NEHEMIA 6:2 - WUKE SUSI WATTI'U AL᷊AL᷊USASSA

² Ne Sanbalat wuṛṛu Gesyem nangirimmu wawal᷊o si ya'u tadea'u rumanta ma'ola'a ammul᷊anna ringanni mangitou suwallattu sambau ampungnga su Wawal᷊annu Ono. Arawe i ya'u masingkatta manungku i mangitou mappulu manilaka si ya'u.

NEHEMIA 6:2 Iomraidhean Croise

2 SAMUEL 20:9

I Yoab nabbisara si Amasa, “Ereapate watti'a, hawe?” lapiddu nangagassa omengngi Amasa ringannu limane aikkatanna ere ola'u mangari'a si tou.

2 SAMUEL 3:27

Ne napawe i Abner na'omate su Hebron, i tou niaheanni Yoab su sandiṛṛanne, maranin ngara pasallanganna, ereola'u pia gatto iaadappingnga. Inaṛṛombanganne i Yoab nangusu'a tianni Abner na'oman sara nate. Etearoddi i Abner nate nipaten Yoab ipabbal᷊issa naungnga lal᷊eo su pamamate si Asael tuarine.

1 TAWARIKH 8:12

Elpaal pia ana'a esakka siri tallu; Eber, Misam, Semed. Ete i Semed indi napararisikku soa Ono wuṛṛu Lod see lai manga ampungnga maranine.

NEHEMIA 11:35

Lod, Ono wuṛṛu su Wawal᷊annu Manga Tu'angnga.

NEHEMIA 3:22

Manga pira wageangngu darandungnga manansunna niola'u manga imam sulal᷊ummu tal᷊attadde indi: Manga imam apan uatana'a tawe marau wuassu Yerusalem. I Benyamin wuṛṛu Hasub: darandungnga su saruannu wal᷊en mangitou. I Azarya ana'i Maaseya ana'i Ananya; darandungnga maranin wal᷊ene. Binui ana'i Hanadad: darandungnga wuassu wal᷊en Azariah maddatingngu pabbuuannu darandungnga. Palal ana'i Uzai: darandungnga wuassu pabbuannu darandungnga wuṛṛu candi wal᷊en araratuanna al᷊iu rosone, maranin rallaka pandiagganna. Pedaya ana'i Paros: darandungnga maddatingngu saruannu Ngara Wahewallu Ua'e su samba'a ra'i wuṛṛu candi pandiagganna Wal᷊en Mawu. (Tawe marau wua isudde pia wageangngu leta'a aranne i Ofel, tampa atatanaannu manga mamanaran Wal᷊en Mawu.)

NEHEMIA 6:3

Ana waugu udde i ya'u nangirimmu sasimbakke indi si mangitou, “I ya'u tawe maaranta ana waugu tantal᷊anna ma'ola'a manara ahunanne. Manara udde sarun mattaalla amungkangngu i ya'u manantangnga ana inai maisasomban kamiu.”

DARALO 12:2

Ontol᷊ewe i yami, oh Mawu, ana waugu tate lai taumata mapia, taumata apan matuṛutta Si'o nawul᷊ite.

DARALO 37:12

Taumata lal᷊eo manggol᷊agu al᷊al᷊eo su taumata mapia, wuṛṛu ma'ellega ringannu ararantinna.

DARALO 37:32

Taumata mapia lal᷊ingeannu taumata lal᷊eo apan maddea'a tempone ipamate si tou.

MANNANASE 4:4

I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

YEREMIA 41:2

i Ismael wuṛṛu siri mapul᷊o taumata udde nanawutta hal᷊ele mangitou wuṛṛu namate si Gedalya, gubernure apan nipilen taumatan Babel udde.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.