NEHEMIA 2:3 - WUKE SUSI WATTI'U AL᷊AL᷊USASSA

³ ana see, sinumimbakka, “Nabbiakke Tuangnga saran mal᷊annu-l᷊annu! Ereapa allangnga tawe masusa, amungkangngu soa tampa pallabbingannu iupungngu al᷊amonan allangnga orassa indi ete nallambe winal᷊alanna wuṛṛu manga ngarane wahewalla nepodde nisoṛṛobbu putungnga.”

NEHEMIA 2:3 Iomraidhean Croise

1 MARARATU 1:31

Ne i Batsyeba niumal᷊intuddate lapiddu nabbisara, “Wiakke Tuangnga Ratu saran mal᷊annu-l᷊annu!”

2 MARARATU 25:8

Su allo appitune wul᷊anna al᷊imane sulal᷊ummu tonna mapul᷊o sio i Nebukadnezar ratun Babel uaparenta, nirumantate su Yerusalem sangkatou aranne i Nebuzaradan. I tou udde mananantiro wuṛṛu tembonannu tantaran Nebukadnezar.

2 TAWARIKH 21:20

Tawe saran sangkatou apan sinumassillu papatene. I tou nilabbinga su Soan Daud, arawe tawe sulal᷊ummu labbingu manga ratu. Sutempo i tou naola'a ratu, Yehoram uukke 32 su tonnane, wuṛṛu i tou namarenta su Yerusalem 8 su tonnane al᷊annune.

2 TAWARIKH 28:27

Ahaz natete; wuṛṛu nilabbinga su Yerusalem, arawe wal᷊ine su labbingu manga ratu. Hizkia anangnge esakka naola'a ratu nallol᷊ossa si tou.

2 TAWARIKH 32:33

I Hizkia nate, ana see nilabbinga su wageangnge leta'a uasendekka tampa labbingu manga ratu. Tumana'u Yehuda wuṛṛu Yerusalem sarangkanambone nangonggolu aaddata apan nangilembo si tou sutempo i tou nate. Manasye anangnge naola'a ratu nallol᷊ossa si tou.

2 TAWARIKH 36:19

I tou nanggohakku darandungngu soa Yerusalem, wuṛṛu nanoṛṛobba soa udde, nasutta lai Wal᷊en Mawu wuṛṛu wal᷊en araratuanna suadio'a ringannu manga saranapa maarega apan ta'e sulal᷊ummu wal᷊en araratuanna udde.

NEHEMIA 1:3

I mangitou nabbatti'a manungku manga taumata wua niwuangnga apan buatte nabbelengnga watukku wanuane udde, orassa indi mabbiakka susa wuṛṛu lallobbosannu manga walahanna raho apan uatana'a maranine. See lai, manga darandungngu soa Yerusalem ta'e naṛṛimunsa'a uatal᷊eṛṛongnga wuṛṛu manga ngaran passallanganne taambe niola'a apia ro'en nisoṛṛobba sutempo nal᷊iu.

NEHEMIA 2:13

Allo ta'e ṛabbi, sutempo i yami nanantangngu soa niumamattu Ngara Wahewalla su samba'a waṛṛatta. I yami mattudda watukku timukka, watukku Ngara Wahewallu Sapadda, niumamattu Al᷊imatan Ua'e Naga. Sulal᷊ummu amatanna udde i ya'u namarikissa manga loṛṛangnga su darandungngu soa wuṛṛu i ya'u naasilo lai manga ngara wahewalla apan nasuete niepoddu putungnga.

ESTER 8:6

Ereapa wotongnge allangnga ma'ellega walahanna wuṛṛu manga tuṛṛangngu allangnga masue ṛatanna?”

DARALO 102:14

I'o sarun dumarisikka wuṛṛu umakkannu Sion, tempone nia'omante umakkanni tou.

DARALO 102:15

Ana waugu manga allang-Ngu mandangngu si tou, salaiwe i tou nabbal᷊ite nallambe manga tuidda. I mangitou u'akkanni tou, salaiwe i tou nabbal᷊ite awu.

DARALO 137:6

Wala'e i ya'u tate mapangantari napawe i ya'u naabul᷊inute wuṛṛu tawe na'ola'a si'o arangnguangku!

DARALO 38:7

I ya'u niuma'ukku'a wuṛṛu niumaruutta, su al᷊o'engngu allo i ya'u uatinnannanga wuṛṛu massusa.

YEREMIA 52:12

Su allo appul᷊one wul᷊anna al᷊imane sulal᷊ummu tonna mapul᷊o si'o i Nebukadnezar ratun Babel uaparenta, nirumantate su Yerusalem sangkatou aranne i Nebuzaradan. I tou udde mananantiro wuṛṛu tembonannu mandariaga Nebukadnezar.

LAL᷊ALLU 2:9

Manga ngarane niaomboannu leta'a, anambon papal᷊ene napaddi; ratu wuṛṛu tembonannu pamarenta poite su pamuanganna. Titan Mawu tate lai iaṛṛa'a; nabi tate lai manengkamma sondappa wuassu Mawu.

DANIEL 2:4

I mangitou sinumimbakka sulal᷊ummu sasinaukku Aram, “Mabbiakke Tuangku saran mal᷊annu-l᷊annu! Wattia'e wal᷊iawa udde si yami, ne i yami sarun manal᷊a'an atappasanne.”

DANIEL 3:9

I mangitou nabbisara si Ratu Nebukadnezar, “Mabbiakke Tuangku saran mal᷊annu-l᷊annu!

DANIEL 5:10

Naaringikka manga aintul᷊in datu wuṛṛu manga tembonanne, inangngu ratu sinumutta salal᷊ummu tampan aneangnga. Ana see i tou nabbisara, “Nabbiakke Tuangku saran mal᷊annu-l᷊annu! Paatammudde naungngi Tuangku wuṛṛu ariette mamikkassa.

DANIEL 6:21

Napawe na'omate poiaroddi, i tou nangintul᷊ite ringannu tingikka sussinggawangnga, “Daniel, allangngu Ruata apan wiakka! Apa Ruatanu apan sassubbannu ringannu satia udde wotongnge manal᷊amatta si'o wuassu manga singa udde?”

DANIEL 6:6

Ana see i mangitou nabbisara, “I ite tumba'u wotongnge maasomba pasasal᷊an Daniel sulal᷊ummu olangnge ringannu agamane.”

IMAMATTA 26:31

manga soanu sarun Ta'u wal᷊uanna mabbal᷊i tuidda, manga tampa patataṛamawuannu Ta'u ṛimunsaanna wuṛṛu manga sasambanu tawe Ta'u seengkamanna.