NEHEMIA 7:1 - WUKE SUSI WATTI'U AL᷊AL᷊USASSA

¹ Napawe darandungnga udde nasuete niola'a, i ya'u nandolokka tadea'u manga pappallu ngarane iele. Ana see manga mandariagga ngara wahewalla, manga mangangantari wuṛṛu manga taumatan Lewi ta'u nirolokka ma'ola'a manarane sambau-sambau.

NEHEMIA 7:1 Iomraidhean Croise

2 MARARATU 7:10

Ana waugu udde i mangitou nabelengke watukku Samaria wuṛṛu niumui su mandariagan soa, “Yami buatte wuassu paddasanannu taumatan Siria, ne inauranna tawe taumata poiaroddi. Awal᷊o wuṛṛu keledai mangitou niaratinganni yami ta'e ua'iitta su tampane, wuṛṛu manga rasanna tinantanga niwala aroddi.”

2 TAWARIKH 31:2

I Ratu Hizkia nangatokku apia manga ammul᷊annu manga imam wuṛṛu taumatan Lewi tumuṛṛuttu tahia manaran mangitou. Manga manara eteudde: mangonggolu sasamba itattambunna wuṛṛu sasamban paddarame, mangangimben lal᷊aghu patataṛṛamawu su Mawu su al᷊awo'u tampa su Wal᷊en Mawu.

EZRA 3:8

Ne su wul᷊anna aruane, sulal᷊ummu tonna aruane napawe taumatan Israel nabbelengke watukku Yerusalem, i mangitou mannattakke ma'ola'a apia Wal᷊en Mawu. Zerubabel, Yesua wuṛṛu manga hawen mangitou sambalahanna, manga imam, taumatan Lewi, aunne, anambon taumata wua niwuangnga, mammanara abbi. Manga taumatan Lewi apan uukke 20 su tonnane ire'e nita'e iapariagga manara paaola'a Wal᷊en Mawu udde.

NEHEMIA 10:39

Tumana'u Israel wuṛṛu manga taumatan Lewi ṛinone mangapiddu sasumbala sidutu erenai gandumma, anggore wuṛṛu lanan zaitun watukku wabbo'an bal᷊unna tampa pangaddoannu manga saranapa su Wal᷊en Mawu. Isudde lai tampan tatatanaannu manga imam apan tantal᷊anna mammanara, manga mandariagga ngara wahewalla su Wal᷊en Mawu wuṛṛu manga mangangantari. I yami tawe maabul᷊i mammaresi Wal᷊en Mawu.

NEHEMIA 11:3

Su manga soa waine, tumana'u Israel, manga imam, manga taumatan Lewi, manga mamanara Wal᷊en Mawu, wuṛṛu papapulunni mangangimben Salomo uatana'a su leta'a pussa'an mangitou wuṛṛu su manga soan mangitou sassane.

NEHEMIA 12:24

Su al᷊ungngu piaṛṛa'u Hasabya, Serebya, Yesua, Binui wuṛṛu Kadmiel, manga taumatan Lewi nitahia sulal᷊ummu manga wageangnge. Suapan paassa pia darua wageangnge apan mammanara maddalo Mawu wuṛṛu mangngonggollu aadiangkamanna si Tou uawawal᷊issa, uasul᷊ungngu atoranni Ratu Daud, allangngu Ruata udde.

NEHEMIA 6:1

Sanbalat, Tobia, Gesyem wuṛṛu manga seetti yami apan waine naaringikka manungku i yami nuddusse nangapia darandungnga, wuṛṛu manungku anambon loṛṛangnge buatte nisappinganna, salaiwe sutempo udde i yami taambe nangelen pappallu ngara su manga ngara wahewallu soa.

NEHEMIA 6:15

Pangangapia darandungnga udde niumanna tempo al᷊annune 52 su allone, wuṛṛu nasue su allo darua pul᷊o l᷊ima wul᷊anna Elul.

NEHEMIA 6:19

Salaiwe i Tobia sidutu mammoṛṛettu suratta si ya'u ipammata'utta si ya'u, arawe manga piaṛṛa'u Yahudi udde mammasingkatta su saruangku al᷊awo'u apapian Tobia. Wal᷊ine wua'udde sarangkanambone apan ta'u niwisara, nialaen mangitou si tou.