NEHEMIA 5:7 - WUKE SUSI WATTI'U AL᷊AL᷊USASSA

⁷ wuṛṛu nakkawaessa manungku manamba'a si mangitou. Ana see i ya'u nanaggu tembonanne wuṛṛu piaṛṛa'u tumana'a. Wisara'u, “I yamiu mangngallangnga manga tuṛṛangngu sassane!” Wua'udde i ya'u na'ola'a ammul᷊annu awadaalla ipangagassa hatto udde,

NEHEMIA 5:7 Iomraidhean Croise

DARALO 109:11

Wala'e al᷊awo'u pussa'ane aṛṛoannu mallal᷊uṛṛu awallassa, wuṛṛu hessin inasaharanne anuannu taumata.

DARALO 15:1

Daralon Daud. Mawu, isai wotongnge mangintal᷊a su Rasan-Nu wuṛṛu matana'a su wuiddu Mawu apan susi.

DARALO 15:5

wuṛṛu napawallasu roitta ringannu tawe bungane; apan maddiri manengkamma roitta sasal᷊o'a tadea'u ipamaddon taumata apan tawe sal᷊ane. Taumata apan inolaanne aroddi, sidutu sarun mal᷊angnganna.

DARALO 27:8

I'o nabbisara, “Rantate passubba si Ya'u.” I ya'u sinumimbakka, “I ya'u sarun rumanta, oh Mawu;

DARALO 4:4

Ṛinone i yamiu masingkatta, Mawu buatte namile hunan batangan-Ne sangkatou apan arangnguan-Ne. Mawu naddaringikka napawe i ya'u sumal᷊ande si Tou.

DARALO 94:16

Isai mangambanga si ya'u su saruannu taumata lal᷊eo? Isai apan manamba'a si ya'u su saruannu taumata inolaanne lal᷊eo?

SASABANGNGA 22:24

I Ya'u sarun masa'u wuṛṛu mamate si yamiu sulal᷊ummu pangalo, na'oman sara manga awingngu mabbal᷊i wawine wal᷊u, wuṛṛu manga anangngu mabbal᷊i asisi.

SASABANGNGA 22:25

Amungkangngu i yamiu mapawallassu roitta su taumata asiangnga wuassu wallatu walahanna-Ku, ariewe i yamiu naal᷊ihidda mananusi utangnga apan maddorongnga wungane.

AMSAL 27:5

Mapianne tataggu apan uahahati sul᷊ungnge darangngu apan niapasabbangnga.

AMSAL 28:4

Isai apan tawe mangareggan tita, mannamba'a taumata lal᷊eo; isai matuṛṛutta tita, lullawangnga taumata lal᷊eo.

YEHEZKIEL 22:12

Piaddu lai apan naola'a mamamate wabbaeṛṛanna, taṛṛal᷊inga wuṛṛu taṛṛa woddo manga taumata sambalahanne. I mangitou sarangkanambone na'abul᷊i-U te. I Ya'u Mawu Apan Atanggaṛṛanne buatte nabbisara.

YEHEZKIEL 45:9

Mawu Apan Atanggaṛṛanne nabbisara, “Natimute manga rosanu, ei manga tembonannu Israel! Iloloa'e inolaanu apan walate apulunu mannansara tumana'u soa udde. Pammanarate ringannu mapia wuṛṛu matul᷊idda. Saran paassa ariete i yamiu mallimbuakka uma-U apia wuassu leta'i mangitou. Ia'i, Mawu Apan Atanggaṛṛanne mammarenta udde si'o.

IMAMATTA 19:15

I yamiu ṛinone matul᷊idda napawe makkuungnga; arie mangempen taumata asiangnga wuṛṛu mata'uttu taumata ala.

IMAMATTA 25:36

Imbaṛṛangnga maddorongnga wungane wuassu apa apan niapawallasa si tou, arawe ṛinone i yamiu mata'uttu Ruatanu, wuṛṛu wala'e taumata udde mabbiakka su wallati yamiu. Arie lai manganu auntunganna wuassu anna apan niwal᷊ungngu si tou.

MATIUS 18:17

Amungkangngu i tou tawe naddaringikka tatantiro manga taumata udde, wal᷊oa'a hatto udde su tangngan Jamaatta. Wuṛṛu panginsueanne, amungkangngu i tou madiri maddaringikka tatantiron Jamaatta, ellehete i tou ere sangkatou maddarorongnga wose wuṛṛu ere sangkatou apan tawe maaillal᷊a Ruata.”

2 KORINTUS 5:16

Ana waugu udde, i yami tate lai manguukka taumata tumuṛṛuttu aul᷊aannu taumata. Atonna i yami suete nanguukka Kristus wuassu pahuddu taumata, arawe orassa indi tate.

GALATIA 2:11

Su tempo Petrus nirumanta su Antiokhia, i ya'u nanagu si tou ringannu uahahati, ana waugu pallal᷊agune nassal᷊a.

1 TIMOTIUS 5:20

Taumata apan ma'ola'a rosa, ṛinone tagguanna su saruannu anambon jamaatta, tadea'u ingana'a waine lai matta'utta.

TITUS 2:15

Tantiroa'e sarangkanambone udde, wuṛṛu aṛṛa'ete see tagguete manga maddararingikka si'o ringannu saṛṛaungnga. Arie mapaawalan saran sangkatou mangaddio'a si'o.