NEHEMIA 5:12 - WUKE SUSI WATTI'U AL᷊AL᷊USASSA

¹² Manga piaṛṛa'a udde sinumibakka, “Tatantiro udde sarun iamatti yami. I yamiu sarun mangule sarangkanambone wuṛṛu tawe maddorongnga wawaekke saran addio'a wuassi mangitou.” Ana see i ya'u namaggo manga imam wuṛṛu ta'u nirolokka manga piaṛṛa'a tanginna massalu su saruannu manga imam udde, manungku apa apan buatte niwisaran mangitou udde, atonna-tonna sarun iapaamatti mangitou.

NEHEMIA 5:12 Iomraidhean Croise

EZRA 10:12

Manga taumata udde sinumimbakka ringannu ma'ikkatta, “I yami sarun tumuṛṛutta tatantironu.”

EZRA 10:5

Ne Ezra nanattakke mammanara. I tou nandolokku manga imam tembonanne, manga taumatan Lewi wuṛṛu manga taumatan Israel waine nassalu manungku i mangitou sarun mapaamattu darorongngi Sekhanya udde.

NEHEMIA 10:29

I yami sarangkanambone naammulla ringannu manga piaṛṛa'i yami wuṛṛu nassalu tadea'u sidutu mabiakka tuttuṛṛutta titan Duata apan buatte nionggollu Mawu si Musa, allang-Nge. Antimanna Ruata mamontogga si yami amungkangngu i yami tawe nanipussu paaire indi. I yami nassalu sarun mapaamattu al᷊awo'u parenta, tita wuṛṛu atorannu Mawu, Ruatan kami.

NEHEMIA 10:30

I yami nassalu tadea'u tawe maawingnga ual᷊al᷊o'a ringannu manga walahanna raho apan uatana'a su wanuan kami.

NEHEMIA 10:31

Amungkangngu pia balahanna raho apan mapullu mabbal᷊u'u gandumma ara'e saranapa waine si yami su allon Sabat ara'e allo susi waine, i yami tawe mamalli. Suapan tonna appitune, i yami tawe mammanara wailla wuṛṛu tawe maddorongnga awallassa.

NEHEMIA 13:25

Ta'u nitaguanna wuṛṛu ta'u niwontohanna i mangitou. Piaddu ta'u nipuulla wuṛṛu niṛṛahotta utangnge. Wua'udde i mangitou ta'u nirolokka massalu ringannu arannu Ruata manungku i mangitou wuṛṛu al᷊aṛṛana'i mangitou tate maawingnga apia ringannu walahanna waine.

NEHEMIA 5:11

Ṛinone i yamiu lai mamappassa manga awallassu tumana'a si yamiu udde, mawae roitta ara'e gandumma, ara'e anggore ara'e lai lanan zaitun. Pawelenga'e ringannu mal᷊ihakka wawail᷊anna, waillu anggore, waillu zaitun wuṛṛu wal᷊en mangitou!”

MATIUS 26:63

Arawe Mawu Yesus mal᷊annaba. Paassa lai imam bahewa nabbisara si Tou, “Ringannu arannu Ruata apan wiakka, Wal᷊oa'e si yami apa ete I'o Ratum Punnu Sal᷊amatta, Ana'u Ruata?”

LUKAS 19:8

Wua'udde su wal᷊ene i Zakheus nirumarisikka wuṛṛu nabbisara Mawu Yesus, “Mawu, sangkawageanganna wuassu rarotongku sarun ionggolla su taumata asiangnga; wuṛṛu su alawo'u taumata apan suete niawusuangku, sarun waeṛṛanna apia si tou paappatta wuassu paarorone!”