NEHEMIA 7:65 - WUKE SUSI WATTI'U AL᷊AL᷊USASSA

⁶⁵ Gubernuren leta'u Yehuda naningaddi mangitou umanna anna apan nionggolla sasamba su Ruata, ma'oman sara pia sangkatou imam apan wotongnge maddorongnga tatantiro ringannu mappaattu Urim wuṛṛu Tumim.

NEHEMIA 7:65 Iomraidhean Croise

EZRA 2:63

Gubernuren wageangngu leta'u Yehuda naningaddi mangitou umanna anna apan niola'a sasamba su Ruata, na'oman sara pia sangkatou imam apan wotongnge maddorongnga tatantiro ringannu nappaattu Urim wuṛṛu Tumim.

NEHEMIA 10:1

Taumata paarorone apan nabartanda eteudde Gubernure Nehemia ana'i Hakhalya. Wua'udde nanansunna Zedekia. Wua'udde manga taumata manansunna indi nabartanda lai:

NEHEMIA 7:66

Manga taumata niwuangnga apan napul᷊e watukku wanuane sarangkanambone 42.360 suatoune. Wal᷊ine wua'udde napul᷊e lai manga masasumbala si mangitou sarangkanambone 7.337 suatoune wuṛṛu mangangantari sarangkanambone 245 suatoune. I mangitou lai uaapiddu manga winatangngi mangitou, eteudde: wal᷊o – 736 Bagal – 245 Unta – 435 Keledai – 6.720

NEHEMIA 7:70

Manambo suwallattu tumanangnge nangonggollu sasumbala ipakkanna manara pangangapia Wal᷊en Mawu: wuassu gubernure: – 8 ku kilone wul᷊awanna 50 mangko lal᷊aghu 530 jubah imam wuassu manga tembonannu ṛuanganna: – 168 su kilone wul᷊awanna 1.250 su kilone sal᷊a'a wuassu manga taumata waine: – 168 su kilone wul᷊awanna 140 su kilone sal᷊a'a 67 jubah imam

NEHEMIA 8:9

Naaringikka pabbawasan Tita udde, tumanangnge nabbal᷊i lembon natuno, ana see nilumuai. Ne gubernure Nehemia wuṛṛu Imam Ezra mapapanden Tita udde, see manga taumatan Lewi apan nanal᷊a'an Tita udde, nabbisara su anambon tumanangnge arendi, “Allo indi allo apan niṛṛae su Mawu Ruatanu, nariaddi arie masusa ara'e lumuai.

SASABANGNGA 28:30

Addoa'e Urim wuṛṛu Tumim sulal᷊ummu lal᷊indummu ro'o udde tadea'u ipaatti Harun amungkangngu i tou sumaruanna si Ya'u. Su manga tempo ereudde i tou ṛinone sidutu ual᷊uṛṛen lal᷊indumma ro'o, tadea'u i tou sidutu maasingkata apulu-U su ṛuangannu Israel.”

IMAMATTA 2:10

Lambene udde wuattu manga imam. Roti udde lembon susi ana waugu nianu wuassu anna apan buatte nionggola su Mawu.

IMAMATTA 2:3

Anna ia imbe lambene ionggola su manga imam. Sasamba udde tumaniten susi ana waugu buatte nianu wuassu anna apan buatte nionggola su Mawu.

IMAMATTA 8:8

Ana see i tou nalluṛṛen lal᷊indumma ro'o si Harun, wuṛṛu sulal᷊ummu lal᷊indumma ro'o udde niapasutta Urim wuṛṛu Tumim.

REENGANNA 27:21

I Yosua ṛinone maddorongnga tatantiro wuassi Imam i Eleazar, wuṛṛu i Eleazar ṛinone maiwal᷊on apulu-U ringannu mappaattu Urim wuṛṛu Tumim. Ringannu olangnge udde i Eleazar mamiaṛṛa'i Yosua wuṛṛu ahewallu walahannu Israel su al᷊awo'u hatto apan saruananni mangitou.”

TAHIUL᷊E 33:8

Su ṛuanganni Lewi i tou nabbisara: “Ringannu Urim wuṛṛu Tumim, I'o mapal᷊iatta'u apulu-Nu, su taumatan Lewi, allang-Ngu apan matuṛṛutta. I'o buatte namono'a si mangitou su Masa, wuṛṛu uatatiakki mangitou su al᷊imatan ua'e su Meriba.