NEHEMIA 4:23 - WUKE SUSI WATTI'U AL᷊AL᷊USASSA

²³ I ya'u sassane, manga hawe'u, manga mamanara'u wuṛṛu manga mandariagga'u sidutu ual᷊uṛṛen laubu manara, mawae allo lai ṛabbi. I yami sidutu sulal᷊ummu olangnge uatehamma, ringannu ahidda su lima.

NEHEMIA 4:23 Iomraidhean Croise

NEHEMIA 4:22

Su al᷊o'engngu tempo udde anambon mamanara ringannu masasumbala mangitou, ta'u nirolokka manaṛṛabbi su Yerusalem. Ringannu aroddi sutempo ṛabbi i yami wotongnge mandiagga soa wuṛṛu allone mangngapia darandungnga.

NEHEMIA 5:1

Manga pira tempo wua'udde manambo taumatan Yahudi, mawae esakka aroddi lai wawine, mannattakke suussal᷊iomanna su ola'u manga taumata sambalahanne.

NEHEMIA 5:16

Anambon ikka'u ta'u nipaatta su pangangapia darandungnga wuṛṛu i ya'u tawe naasomba leta'a saran sampattangnga maola'a wawaekke, salaiwe anambon masasumbala'u mammanara suadio'a su manara udde.

NEHEMIA 7:2

Pamamarentan soa Yerusalem ta'u nitantilla su tuṛṛangku Hanani wuṛṛu si Hananya, tembonannu tanda batu, ana waugu i tou nangillembo wuassu taumata waine, matta'uttu Ruata wuṛṛu wotongnge pangimananna.

YOEL 2:8

I mangitou tawe nasaseppe'a, su lal᷊anne sasane i mangitou u'amatta. Mangke suadio'a i mangitou nanggohakku al᷊awo'u tanda batu, barisanni mangitou taweddu mapaataalla.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

MAL᷊AṚṚUUNGNGA 5:11

Su maranin manga paṛṛihi niaringikka taumata lullala'a mangngantari, masokka-sokka mabbatti'u auntungannu Mawu, auntungannu Israel, al᷊aṛana'u Mawu. Ne i mangitou nabbarisse mattuddan ngaran pasallangannu soa.

MAL᷊AṚṚUUNGNGA 9:48

Ana waugu udde, i Abimelekh ringannu manga taumatane inaite watukku Wowon Zalmon. Poiaroddi i tou namonggo'a manga rannan kalu ringannu wal᷊iungnga, ana see namasanna manga rannan kalu udde su wambangnge, wua'udde nandolokku manga taumatane lai mal᷊iha-l᷊ihakka niapatanno ereapa apan buatte niolangnge.