saṛṛampangnga Anambon saranapa udde niola'i Huram hausannu Wal᷊en Mawu, niola'a wuassu witu'a wuṛṛu niraddassa na'oman sara lullendappa. Huram na'ola'a sarangkanambone udde ana waugu parentan Ratu Salomo.

NEHEMIA 10:1

Taumata paarorone apan nabartanda eteudde Gubernure Nehemia ana'i Hakhalya. Wua'udde nanansunna Zedekia. Wua'udde manga taumata manansunna indi nabartanda lai:

NEHEMIA 7:65

Gubernuren leta'u Yehuda naningaddi mangitou umanna anna apan nionggolla sasamba su Ruata, ma'oman sara pia sangkatou imam apan wotongnge maddorongnga tatantiro ringannu mappaattu Urim wuṛṛu Tumim.

NEHEMIA 8:9

Naaringikka pabbawasan Tita udde, tumanangnge nabbal᷊i lembon natuno, ana see nilumuai. Ne gubernure Nehemia wuṛṛu Imam Ezra mapapanden Tita udde, see manga taumatan Lewi apan nanal᷊a'an Tita udde, nabbisara su anambon tumanangnge arendi, “Allo indi allo apan niṛṛae su Mawu Ruatanu, nariaddi arie masusa ara'e lumuai.

SASABANGNGA 12:22

Panganute lai samba'issa hisop, ammoa'a sulal᷊ummu mangko apan lal᷊oṛṛoannu daṛṛa domba udde, ana see wuṛṛa'a su darua sal᷊aba'u ngara wuṛṛu pua ngara al᷊iurosone wuassu wal᷊enu. Maddatingngu marua'allo imbaṛṛangnga pia sangkatou su wallati yamiu manantangngu wal᷊en.

SASABANGNGA 24:6

Sambageanganna wuassu daṛṛan sapi udde nianun i Musa wuṛṛu nilal᷊inna sulal᷊ummu manga tinaṛṛiti. Sambageanganna lai nilal᷊inna su wowon mezbah.

YEREMIA 52:19

Manga saranapa wul᷊awanna wuṛṛu sal᷊a'a, nasutta manga mangko maraddio'a wuṛṛu tampan baṛṛa, manga tampan daṛṛan binatangnga apan lakkatanna olaanna sasamba, tampan awu, leddan sol᷊o, manga mangko tampan amania, wuṛṛu manga mangko pallal᷊inannu sasamba ua'en anggore, sarangkanambone nianu Nebuzaradan sassane.